Похороны в Таджикистане, архивное фото

Мотам дар дастгоҳи раиси вилояти Суғд: даргузашти Ином Усмонӣ

3179
(Таҷдидшуда 14:02 12.11.2020)
Ином Усмонӣ, мудири шӯъбаи умумӣ ва корҳои махсуси дастгоҳи раиси вилояти Суғд, дар синни 62 – солагӣ вафот кард

ДУШАНБЕ, 11 ноя – Sputnik. Яке аз пайвандони марҳум дар таъйиди ин хабар ба Sputnik Тоҷикистон гуфт, ӯ ду ҳафтаи ахир дар шифохона бистарӣ шуда, табобат мегирифт.

“Чанд рӯз дар Шифохонаи вилоятии шаҳри Хуҷанд хоб рафтанд. Гуфтанд, ки аворизи қалбӣ доранд. Барои мо маълум нест, ки оё маризиашон ба “вируси корона” рабт дорад, ё не. Бегоҳии рӯзи 11 ноябр хабари маргашон расид”, - гуфт ӯ.

Бино ба иттилои Хадамоти матбуоти раиси вилояти Суғд, Усмонӣ Ином Султонзод 9 сентябри соли 1958 дар шаҳри Хуҷанд таваллуд шуда, соли 1980 Донишгоҳи давлатии ба номи Н. Г. Чернышевскийи шаҳри Саратови Русияро бо ихтисоси филолог, устоди забон ва адабиёти рус хатм кардааст.

Солҳои 1980 то 1991 устоди кафедраи инкишофи нутқи шифоҳии русии Донишгоҳи давлатии педагогии ба номи С. М. Киров (ҳоло Донишгоҳи давлатии Хуҷанд ба номи Бобоҷон Ғафуров), мудири шӯъбаи Марказии илмию методии идораи фарҳанги кумиҷроияи вилояти Ленинобод (ҳоло Суғд), омӯзгори забон ва адабиёти руси мактаби миёнаи №20 ва котиби комиҷроияи Шӯрои депутатҳои халқи қишлоқи Ғозиёни ноҳияи Хуҷанд (ҳоло Бобоҷон Ғафуров) будааст.

Аз соли 1991 барои кор ба ниҳодҳои ҳукуматии вилоят омада, нахуст дар вазифаҳои раҳбарии Донишкадаи такмили ихтисос, сипас, шӯъбаи ташкилию кор бо кадрҳои ҳукумат ва Иттиҳодияи нақлиёти вилояти Суғд кор карда, замоне ҳам афсари қисми ҳарбии 2850 Кумитаи ҳифзи сарҳадоти давлатии назди ҳукумати Тоҷикистон будааст. Аз соли 1999 дигарбора ба ҳукумати вилоят омада, муовини мудири шӯъбаи ташкилию кор бо кадрҳо ва мудири шӯъбаи ташкил ва сардори Раёсати ташкилии дастгоҳи раиси вилоят буд. Соли 2008 ба муҳоҷирати меҳнатӣ ба Русия рафт.

Ахири ҳамон сол ба ватан баргашта, дар вазифаҳои мудири шӯъбаи таълимии Донишгоҳи давлатии ҳуқуқ, бизнес ва сиёсати Тоҷикистон, баъдтар сармутахассиси шӯъбаи маъмурӣ, сармутахассиси корҳои махсус, мудири шӯъбаи умумӣ ва корҳои махсус ва мудири шўъбаи муроҷиату қабули шаҳрвандони дастгоҳи раиси вилояти Суғд кард.

7 августи соли 2015 ӯ ба охирин вазифаи худ - мудири шӯъбаи умумии дастгоҳи раиси вилояти Суғд таъин шуд. Намози ҷанозаи Ином Усмонӣ имрӯз, 12 ноябр, дар деҳаи Ғозиёни ноҳияи Бобоҷон Ғафуров баргузор мешавад.

3179
Барчаспҳо:
мотам, дастгоҳ, кадр, вафот, Суғд, Тоҷикистон
Китоби «Тоҷикон»-и Бобоҷон Ғафуров ба сокинони ноҳияи Мурғоб тақдим гардид

Тақдими 4 ҳазор китоби "Тоҷикон"-и Бобоҷон Ғафуров ба сокинони Мурғоб

16
(Таҷдидшуда 12:46 04.12.2020)
Китоби "Тоҷикон"-и академик Бобоҷон Ғафуров ба дурдасттарин ноҳияи Вилояти Мухтори Кӯҳистони Бадахшон расид

ДУШАНБЕ, 4 дек – Sputnik. Дар ноҳияи Мурғоб рӯзи 3 декабр тақдими китоби "Тоҷикон"-и академик Бобоҷон Ғафуров шурӯъ шуд, хабар медиҳад Вазорати маориф.

Китобро муовини вазири маориф ва илми Тоҷикистон Нуралӣ Собирзода, раиси ноҳияи Мурғоб Ҳусния Раҷабзода, намояндагони Дастгоҳи иҷроияи Президенти Тоҷикистон, Ожонсии омори назди Президенти Тоҷикистон ва мақомоти иҷроияи ҳокимияти давлатӣ ба аҳолии ноҳия тақдим менамоянд.

"Барои аҳолии ноҳияи Мурғоб 3 ҳазору 800 дона китоб ҷудо шудааст, ки он ба дасти ҳар хонавода расонида мешавад", - омадааст дар хабарнома.

Ёдовар мешавем, ки дар асоси супориши Президенти Тоҷикистон Эмомалӣ Раҳмон бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби "Тоҷикон" чоп гардида, то ҷашни 30-солагии Истиқлоли давлатӣ ба ҳар оила тақдим карда мешавад.

