Абдулатиф Кодири начальник управления труда, занятости и миграции по Согдийской области

Аз 20 миллион сомонӣ гузашт: қарзи музди меҳнат дар корхонаҳои Суғд кай пардохт мешавад?

444
(Таҷдидшуда 20:29 20.11.2020)
Қарзи музди меҳнати коргарон дар вилояти Суғд ба 20 миллиону 446 ҳазор сомонӣ баробар шудааст. Баъзе аз корхонаҳои ҳудуди ин вилоят дар давраи хуруҷи бемории COVID-19, маоши коргаронро саривақт пардохт карда натавонистанд

ДУШАНБЕ, 20 ноя – Sputnik. Абдулатиф Қодирӣ, сардори Раёсати хадамоти меҳнат, шуғли аҳолӣ ва муҳоҷират дар вилояти Суғд гуфт, қарздорӣ аз музди меҳнат нисбат ба ҳолати 1 январи соли 2020, наздик ба 5 миллион сомонӣ боло рафта ба 20, 446 ҳазор сомонӣ баробар шудааст.

"Қарздорӣ аз ҳисоби соҳаи нақлиёт, обтаъминкунию пардохт ва инчунин аз ҳисоби соҳаи саноат махсусан аз ҳисоби Комбинати маъдантозакунии шаҳраки Адрасмони Гулистон 4 миллиону 849 ҳазор сомонӣ баланд шуда, ба ин ҳол ба 20 миллиону 446 ҳазор сомонӣ дакка задааст", - гуфт Қодирӣ.

Мавзӯи қарздорӣ аз муҳзди меҳнат дар як ҷаласаи ҳукумати Суғд мавриди таҳлил ва баррасӣ қарор дода шуд. Масъулини Раёсати хадамоти меҳнат, шуғли аҳолӣ ва муҳоҷират дар Суғд иброз намуданад, ки хуруҷи бемории COVID-19 ба зиёд шудани қарзи музди меҳнат таъсир гузоштааст.

Абдулатиф Қодирӣ гуфт, дар давраи ҳисоботӣ баъзе аз корхонаҳои саноатӣ фаъолияти назаррас надоштанд ва бо ин далел маблағи меҳнати коргарон саривақт пардохт нашуд.

"Соҳаи саноат ба маблағи 14 миллиону 330 ҳазор сомонӣ, соҳаи кишоварзӣ 1 миллиону 517 ҳазор сомонӣ, соҳаи обтаъминкунӣ ва пардохт 3 миллиону 49 ҳазор сомонӣ, соҳаи нақлиёт 1 миллиону 402 ҳазор сомонӣ, хоҷагии манзилию коммуналӣ 26, 9 ҳазор сомонӣ ва соҳаи сохтмон ба андозаи 17, 7 ҳазор сомонӣ дар пардохти музди меҳнати коргарон қарздор мебошанд", - иттилоъ дод Қодирӣ.

Қарзи музди меҳнат дар Тоҷикистон ба 5 миллион доллар расид

Сардори Раёсати хадамоти меҳнат, шуғли аҳолӣ ва муҳоҷират зикр кард, ки "Комбинати маъдантозакунии Адрасмон" яке аз бузургтарин коргоҳҳои қарздор ба ҳисоб меравад, ки то кунун 11 миллиону 786 ҳазор сомонӣ маоши коргаронашро пардохт накардааст.

Ин нишондод ним зиёди коргоҳҳои қарздор дар ҳудуди вилоятро такшил медиҳад, ки ба 57, 64 фисад рост меояд.

Ҷамъияти "Тамохуш" - и шаҳри Исфара ба маблағи 2 миллиону 518 ҳазор сомонӣ ва ҶСК "Фузулоти нодири Тоҷикистон" бо ҳисоби 128 ҳазор сомонӣ, ду корхонаи дигари қарздор аз маоши коргарон ба ҳисоб мераванд.

444
Барчаспҳо:
қарз, коргарон, маош, Суғд
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

31
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

31
Барчаспҳо:
ҶБВ, куҳансарбоз, собиқадорон, Норак, Тоҷикистон
Спикер верхней палаты парламента Таджикистана Рустам Эмомали в Москве

Рустами Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

1033
(Таҷдидшуда 22:45 24.11.2020)
Раиси шаҳри Душанбе дар дидор бо раиси Шӯрои Федератсияи Русия Валентина Матвиенко таъкид кард, ки барои Тоҷикистон ҳамкориҳои гуногунҷанба бо Русия аҳамияти ҷиддӣ ва аввалиндараҷа дорад

ДУШАНБЕ, 24 ноя — Sputnik.  Рустам Эмомалӣ, раиси шаҳри Душанбе зимни сафари расмӣ ба шаҳри Маскав бо Валентина Матвиенко, раиси Шӯрои Федератсияи Русия дидору гуфтугӯ кард.

