Портфель, архивное фото

Ташкилотчию забондону ҷавон: тавсифи котиботи Президент аз кадрҳои навтаъйин

474
(Таҷдидшуда 20:09 20.11.2020)
Котиботи Эмомалӣ Раҳмон, раисиҷумҳури Тоҷикистон, аз кадрҳое, ки имрӯз дар мақомҳои роҳбарӣ дар ниҳодҳои давлатӣ таъйин шуданд тавсиф кард

ДУШАНБЕ, 20 ноя — Sputnik. Котибот зикр кард, ки бо фармони раисиҷумҳур ва қарорҳои Ҳукумат имрӯз ба вазифаҳои роҳбарикунандаи Бонки миллии Тоҷикистон, корхонаи воҳиди давлатии бонки саноативу содиротии Тоҷикистон "Саноатсодиротбонк" ва сохторҳои дигар кадрҳои нав таъйин гардиданд.

Манбаъ таъкид кардааст, ки аксарият кадрҳои ҷавону болаёқат буда, дар баробари таҷрибаи корӣ, маҳорати кордонӣ, қобилияти ташкилотчигӣ ва малакаи роҳбарӣ, донандаи забонҳои хориҷӣ мебошанд.

Тавсиф аз мақомдорони тозатаъйин дар ҳолест, ки имрӯз бо фармони раисиҷумҳури Тоҷикистон, Ҷамшед Нурмаҳмадзода аз мақоми раиси Бонки миллӣ барканор шуда, ба ҷои ӯ Холиқзода Ҳоким Ҳикматулло таъйин гардид.

Таъйинот дар раёсати бонки нави давлатии “Саноатсодиротбонк”

Инчунин бо қарори Ҳукумат, Абдулваҳобзода Темурҷон Назурулло ба ҷои Қудрат Давлатзода директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон таъйин гардид.

Давлатзода Қудрат Қамбар мақоми ректори Донишгоҳи техникии Тоҷикистонро соҳиб шуд.

474
Барчаспҳо:
тағйирот, кадр, Тоҷикистон
Тақсими ниқобҳои ройгон дар шаҳри Душанбе

Ҳар рӯз 1000 ниқоб: табибони ҷавони Душанбе ройгон ниқоби тиббӣ тақсим мекунанд

10
(Таҷдидшуда 20:06 04.12.2020)
Ташкилоти ҷамъиятии "Иттиҳоди табибони ҷавон" дар ҷойҳои серодами шаҳри Душанбе ҳар рӯз 1000 донаӣ ниқоби тиббии ройгон тақсим мекунанд

ДУШАНБЕ, 4 дек – Sputnik. Дар Душанбе бо мақсади пешгирии бемории каронавируси нави COVID-19 бо шаҳрнишинон суҳбатҳо ва корҳои фаҳмондадиҳӣ баргузор шуд.

Бино ба гузориши Вазорати тандурустӣ, ин иқдом тибқи дастури роҳбарияти Мақомоти шаҳри Душанбе ва Вазорати тандурустӣ аз ҷониби аъзоёни Ташкилоти ҷамъиятии  "Иттиҳоди табибони ҷавон" гузаронида шудааст.

Тақсимоти ниқобҳои тиббӣ дар шаҳри Душанбе
Тақсимоти ниқобҳои тиббӣ дар шаҳри Душанбе

Гуфта мешавад, ки онҳо дар назди Вазорати тандурустӣ ва ҳифзи иҷтимоии аҳолии кишвар дар ҷойҳои серодами шаҳри Душанбе бо сокинон суҳбат ва вохуриҳо доир карда, ба онҳо ройгон ниқобии тиббӣ тақсим кардаанд.

