Қатори мошинҳои Эмомалӣ Раҳмон

Аз карахтӣ дар таъйини кадрҳо то қинии кор: Грозин бурду бохти Раҳмонро гуфт-садо

1428
(Таҷдидшуда 19:56 16.11.2020)
Андрей Грозин роҳбари шуъбаи Осиёи Марказии Пажуҳишгоҳи кишварҳои ИДМ бурду бохти кори Эмомалӣ Раҳмон дар раъси Тоҷикисонро баҳогузорӣ карда, аз мушкилоти кору камбудиҳояш гуфт

Грозин дар Рӯзи Президент, ки дар Тоҷикистон 16 ноябр таҷлил мешавад, изҳор дошт, ки таърихи навини кишвар бо шахсияти Эмомалӣ Раҳмон пайванди ногусастанӣ дорад

Коршинос дар суҳбат бо Sputnik Тоҷикистон аз мушкилоти кори Раҳмон суҳбат карда, дар қатори монеаҳои асосии рушди кишвар, сохтори иқтисод, вазъи демографӣ ва мероси ҷанги шаҳрвандиро ном бурд, ки дар чунин шароит идораи кишвар бисёр мушкил мебошад.

Ба гуфтаи Грозин, ин ки Тоҷикистон тай даҳсолаҳои охир ба масири рушд баромадааст, хизмати Раҳмон ва афроде, ки ҷамъ овардааст.

Грозин: фигура Рахмона неотделима от истории

“Аз Эмомалӣ Шарипович як қатор эродҳо мегиранд, ки чизеро надуруст кард, аммо барои гузаштаро арзёбӣ кардан, хиради ҳама мерасад. Бояд авзоъро солим ва мунсифона баҳо дод. Раҳмон роҳбари мусбату муваффақ буд. Интихоботи ахири президентӣ нишон доданд, ки аксари шаҳрвандон суботро арзиши аслӣ ва баҳснопазир медонанд. Бо субот шахсияти Раҳмонро пайванд медонанд”, - илова намуд Грозин.

Ӯ таъкид намуд, ки дар баробари ин бояд воқеъбин буд, чун дар ҷомеа камбудиҳои зиёдро ба шахсияти Раҳмон марбут медонанд.

Аз ҷумлаи камбудиҳои Раҳмон ба гуфтаи Грозин карахтӣ дар сиёсати кадрияш мебошад, чун афроде, ки бо тамоми маъно кори самаранок намекарданд, даҳсолаҳо дар мақомашон дар саргаҳи иқтисод мемонданд. Ба гуфтаи коршинос, тағйироти ахири кадрӣ то ҷое шиддат дар ин бахшро коҳиш дод.

“Ҳозир ҷойивазкуниҳо сурат гирифта истодаанд, ҷунбишҳо дар бахши қонунгузорӣ ҷой доранд, коркарди масъалаҳо барои ислоҳот дар қонунгузории иқтисодӣ, сиёсати сармоягузорӣ ва тартиботи молиявӣ сурат гирифта истодаанд”, - гуфт Грозин.

Ӯ илова намуд, боре, ки ба дӯши Раҳмон аст, гарон мебошад, чун Тоҷикистон ҷумҳурии бой нест.

Грозин мӯътақид аст, ки ҷанги шаҳрвандӣ дар Тоҷикистон бояд саргаҳи асосии  баҳогузориҳо ба фаъолияти Эмомалӣ Раҳмон бошад.

1428
Барчаспҳо:
Эмомалӣ Раҳмон, таҳияи кадрҳо, таъйин, Тоҷикистон
Врачи работают с пациентами Covid-19 в отделении интенсивной терапии

Вазорат: марг бар асари СOVID-19 дар шабонарӯзи гузашта ба қайд гирифта нашудааст

25
(Таҷдидшуда 19:28 05.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта ягон ҳолати фавт бар асари коронавирус ба қайд гирифта нашудааст

ДУШАНБЕ, 5 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 40 ҳолати нави сироятёбӣ ба COVID-19 ошкор гардид.

Раскрыта причина низкой стоимости российской вакцины от COVID-19 - YouTube
© Ruptly РФПИ / youtube_RussiaUN / www.cbc.ca / WHO / АФК "Система", завод "Биннофарм"

Манбаъ афзуд, шумораи умумии гирифторон аз 30 апрел то 5 декабр ба 12 ҳазору 389 нафар расид.

Вазорат таъкид намудааст, ки давоми шабонарӯзи гузашта 38 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 796 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Ҳамин тавр ба иттилои вазорат, аз 30 апрел то 5 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

25
Барчаспҳо:
шабонарӯзӣ, фавт, Вазорати тандурустӣ, вируси корона, Тоҷикистон
Министр здравоохранения Республики Таджикистан Джамолиддин Абдуллозода

Дидори ногаҳонӣ: Вазир аз бемористони ноҳияи Рӯдакӣ хабар гирифт

20
(Таҷдидшуда 18:34 05.12.2020)
Бо мақсади аз наздик шиносоӣ пайдо намудан бо фаъолияти муассисаҳои тандурустӣ ва омодагии онҳо барои муътадил гузаронидани фасли зимистон, беҳтар намудани сатҳ ва сифати хизматрасонии тиббӣ ба аҳолӣ вазорати тандурустӣ гаштҳои рӯзона ва шабонаро ба роҳ мондааст

ДУШАНБЕ, 5 дек – Sputnik. Вазири тандурустӣ ва ҳифзи иҷтимоии аҳолии кишвар Ҷамолиддин Абдуллозода шахсан аз Беморхонаи марказӣ ва Беморхонаи бемориҳои руҳии ноҳияи Рӯдакӣ дидан кард, иттилоъ додааст дафтари матбуоти вазорат.

Гуфта шудааст, ки барои гузаронидани фасли зимистон дар беморхонаи мазкур захираи кофии сӯзишворӣ ва маводи хӯрока муҳайё карда шуда, муассисаҳои номбурда ҷиҳати муътадил гузаронидани фасли зимистон омода мебошанд.

Қайд карда шудааст, ки вазир дар беморхонаҳои мазкур бо беморон низ мулоқот намуда, оид ба вазъи хизматрасонии тиббӣ аз онҳо пурсон шуд.

Қайд карда шудааст, ки бо мақсади боз ҳам беҳтар намудани хизматрасонии тиббӣ, риояи қоидаҳои пешгирӣ аз сӯхтор ва бартараф намудани мушкилот ва камбудиҳои мавҷуда аз ҷониби вазири тандурустӣ Ҷамолиддин Абдуллозода ба масъулини беморхонаҳои номбурда дастуру супоришҳои мушаххас дода шуд.

20
Барчаспҳо:
дидан, Рӯдакӣ, бемористон, тандурустӣ, вазир, Тоҷикистон