Зимни дидор Рустам Эмомалӣ таъкид дошт, ки ҳамкориҳои дустона ва шарикии Тоҷикистону Русия имрӯз дар тамоми самтҳо мунтазам рушд доранд.  

“Боварӣ дорам, ки натиҷаҳои гуфтушуниди имрӯза ба рушди ҳамкориҳои минбаъда дар тамоми соҳаҳо такони ҷиддӣ мебахшанд. Рушди ҳамкориҳои гуногунҷанба бо Русия ҷанбаи муҳими рушди сиёсати хориҷии Тоҷикистон аст”, - гуфт Рустами Эмомалӣ.  

Вай инчунин дар бораи ҳамкориҳои байнипарлумонии ду кишвар таъкид дошт дошт.

“Тамоси доимии байнипарлумонӣ миёни кишварҳо заминаи тамоми ҳамкориҳо миёни ду кишвар аст. Ҳамкориҳои байнипарлумонӣ имкон медиҳад бо як дигар бештар дидор кунем ва масоили муҳиму мубрамро  баррасӣ намоем ва ба масоили гуногун табодули назар намоем”, - қайд кард Раиси шаҳри Душанбе.

Рустам Эмомалӣ ҳамчунин ба ҳамкориҳои иқтисодӣ миёни ду кишвар низ ишора кард.

Вай гуфт, барои рушди ҳамкориҳои Тоҷикистону Русия имрӯзҳо механизмҳои зиёди ҳамкорӣ вуҷуд дорад.  

“Имрӯз Тоҷикистону Русия дар соҳаҳои гуногун ҳамкориҳои хубро ба роҳ монданд, аз ҷумла ду кишвар дар соҳаи сиёсӣ, тиҷорӣ, гуманетарӣ, низомӣ, низомӣ-техники ва ғайра ҳамкории зич доранд”, - қайд кард шаҳрдори Душанбе.

Вай махсусан зикр кард, ки гардиши савдои хориҷӣ миёни Тоҷикистону Русия дар нуҳ моҳи соли равон ба 723 миллион доллар расидааст.

Шаҳрдор илова кард, ки Русия сармоягузори муҳими Тоҷикистон аст.

Аммо Рустами Эмомалӣ аз истифода набурдани имкониятҳои иқтисодии ду кишвар изҳори нигаронӣ кард.

Вай гуфт имкониятҳои сармоягузории мустақими Русия ба иқтидори иқтисодии Тоҷикистон ҷававобгӯ нест ва имконятҳои иқтисодии ду кишвар ба андозаи кофӣ истифода намешавад.

Рустам Эмомалӣ афзуд, ки ҳоло Тоҷикистон бо беш аз 80 минтақаи Русия ҳамкории иқтисодӣ дорад.

Вай гуфт, афзоиши гардиши савдои хориҷии Тоҷикистон маҳз ба рушди ҳамкориҳо бо минтақаҳои Русия вобастагӣ дорад.

Ҳамзамон Рустам Эмомалӣ аз вазъи муҳоҷирати меҳнатӣ ва мушкили муҳоҷирони тоҷик дар Русия низ ёддошт шуд.

Ба гуфтаи раиси шаҳри Душанбе, шаҳрвандони Тоҷикистон аз бозори меҳнатӣ Русия ҳавасманд мебошанд.

“Хадамотҳои дахлдори ду кишвар бояд корҳоро барои ҳалли мушкилоти муҳоҷирон идома диҳанд. Мо хоҳони қоидаҳои муносиб барои муҳоҷирони меҳнатии Тоҷикистон ҳастем. Аз ҷумла дар масъалаи содашудани сабти иқомати шаҳрвандони Тоҷикистон”, - таъкид дошт Рустам Эмомалӣ, раиси шаҳри Душанбе. 

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

1033
Барчаспҳо:
Валентина Матвиенко, Матвиенко, дидор, Маскав, сафар, Душанбе, раиси шаҳр, Рустам Эмомалӣ, Тоҷикистон