Последствия разрушений после селевого потока в Пенджакенте

КҲФ Тоҷикистон гуфт, дар нуҳ моҳ аз офатҳои табиӣ чанд нафар ҳалок шуд

114
(Таҷдидшуда 18:04 15.11.2020)
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон таъкид кардааст, ки ҳамасола аз боронҳои тӯлонию обхезӣ, омадани селу ярч, фаромадани тарма баамаломада, ба аҳолӣ ва иқтисодиёти кишвар зарари ҷиддӣ расонида мешавад

ДУШАНБЕ, 15 ноя – Sputnik. Ин ниҳод эълон кардааст, ки дар нуҳ моҳи соли равон дар ҷумҳурӣ 193 ҳодиса ва зуҳуроти хатарноки табиӣ ба қайд гирифта шудааст.  Аз ин шумора 25 ҳолат ба иқтисодиёти шаҳру ноҳияҳои кишвар зарар расонда, 8 нафар ба ҳалокат расидаанд.

Маркази матбуоти Кумитаи ҳолатҳои фавқулодаи Тоҷикистон иттилоъ додааст, ки бо дастгирии Ҳукумат ва ҳамкориҳо бо намояндагии корпусҳои дипломатии давлатҳои хориҷӣ, созмонҳои байналмилалӣ ва дигар ташкилотҳои муқими Тоҷикистон ба хоҷагиҳои  зарардида аз офатҳои табиӣ, ёрӣ расонда шуд.

Аз ҷумла, ба аҳолии зарардидаи ноҳияи Хуросон аз ҷониби Ҳукумати Тоҷикистон маводи хӯрока ва масолеҳи сохтмонӣ дастрас гардид.

Ба аҳолии зарардидаи ноҳияи Тоҷикобод аз заминларза тибқи Фармоиши Комиссияи давлатии Ҳукумати Тоҷикистон оид ба ҳолатҳои фавқулода ба 26 оилае, ки бар асари заминларзаи 4 июли соли 2020 қисман зарар диданд, кумаки яквақтаинаи моддӣ ба маблағи 25 ҳазору 850 сомонӣ ҷудо гардид.

Инчунин, ба онҳо масолеҳи сохтмонӣ, аз қабили 10,4 тонна арматура, 1690 дона шифери филизӣ, 78 метри мукааб тахта ва аз ҳисоби хариди иловагӣ 78 тонна семент ва 1040 дона ДВП ҷудо гардид.

Мақомоти иҷроияи маҳаллии ҳокимияти давлатии ноҳияи Тоҷикобод ба ҳар як оилаи зарардида ду ҳазор сомонӣ, дар маҷмӯъ, 52 ҳазор сомонӣ кумак кард.

Дар нуҳ моҳи соли ҷорӣ аз тарафи наҷотдиҳандагони кумита 216 нафар наҷот дода шуд, аз ҷумла ҳангоми тармафароӣ, корҳои рӯиобӣ ва зериобӣ, кушодани дарҳои оҳанин, садамаи нақлиётӣ, дар дохили лифт мондан ва дар дигар амалиётҳои наҷотдиҳӣ.

Дар ин давра дар кӯлу дарёҳои кишвар 99 шаҳрванди ҷумҳурӣ ғарқ шудаанд.

114
Барчаспҳо:
ҳалокат, зарар, аҳолӣ, офати табиӣ, КҲФ, Тоҷикистон
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

81
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

81
Жители Душанбе на улице в масках

Вазорати тандурустӣ: 41 нафарро пас аз табобат аз коронавирус рухсат додем

21
(Таҷдидшуда 20:57 03.12.2020)
Вазорати тандурустии Тоҷикистон омори нави коронавирусро нашр кард. Ниҳод қайд кардааст, ки дар як рӯз дар муассисаҳои тандурустии кишвар 41 нафар пас аз шифо ёфтан аз КОВИД ба манзилҳояшон рухсат дода шуданд

ДУШАНБЕ, 3 дек — Sputnik. Гуфта мешавад, шабонарӯзи охир дар Ҷумҳурии Тоҷикистон 39 ҳолати нави сирояти COVID-19 ба қайд гирифта шуд.

"Дар маҷмӯъ сирояти коронавирус дар муддати аз 30 апрел то 3 декабр 12308 ҳолатро ташкил медиҳад", - менависад вазорати тандурустӣ.

Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11718 (95,2%) баробар гардидааст.

Омори фавт аз беморӣ бетағйир аст. Бар асари ин беморӣ 87 нафар даргузаштаанд.

Коронавирус дар Тоҷикистон: омори моҳи ноябр

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

21
Барчаспҳо:
омор, маризӣ, Вазорати тандурустии ҶТ