Абдулла Абдулла со сторонниками, на церемонии приведения к присяге на пост президента Афганистана в Кабуле

Иҷмоъи минтақаӣ: Доктор Абдуллоҳ Абдуллоҳ ба Тоҷикистон меояд

849
(Таҷдидшуда 14:03 11.11.2020)
Доктор Абдуллоҳ Абдуллоҳ, раиси Шӯрои олии мусолиҳаи миллии Афғонистон, ба Тоҷикистон меояд. Ин сафар бояд моҳи гузашта сурат мегирифт, аммо ба таъхир афтода буд

ДУШАНБЕ, 11 ноя – Sputnik. Дар дафтари Шӯрои олии мусолиҳаи миллии Афғонистон ба Sputnik Тоҷикистон гуфтанд, ки Доктор Абдуллоҳ Абдуллоҳ пас аз сафари Тошканду Ишқобод ва Анқара озими Душанбе хоҳад шуд.

“Ҳанӯз санаи сафар маълум нест. Аммо ба ҳамин зудӣ анҷом хоҳад гирифт, зеро ин силсиласафари раиси Шӯрои мусолиҳаи миллии Афғонистон бояд моҳи гузашта анҷом мешуд ва ба таъхир афтод”, - гуфт манбаъ.

Шоми рӯзи гузашта, 10 ноябр, ҳайате таҳти сарварии Абдуллоҳ Абдуллоҳ вориди шаҳри Тошканд, пойтахти Ӯзбекистон шуд.

Бино ба иттилои дафтари Шӯрои олии мусолиҳаи миллии Афғонистон, қарор аст Абдуллоҳ Абдуллоҳ бо вазири корҳои хориҷии Ӯзбекистон Абдулазиз Комилов ва дигар раҳбарони он кишвар мулоқот кунад.

“Дар ин мулоқотҳо қабл аз ҳама ҳамкории Афғонистону Ӯзбекистон дар раванди овардани сулҳ ба Афғонистон ва дигар самтҳои ҳамкории миёни ду кишвари ҳамсоя баррасӣ мешаванд”, - гуфт манбаъ.

Ӯзбекистон яке аз кишварҳои фаъол дар раванди сулҳи Афғонистон аст. Ҳанӯз моҳи марти соли 2018 дар шаҳри Тошканд конфронси байнулмилалӣ дар масъалаи Афғонистон баргузор шуда буд.

Моҳи сентябри соли равон Шавкат Мирзиёев, президенти Ӯзбекистон, дар сессияи 75-уми Маҷмааи умумии Созмони Милали Муттаҳид пешниҳод кард, ки як кумитаи вижа дар ин созмон ба манзури мусоидат ба рушди иҷтимоиву иқтисодии Афғонистон таъсис ёбад.

Бино ба иттилои дафтари Шӯрои олии мусолиҳаи миллии Афғонистон, Абдуллоҳ Абдуллоҳ қарор аст пас аз Ӯзбекистон ба Туркманистон, Туркия ва Тоҷикистон сафари корӣ анҷом диҳад.

“Ҳадаф аз ин сафарҳо ба вуҷуд овардани як иҷмоъи минтақаӣ дар масъалаи сулҳи Афғонистон аст. Кишварҳои минтақа ҳамеша ҳамкори мутмаини Афғонистон буданд ва қабл аз ҳама ба сулҳу оромиш ва амнияту суботи минтақа манфиатдоранд”, - гуфтанд дар дафтари Шӯрои олии мусолиҳаи миллии Афғонистон.

Бино ба ин манбаъ, ин силсиласафарҳои Абдуллоҳ Абдуллоҳ қарор буд даҳаи дуюми моҳи октябри соли равон анҷом ёбанд, аммо ба далоили номаълум ба замони дигар мавқуф гузошта шуда буданд.

Абдуллоҳ Абдуллоҳ бозгашти “низоми иморати Толибон”- ба Афғонистонро рад кард

“Таърихи сафари раиси Шӯрои олии мусолиҳаи миллии Афғонистон ба Ишқободу Анқара ва Душанбе ҳоло мушаххас нашудааст, аммо қарор аст ба ҳамин зудӣ то охири моҳи равон анҷом ёбанд”, - гуфт манбаъ.

12 сентябр дар шаҳри Доҳаи Қатар музокироти байнулафғонӣ шуруъ шуданд, ки гуруҳи Толибон аз як сӯ ва ҳукумати Афғонистон аз сӯи дигар дар он ширкат доранд.

Доктор Абдуллоҳ Абдуллоҳ раҳбарии ҳайатеро ба зимма дорад, ки аз ҳукумату мардуми Афғонистон намояндагӣ мекунад. Қабл аз ин ӯ ба Покистон, Ҳинд ва Эрон низ сафар карда буд.

849
Министр здравоохранения и социальной защиты Республики Таджикистан Джамолиддин Абдуллозода

Вазир ба хабаргирии кӯдакони маъюби "Чорбоғ" рафт

47
(Таҷдидшуда 15:51 03.12.2020)
Вазори тандурустии Тоҷикистон аз "Маркази миллии тавонбахшии кӯдакони маъюб "Чорбоғ" " дидан намуд ва камбудиҳои мавҷуда ба масъулин дастуру супоришҳои мушаххас дод

ДУШАНБЕ, 3 дек – Sputnik. Вазир ба хабаргирии кӯдакони маъюби "Чорбоғ" рафт, хабар медиҳад Вазорати тандурустии Тоҷикистон.

