Анвар Мирзоҳакими Олим

Мотам дар Иттифоқи нависандагон: Анвар Олим, муаллифи "Балогардон" даргузашт

969
(Таҷдидшуда 13:17 13.11.2020)
Анвар Мирзоҳакими Олим, нависандаи номвар ва мутарҷими варзида, бародари шоири халқии Тоҷикистон Аскар Ҳаким, дар синни 64 - солагӣ аз дунё даргузашт

ДУШАНБЕ, 13 ноя – Sputnik. Аъзам Хуҷаста, шоир ва аз ҳамкорони ӯ, дар суҳбат ба Sputnik Тоҷикистон гуфт, Анвар Мирзоҳаким Олим, солим буд ва зоҳиран аз ҳеҷ беморие ранҷ намекашид, вале шоми дирӯз даъвати Ҳақро лабайк гуфту ҷон таслим кард.

"Ба кор омада мерафтанд. Ахиран рӯзи сешанбе буд, ки бо вохӯрии донишҷӯёни шӯъбаи рӯзноманигории Донишгоҳи Хуҷанд бо ҳайати эҷодии маҷаллаи "Пайёми Суғд" доир гардид. Донишомӯзон ду се ҳикоя навишта буданд, онҳоро ҳамроҳ бо устод таҳрир ва барои нашр дар нимсолаи аввали соли оянда омода карда будем. Дирӯз хабар доданд, ки бандагӣ кардаанд. Ҷояшон ҷаннат бод,ба аҳли пайвандонашон сабри ҷамил хоҳонем", - зикр кард, Хуҷаста.

Анвар Мирзоҳакими Олим (Ориёнмеҳр), соли 1956 дар деҳаи Рӯмони ноҳияи Бобоҷон Ғафуров таваллуд шудааст.

Баъд аз хатми мактаби миёна шомили Донишкадаи давлатии омӯзгории Ленинобод шуда, соли 1977 соҳиби дипломи маълумоти олӣ гардидааст.

Солҳои 1986-1988 дар сафи Артиши Шӯравӣ дар Афғонистон адои хидмат кардааст.

Аз соли 1980 дар соҳаи рӯзноманигорӣ заҳмат мекашад. Чанд сол ба ин дам корманди масъули маҷаллаи адабии "Паёми Суғд" буд.

Анвар Мирзоҳакими Олим аз зумраи нависандагони мумтози тоҷик аст, ки дар рушди насри ба истилоҳ психологӣ дар нимаи дуюми асри 20 то ин ҷониб дар адабиёти тоҷик саҳми бориз гузоштааст.

Ӯ муаллифи даҳҳо асару достонҳои мустанад аз ҷумлаи "Балогардон", "Лолаҳои муҳаббати модар", "Қиссаҳо аз ислом ва панди Мавлонои Рум", "Вақти гули зардолу", "Макрӯҳ" ва "Шаби 13-ум…" мебошад.

Анвар Мирзоҳакими Олим аз мутарҷимони соҳаи адабиёт буд, ки асарҳои адибони дигар аз ҷумла силсилаи ҳикояҳои нависандаи Латвия Андрей Скилс "Чароғи сеҳрнок", нависандаи рус В. Гринков "Ашки ҷаллод", нависандаи қирғиз Чингиз Айтматов "Алопаре, ки медавад лаб-лаби баҳр" ва инчунин даҳҳо латифаю ҳикояҳои ҷопонӣ бо номи "Қатраҳои борон, пас борон" ва амрикоиро ба тоҷикӣ ба нашр расонидааст.

Ӯ аз соли 1999 узви Иттифоқи нависандагони Тоҷикистон буд. Бо гирифтани ҷоизаҳои адабии ба номи Раҳим Ҷалил, Камоли Хуҷандӣ ва Садриддин Айнӣ сазовор гардидааст.

Манобеъ аз деҳаи Рӯмони ноҳияи Бобоҷон Ғафуров гуфтанд қарор аст, соати 16:00 баъд аз асри имрӯз, ҷанозаи Анвар Мирзоҳакими Олим дар қабристони "Чилдухтарон" дар зодгоҳаш ба хок супурда шавад.

969
Барчаспҳо:
Иттифоқи нависандагони Тоҷикистон, олим, Тоҷикистон, даргузашт
Почетный японский караул с флагами Японии и Таджикистана

Ҷопон ба таҳсили кормандони Тоҷикистон ҳудуди 2,5 миллион доллар кумак мекунад

7
(Таҷдидшуда 21:14 02.12.2020)
Вазири молияи Тоҷикистон ва раиси намояндагии Ожонси ҳамкориҳои байналмилалии Ҷопон дар Душанбе тавофуқномаи кумаки билоиваз барои иҷрои тарҳи бурсияи таҳсилӣ (стипендия) барои омӯзиши кадрҳои давлатӣ ба имзо расониданд

ДУШАНБЕ, 2 дек — Sputnik. Ба гузориши хабаргузории Форс, дар чорчӯби ин тавофуқнома, ки ба имзои Файзиддин Қаҳҳорзода ва Токосако Монио расид, барои тақвияти тавонмандии кормандони давлат ва дигар ниҳодҳо дар Тоҷикистон, Токио аз тариқи Ожонси ҳамкории байналмилалӣ (Ҷойко) ба ин кишвар ҳудуди 2,5 миллион доллар кумак мекунад.

Таҳсил дар Ҷопон: Муҳриддин ва Мияшита ёддошти тафоҳум имзо карданд

Ҳадаф аз ин тарҳи кумак ба тавсеаи Тоҷикистон аз тариқи тақвияти тавони кормандони давлатӣ, ҳимоят аз тавсеаи манобеи инсонии Тоҷикистон бо тамаркуз бар кормандони ҷавон ва тақвияти равобит байни Душанбе ва Токио аст.

Донишҷӯёни се донишгоҳи Тоҷикистон ба Ҷопон мераванд

Созмони хадамоти давлатии вобаста ба раёсати Ҷумҳурии Тоҷикистон ин тарҳро бо ҳимояти молии намояндагии Ожонси ҳамкориҳои байналмилалии Ҷопон, мавсум ба Ҷойко иҷро мекунад.

7
Барчаспҳо:
кумак, таҳсил, бурсия, Ҷопон, Тоҷикистон
Медицинский работник в спецзащите в отделении реанимации и интенсивной терапии

Вазорат марги боз як нафари дигарро бар асари COVID-19 дар Тоҷикистон таъйид кард

61
(Таҷдидшуда 21:15 02.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта як ҳолати фавт бар асари коронавирус ба қайд гирифта шудааст

ДУШАНБЕ, 2 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 38 ҳолати нави сироятёбӣ ба COVID-19 ошкор гардид.

Манбаъ афзуд, шумораи умумии гирифторон аз 30 апрел то 2 декабр ба 12 ҳазору 269 нафар расид.

Вазорат таъкид намудааст, ки давоми шабонарӯзи гузашта 37 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 677 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Дар ҳамин ҳол, вазорати тандурустӣ қайд кардааст, ки мутаассифона шабонарӯзи гузашта боз як марги дигар ба қайд гирифта шуд.

Ҳамин тавр ба иттилои вазорат, аз 30 апрел то 2 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

61
Барчаспҳо:
марг, вируси корона, фавт, шабонарӯзӣ, Вазорати тандурустӣ, Тоҷикистон