Здание МИД РТ в Душанбе, архивное фото

Дипломатҳои тоҷик Рӯзи Президентро таҷлил карданд: вазир аз нақши Раҳмон гуфт

99
Вазорати корҳои хориҷӣ ба муносибати Рӯзи Президенти Тоҷикистон ҳамоиши тантанавӣ баргузор кард, ки дар он вазир суханронӣ намуд

ДУШАНБЕ, 16 ноя — Sputnik. Сироҷиддин Муҳриддин, вазири умури хориҷии Тоҷикистон, дар суханронии табрикӣ аз саҳми Эмомалӣ Раҳмон дар роҳи эҳё ва ташаккули давлатдории миллӣ гуфтааст.

Вазир инчунин нақши Эмомалӣ Раҳмон дар таъмини сулҳу ваҳдат ва баланд бардоштани нуфузу эътибори Тоҷикистон дар арсаи байналмилалиро таъкид кардаст.

Ба иттилои “Ховар”, Муҳриддин гуфт, натиҷаи ҳидояту роҳнамоиҳои Эмомалӣ Раҳмон, аз ҷумла сиёсати “дарҳои боз” аст, ки имрӯз Ҷумҳурии Тоҷикистон бо аксари кулли кишварҳои олам муносибатҳои дипломатӣ ба роҳ монда, дар арсаи байналмилалӣ ҷойгоҳи хосса касб намудааст.

Ба гуфтаи вазир, гиромидошти Рӯзи Президент, ки ибтидо аз соли 2016 ба ҳукми анъана даромаду ҳар сол таҷлил мешавад, нишонае аз қадрдонии миллати мо нисбат ба Эмомалӣ Раҳмон мебошад.

Сироҷиддин Муҳариддин таъкид намудааст, ки ин ҷашн омили дигари ваҳдату якпорчагӣ ва рамзи муттаҳидии тамоми мардум дар атрофи Президент ва қадам гузоштан дар роҳи амалисозии нақшаву барномаҳои ояндасози ин марди шариф аст.

99
Барчаспҳо:
таҷлил, Рӯзи Президент, Тоҷикистон
Жители Душанбе на улице в масках

Вазорат омори навро гуфт: шумораи мубталоёни коронавирус дар Тоҷикистон аз 12 ҳазор гузашт

314
(Таҷдидшуда 21:06 29.11.2020)
Давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%) баробар гардид

ДУШАНБЕ, 29 ноя — Sputnik. Дар Тоҷикистон шумораи гирифторони коронавируси нав ба 12155 нафар расид, гузориш медиҳад Вазорати тандурустии Тоҷикистон.

Бино бар иттилои манбаъ, шабонарӯзи гузашта дар Ҷумҳурии Тоҷикистон 37 ҳолати нави сироятёбӣ ба COVID-19 ба қайд гирифта шуда, дар муддати аз 30 апрел то 29 ноябр шумораи гирифторони коронавируси нав ба  12155 нафар расид.

Гуфта мешавад, давоми шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11559 (95,1%)  баробар гардид. Инчунин, бар асари ин беморӣ 86 нафар фавтидаанд.

Мурда зинда шуд: пирамарде пас аз "марг" аз коронавирус ба манзилаш баргашт

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

314
Барчаспҳо:
маризӣ, омор, Тоҷикистон
Абдувоҳид Ҳоҷиев, собиқ мушовири сафири Тоҷикистон дар Русия даргузашт

Даргузашти Ҳоҷиев - собиқ мушовири сафири Тоҷикистон дар Русия

758
(Таҷдидшуда 21:01 29.11.2020)
Дар Маскав дар синни 81-солагӣ собиқ сиёсатмадори тоҷик ва собиқ мушовири сафири Тоҷикистон дар Русия Ҳоҷиев Воҳид даргузашт

ДУШАНБЕ, 29 ноя — Sputnik. Дар бораи даргузашти Воҳид Ҳоҷиев, корманди Шӯрои байналмилалии ҳамватанони Русия, собиқ мушовири сафири Тоҷикистон дар Русия корбарони шабакаҳои иҷтимоӣ хабар додаанд.

Мусалмон ҳангоми дуо, акс аз бойгонӣ
© Sputnik / Александр Полегенько

Бино бар иттилои манбаъ, Ҳоҷиев имрӯз дар синни 81-солагӣ дар Маскав вафот кард.

Ҳоҷиев соли 1939 дар шаҳри Истаравшан ба дунё омадааст. Собиқ котиби авали ноҳияи Фрунзе, ноҳияи Ленини шаҳри Душанбе ва шаҳри Турсунзода буд.

Дертар  ба ҳайси мушовири сафири Тоҷикистон дар Русия кор кардааст.

Воҳид Ҳоҷиев то имрӯз дар Шӯрои байналмилалии ҳамватанони Русия кор мекард.

Дар бораи далели даргузашти ӯ иттилое нест.

Генерали 72 сола, собиқ сарҳадбон: Ҷаббор Ҳомидов даргузашт

Дар ҳамин ҳол, Ҳоҷиевро корбарон чун сиёсатмадори хуб ва инсони нек тавсиф мекунанд.

758
Барчаспҳо:
Русия, Тоҷикистон, даргузашт

Бадтар аз коронавирус: пизишки рус эмидемияи нави мудҳишеро пешбинӣ мекунад

0
(Таҷдидшуда 21:08 29.11.2020)
Доктор Александр Мясников, пизишки номии рус эпидемияи мудҳишеро, ки бадтар аз коронавирус хоҳад буду ҷони нафарони зиёдеро хоҳад бурд, пешбинӣ мекунад

ДУШАНБЕ, 29 ноя — Sputnik. Ба ҷаҳон хатари эпидемияи нави ҷиддие, ки қурбониёни зиёде хоҳад дошт, таҳдид мекунад, пешбинӣ мекунад пизишк Александр Мясников, хабар медиҳад РИА Новости.

Ба гуфтаи вай, ҳамагирии навбатӣ бадтар аз коронавирус хоҳад буд.

Дар робита бо ин, ӯ даъват кардааст, ки як васкини универсалӣ таҳия шавад.

"Масъалан, ваксинаи универсалӣ аз зуком - ба мо маҳз он (эпидемияи зуком - идора) - зукоми хук ё парранда таҳдид мекунад. Тавре вирусшиносҳо менависанд: эпидемияи ҷиддӣ бо мутатсия шудани вирусҳои мову ҳайвон таҳдид мекнунад", - гуфтааст доктор Мясников.

Ба гуфтаи вай, мутатсияи аввал ин гузаштани вирус аз ҳайвон ба инсон ва сипас аз инсон ба инсон мебошад.

Вай афзуд, ки барои коркарди ваксин вақти зиёде талаб мешавад.

Агар ин вирус зуҳур кунад, марг аз он то 40 дарсадро ташкил хоҳад дод, ки то пайдо шудани ваксина аз он даҳҳо миллион нафар мемиранд.

Мясников: дар Маскав аз COVID -19 бештар қафқозҳо ва осиёиҳо азият кашиданд

Ӯ даъват кардааст, ки тамоми олимони ҷаҳон қувваашонро сарф намудаву маблағи зиёде сармоя карда, ин ваксинро бояд сохт.

0
Мавзуҳо:
Пайомадҳои COVID-19 дар Тоҷикистон ва ҷаҳон