"Бо мақсади аз наздик шинос шудан бо фаъолияти муассисаҳои тандурустӣ ва ҳифзи иҷтимоии аҳолӣ ва омодагии онҳо ба давраи зимистон боздиди роҳбарони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз муассисаҳои тандурустӣ ва ҳифзи иҷтимоии аҳолии шаҳру ноҳияҳои мамлакат  идома дорад", - тавзеҳ медиҳад манбаъ.

Гуфта мешавад, бо ин мақсад Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ҷараёни омодагии Муассисаи давлатии "Маркази миллии тавонбахшии кӯдакони маъюб "Чорбоғ", ки  дар ноҳияи Варзоб ҷойгир аст, дидан намуд.

Дар ҷараёни боздид масъулини марказ ба Вазири тандурустӣ ва ҳифзи иҷтимоии аҳолии мамлакат иттилоъ доданд, ки барои хуб ва муътадил гузаронидани фасли зимистон дар муассисаи мазкур захираи кофии  сӯзишворӣ ва маводи хӯрокӣ муҳайё карда шудааст.

Ҳамзамон Ҷамолиддин Абдуллозода аз ошхонаи муассисаи зикршуда дидан намуда, бо ҷараёни хизматрасонӣ ба бошандагони он шинос шуд.

Вазири фаъол: чаро Абдуллозода аз беморхонаҳои шаҳрҳои Бохтар ва Леваканд дидан кард?

Вазири тандурустӣ ва ҳифзи иҷтимоии аҳолӣ ҷиҳати бартараф намудани мушкилот ва камбудиҳои мавҷуда  ба масъулин дастуру супоришҳои мушаххас дод.

47
Прокуратураи вилояти Суғд

Таъйиноти кадрӣ: Хоҷазода Фурқат Файзалӣ прокурори Суғд шуд

1423
(Таҷдидшуда 15:51 03.12.2020)
Бар асоси фармони Юсуф Раҳмон прокурори генералӣ, Хоҷазода Фурқат Файзалӣ прокурори вилояти Суғд таъйин гардид

 ДУШАНБЕ, 3 дек – Sputnik. Бино ба иттилои манобеъи Sputnik Тоҷикистон, Хоҷазода Фурқат Файзалӣ прокурори вилояти Суғд таъйин шудааст.

Ӯ, то ин замон муовини прокурори Вилояти Мухтори Кӯҳистони Бадахшон буд.

Хоҷазода Фурқат Файзалӣ соли 1979 дар ноҳияи Балҷувон таваллуд шудааст. Соли 2001 риштаи ҳуқуқшиносии Донишгоҳи миллии Тоҷикистонро хатм намуда, фаъолияти кориашро дар прокуратураи генералӣ оғоз намуд. Минҳайси муфаттиш кор карда буд.

Мотам дар прокуратура: даргузашти генерал – майор, муфаттиши “Парвандаи Мақсуд Икромов”

Баъдан прокурори ноҳияи ба номи Мирсайид Алии Ҳамадонӣ ва прокурори ноҳияи Муъминободи вилояти Хатлон таъин гардидааст. Мушовири адлияи дараҷаи 1, полковник аст.

Ҳоҷазода дар ин мақом Ҳабибулло Воҳидовро иваз намуд. Воҳидов, соли 2015 прокурори Суғд таъйин гардида, ҳудуди панҷ сол дар ин мақом фаъолият кард.

Дастури Эмомалӣ Раҳмон барои тоза кардани прокуратура ва судҳо аз “одамони тасодуфӣ”

Рӯзи 18 ноябри соли ҷорӣ бо фармони Президент Эмомалӣ Раҳмон, Воҳидов ба ҷойи Шерхон Салимзода, директори Агентии назорати маводи нашъаовари назди Президенти Ҷумҳурии Тоҷикистон таъйин гардид.

1423
Барчаспҳо:
Суғд, прокурор, таъйиноти кадрӣ
Нафт, акс аз бойгонӣ

Тоҷикистон тавлиди маҳсулоти нафтиро каму воридоташонро зиёд кардааст

0
(Таҷдидшуда 16:14 03.12.2020)
Дар Тоҷикистон аз оғози соли 2020 то моҳи ноябр воридоти маҳсулоти нафтӣ зиёд шуда, истеҳсолот коҳиш ёфтааст

ДУШАНБЕ, 3 дек — Sputnik. Тайи 10 моҳи 2020 тавлиди маҳсулоти нафтӣ дар Тоҷикистон дар муқоиса бо ҳамин давраи соли гузашта 21 дарсад кам шудааст, хабар дод Вазорати рушди иқтисод ва савдо.

Бар асоси омори расмӣ, ҳаҷми тавлиди бензин 51,1%, сӯзишвории дизелӣ 51,2% ва мазут 51,3% кам шудаст.

Дар маҷмуъ аз январ то октябри соли равон дар Тоҷикистон 20,4 ҳазор тонна нафт истихроҷ шудааст.

Ин дар ҳолест, ки воридоти маҳсулоти нафтӣ дар кишвар 15,6% афзоиш ёфтааст. Таъминкунандаи асосии маводи сӯхт дар Тоҷикистон ҳамоно Русия боқӣ мондааст.

Аз аввали сол ба ҷумҳурӣ 488,5 ҳазор тонна маҳсулоти нафтӣ ба маблағи 231,6 миллион доллар ворид шудааст.

Қаблан Вазорати рушди иқтисоду савдо хабар дода буд, ки воридоти мол ба кишвар дар 10 моҳ ба 2,5 миллиард доллар баробар шудааст, ки ба андозаи 6,3 фоиз нисбати нишондоди январ – октябри соли 2019 камтар мебошад.

0
Барчаспҳо:
маҳсулот, нафт, Тоҷикистон