Беш аз 4400 дона: туҳфаи Раҳмон ба Ванҷ расид

Гуфта мешавад, ки ҳамчунин дар доираи ин сафар муовини вазири маориф ва илм бо намояндагони маорифи ноҳияи Мурғоб вохӯрӣ анҷом дода, аз шароити корӣ ва вазъи соҳаи маориф аз наздик шинос гардидааст.

Аз Суғд то Хатлон : Президент шаш раиси шаҳру навоҳиро барканор ва таъин кард

Чанде пеш ин туҳфа  бо роҳбарии Нуралӣ Собирзода  ба шаҳру ноҳияҳои Вилояти Мухтори Кӯҳистони Бадахшон  фиристода шуд.

16
Барчаспҳо:
Бобоҷон Ғафуров, китоб, Мурғоб, тақдим
Дорожный знак, архивное фото

Фавти пирамарде, ки писараш пас аз садама ба беморхона набурд: ВКД таҳқиқ мекунад

211
(Таҷдидшуда 12:43 04.12.2020)
Вазорати умури дохилии Тоҷикистон мегӯяд, як марди солхӯрда бинобар нарасонидан ба беморхона дар пайи садамаи нақлиётӣ дар хонааш фавтидааст

ДУШАНБЕ, 4 дек – Sputnik. Бино ба иттилои дафтари матбуотии ин ниҳод садамаи нақлиётӣ санаи 3-юми декабри соли 2020, тахминан соати 10:00 дар  деҳаи Ширинчашмаи шаҳри Истаравшан сар задааст.

Манбаъ мегӯяд, ронандаи автомашинаи тамғаи “Опел-Вектра”, Мирзоев Наимҷон Гиёевичи 42-сола сокини деҳаи Ширинчашмаи шаҳри Истаравшан, ҳангоми ба беморхонаи марказии шаҳри мазкур бурдани падараш Мирзоев Гиёи 88‑сола дар ҳудуди ҷамоати деҳоти Нофароҷ аз уҳдаи идораи автомашина набаромада, ба канори рости роҳ чаппа шудааст.

Дар натиҷа, падараш Мирзоев Гиё ҷароҳатҳои ҷисмонӣ бардоштааст.

“Пас аз рух додани ин ҳодиса Мирзоев Наимҷон Гиёевичи падараш Мирзоев Гиёро ба беморхона набурда, оид ба ин ҳодиса ба ягон мақомоти ҳифзи ҳуқуқ муроҷиат накарда, падарашро дар манзили истиқоматии худ табобат намудааст, ки номбурда санаи 2-юми декабри соли 2020, аз ҷароҳати вазнини ҷисмонии бардоштааш дар хонаи истиқоматиашон вафот намудааст”,-афзудааст манбаъ.

Ҳалокати Абдулло ва Меҳриниссо дар пайи ду садамаи нақлиётӣ

ВУД мегӯяд, аз рӯи ин ҳодиса таҳқиқот идома дорад.

211
Барчаспҳо:
пирамард, ҳалокат, фавт, садама, Тоҷикистон

СҶБ: агар имкони риояи фосила иҷтимои мавҷуд набошад, пас ҳатман ниқоб пӯшед

0
(Таҷдидшуда 12:48 04.12.2020)
Тавсияи Созмони ҷаҳонии беҳдошт ҳам ба калонсолон ва ҳам ба кӯдакони то синни 12 - сола дахл дорад

ДУШАНБЕ, 4 дек – Sputnik. Созмони ҷаҳонии беҳдошт дастури ҷадид бобати риояи фосилаи иҷтимоӣ ва пӯшидани ниқоб нашр намудаст.

Бар тибқи дастури нави СҶБ, пӯшидани ниқоб дар ҷойҳои ҷамъиятӣ, аз ҷумла мактабу мағоза ва ҷойҳои умумии корӣ ҳам барои одамони калонсол ва ҳам барои кӯдакони то синни 12 - сола шарт ва зарур аст.

"Чӣ дар дохили биноҳо, аз ҷумла дар мағозаҳо, ҷойҳои кори умумӣ ва мактабҳо ва чӣ дар беруни биноҳо, ки фосилагирии ҷисмонӣ ба андозаи ҳадди ақалл як метр ғайриимкон аст, ниқобҳо пӯшида шаванд", - таъкид мешавад дар хабар.

Гузашта аз ин, созмон тавсия медиҳад, ки сарфи назар аз имконоти нигоҳ доштани фосилаи зарурӣ, ҳамеша дар дохили биноҳое, ки ба таври бояду шояд ҳаво дода намешаванд, бояд ниқоб пӯшида шавад.

Муҳофизат бо усули ҷопонӣ: ниқобҳо бо алмосу марворид - акс

Ин тавсия ҳам ба калонсолон ва ҳам ба кӯдакони 12-сола ва калонтар дахл дорад. Барои кӯдакони то панҷсола пӯшидани ниқоб тавсия дода нашудааст.

Ҳамзамон барои кӯдакони синни аз 6 то 11-сола тасмим дар бораи пӯшидани ниқоб ё напӯшидани он бо дарназардошти вазъи мушаххаси вобаста ба интиқоли коронавирус дар минтақаи муайян, инчунин қобилияти кӯдак барои истифодаи дурусти ниқоб ва имкони назорати онҳо аз тарафи калонсолон гирифта мешавад.

0
Барчаспҳо:
тавсия, СҶБ
Мавзуҳо:
Пайомадҳои COVID-19 дар Тоҷикистон ва ҷаҳон