Доллары США

"Саҳмияҳо"-и Pepsi, Nike, Microsoft ва BMW-ро фурӯхтанд: боздошти ду тоҷик дар Қазоқистон

320
(Таҷдидшуда 16:43 17.11.2020)
Шаҳрвандони Тоҷикистон дар Қазоқистон пирамидаи молӣ ташкил карда, худро намояндагони ширкати Pepsi, Nike, Microsoft ва BMW муаррифӣ кардаанд ва саҳмияҳои қалбакиро фурӯхтаанд

ДУШАНБЕ, 17 ноя — Sputnik. Шаҳрвандони Тоҷикистон дар вилояти Октобаи Қазоқистон пирамидаи молӣ ташкил карда, саҳмияҳои Pepsi, Nike, Microsoft ва BMW-ро ба фурӯш гузоштаанд.

Дар шӯъбаи тадқиқоти иқтисодии вилоят хабар доданд, ки то имрӯз ҳаҷми умумии зарари молии расонадаи қаллобон 100 ҳазор доллар арзёбӣ карда мешавад.

Ҳудуди 400 нафар ба полиси кишвар шикоят бурдаанд, ки фиреб хӯрдаанд ва бо ин далел тафтишоти пешакӣ оғоз шудааст.

Дар пайи тафтишоти пешакӣ муайян гардидааст, ки ду шаҳрванди Тоҷикистон ва як шаҳрванди Қазоқистон пирамидаи молӣ ташкил карда, саҳмияҳои ширкатҳои бузурги ҷаҳониро ба фурӯш мегузоштанд ва худро намояндагони ин ширкатҳо муаррифӣ мекарданд.

Яке аз гумонбарон - шаҳрванди Тоҷикистон дастгир шудааст ва шарикаш дар бозҷӯӣ қарор дорад.

Тафтишот идома дорад.

Дар Тоҷикистон намояндаи қалбакии ширкати “LNS” мехост пирамидаи молиявӣ созад

Ёдрас мешавем, ки айнан ҳамин гуна пирамидаи молиро моҳи феврали соли 2020 дар Ӯзбекистон ошкор карда буданд.

320
Барчаспҳо:
саҳмия, боздошт, Қазоқистон
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

2044
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

2044
Жители Душанбе на улице в масках

Вазорати тандурустӣ: 41 нафарро пас аз табобат аз коронавирус рухсат додем

76
(Таҷдидшуда 20:57 03.12.2020)
Вазорати тандурустии Тоҷикистон омори нави коронавирусро нашр кард. Ниҳод қайд кардааст, ки дар як рӯз дар муассисаҳои тандурустии кишвар 41 нафар пас аз шифо ёфтан аз КОВИД ба манзилҳояшон рухсат дода шуданд

ДУШАНБЕ, 3 дек — Sputnik. Гуфта мешавад, шабонарӯзи охир дар Ҷумҳурии Тоҷикистон 39 ҳолати нави сирояти COVID-19 ба қайд гирифта шуд.

"Дар маҷмӯъ сирояти коронавирус дар муддати аз 30 апрел то 3 декабр 12308 ҳолатро ташкил медиҳад", - менависад вазорати тандурустӣ.

Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11718 (95,2%) баробар гардидааст.

Омори фавт аз беморӣ бетағйир аст. Бар асари ин беморӣ 87 нафар даргузаштаанд.

Коронавирус дар Тоҷикистон: омори моҳи ноябр

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

76
Барчаспҳо:
омор, маризӣ, Вазорати тандурустии ҶТ