Зебову боҳашамат: заргаре дар Туркия ниқобҳоро аз тилло омода мекунад - навор

"Чорабинии мазкур дар мавзеъҳои гуногуни шаҳри Душанбе, ба вижа миёни истифодабарандагони нақлиёти ҷамъиятӣ сурат гирифт, ки дар рафти он аз ҳисоби табибони ҷавон ба аҳолӣ бобати зарурати истифодаи ҳатмии ниқоб ва риоя ҳатмии қоидаҳои беҳдоштӣ, вохуриҳо доир гардид", - омадааст дар хабарнома.

Манбаъ афзуда, ки дар рафти иқдоми пешгирифта беш аз 1000 адад ниқоби тиббӣ  ба аҳолӣ тақдим карда шуда, чунин ташаббус аз ҷониби аъзоёни Ташкилоти ҷамъиятии "Иттиҳоди табибони ҷавон" ҳамарӯза дар ҷойҳои серодам гузаронида хоҳад шуд.

10
Мавзуҳо:
Пайомадҳои COVID-19 дар Тоҷикистон ва ҷаҳон
Врач определяет сатурацию у больной пациентки

Омори COVID -19 дар Тоҷикистон: 41 кас мариз шуданду 40 нафар шифо ёфтанд

37
Вазорати тандурустии Тоҷикистон омори нави сироят, шифоёбӣ ва фавт аз коронавирус дар ҷумҳуриро нашр намуд

ДУШАНБЕ, 4 дек — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 41 ҳодисаи нави бемории COVID-19 дарёфт гардид.

Ҳамакнун шумораи умумии гирифторони ин беморӣ дар Тоҷикистон ба 12 ҳазору 349 нафар баробар шуд.

Ҳамзамон,  дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон ба  11 ҳазору 758 нафар расидааст.

Коронавирус кам шуд: калонтарин бемористони Суғд баъди 7 моҳ ба реҷаи муқаррарӣ мегузарад

Манбаъ меафзояд, аз замони авҷ гирифтани коронавирус дар Тоҷикистон, дасти кам 87 бемор ҷон аз даст доданд.

Ҳукумати Тоҷикистон ва Вазорати тандурустӣ аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

37
Барчаспҳо:
маризӣ, омор, Вазорати тандурустӣ ва ҳифзи иҷтимоии аҳолии ҶТ
Мавзуҳо:
Пайомадҳои COVID-19 дар Тоҷикистон ва ҷаҳон

Таъйини мудири нави бахши душанбегии Донишгоҳи давлатии Маскав

0
(Таҷдидшуда 20:02 04.12.2020)
Эмомалӣ Раҳмон, раисиҷумҳури Тоҷикистон бо имзои қарори Ҳукумат дар раёсати бахши тоҷикистонии Донишгоҳи давлатии Маскав ба номи Ломоносов тағйироти кадрӣ анҷом дод

ДУШАНБЕ, 4 дек — Sputnik. Тибқи қарори Ҳукумат,  Мирзоев Сайаъло Ҳабибуллоевич, ки аз аввали соли 2015  ба ҳайси мудири иҷроияи филиали Донишгоҳи давлатии Маскав ба номи М.В.Ломоносов дар шаҳри Душанбе кор мекард, аз вазифа озод карда шуд.

Дар қарор далели барканории Сайъало Мирзоев гузаштан ба кори дигар арзёбӣ шудааст, аммо феълан маълум нест, ки ӯ чӣ вазифа мегирад.

Шоири тоҷик Карим Ҳайдар ба медали "Сергей Есенин"-и Русия сазовор шуд

Бо қарори дигари  Ҳукумат, Ғаниев Рустам Ғафурович мудири иҷроияи филиали Донишгоҳи давлатии Маскав  ба номи М.В. Ломоносов дар шаҳри Душанбе таъйин гардид.

Филиали Донишгоҳи давлатии Маскав дар шаҳри Душанбо соли 2009 бо фармони президенти кишвар Эмомалӣ Раҳмон таъсис дода шуда, феълан яке аз муассисаҳои бонуфузи таълимӣ дар ҷумҳурӣ мебошад.

0
Барчаспҳо:
донишгоҳ, Душанбе, Тоҷикистон