Доллары США

Аз фирори Маннонзода то ҳабси Иноятзода: парвандаи собиқ раисони ноҳияҳои Суғду Хатлон 

2825
(Таҷдидшуда 12:15 21.11.2020)
Додгогоҳи вилояти Хатлон, ҳукми Баҳром Иноятзода, собиқ раиси шаҳри Кӯлобро эълон кард. Бар асоси ин ҳукми додгоҳ, нисбати  Иноятзода 12 сол равонаи зиндон таъин шудааст

ДУШАНБЕ, 21 ноя – Sputnik.  Баррасии парвандаи Баҳром Иноятзода, дирӯз дар додгоҳи вилояти Хатлон ба анҷом расид ва манобеъи Sputnik Тоҷикистон иттилоъ доданд, ки судя Сафар Холмадзода, нисбати шаҳрдори пешини Кӯлоб ҳукми судиро эълон кард.

“Додгоҳ ба Баҳром Иноятзода 12 - сол ва ба ронандааш Хурсандалӣ Хуррамов, ки ба парванда ҳамроҳ буд,  8 - сол ҳукми зиндон содир кардааст”, иттилоъ дод манбаъ.

Чанде пеш дар ҷараёни мурофияи судӣ прокурори минтақаи Кӯлоб, аз додгоҳ талаб намуда буд, ки нисбати Иноятзода 14- соли маҳрум сохтан аз озодӣ таъин карда шавад.

Додгоҳ собиқ раиси Кӯлоб ро  ба сӯиистифода аз мансаб, фасоди молӣ, тасарруфи амволи давлатӣ, қаллобӣ, тақсими ғайриқонунии замин, қонунигардонии даромад бо роҳи ҷиноӣ айбдор шумурдааст.

Абдусамад Маннонзода, раиси қаблии ноҳияи Бобоҷон Ғафуров ва Баҳром Иноятзода, раиси пешини шаҳри Кӯлоб аз ҷумлаи собиқ раисони ду шаҳру ноҳия дар вилоятҳои Суғду Хатлони Тоҷикистон гуфта мешаванд, ки алайҳи онҳо парвандаи ҷиноӣ боз шудааст.

Пулис сокини 30 - солаи Кӯлобро меҷӯяд: аз чор нафар 1.5 миллион сомонӣ гирифту ғайб зад

Абдусамад Маннонзода соли 2016, баъди он, ки мақомоти мубориза бо фасод дар вилояти Суғд дар бораи парвандаи ӯ эълон карданд, аз маҳалли зисташ аз ҳудуди ноҳияи Бобоҷон Ғафуров фирор кард. Бо гузашти инак чаҳор сол ӯ, ҳамоно ба тафтишот ҳозир нашуд ва мақомот ҳам ҷиҳати дарёфти собиқ раиси ноҳияи Бобоҷон Ғафуров муваффақ нашуданд.

Фирори Маннонзода баъди оғози парвандаи порагирӣ

Абдусамад Маннонзода, аз соли 2013 то соли 2015 давоми се сол раиси сернуфустарин ноҳия, Бобоҷон Ғафуров дар вилояти Суғд буд.

Раёсати Агентии назорати давлатии молиявӣ ва мубориза бо коррупсия дар вилояти Суғд, соли 2016 баъди аз вазифа барканор шудани Маннонзода эълон кард, ки ӯ дар замони раиси ноҳия буданаш даст ба порагирӣ зада, барои ҷудо намудани замин ба хоҷагии ёрирасони кишоварзӣ дар маҷмӯъ 140 ҳазор доллари амрикоӣ пора гирифтааст.

Идораи мубориза бо фасод дар шарҳи парвандаи собиқ раиси ноҳияи Б. Ғафуров иттилоъ дода буд, ки “Умаров Б. У. аз 17. 08 соли 2013 то 29. 12 соли 2014 ҳангоми дар вазифаи раиси Ассосиатсияи илмӣ - истеҳсолии ба номи Р. Набиеви н. Б. Ғафуров кор карданаш, бо роҳи қаллобӣ барои ташкили хоҷагии ёрирасони кишоварзӣ ба ҶДММ “Аҳмадов А” ҷудо намудани қитъаи замин аз ҳисоби хоҷагии номбурда аз шаҳрванд Шарипов М. М. 100 000 доллари ИМА гирифта, ба собиқ раиси н. Б. Ғафуров Абдусамад Маннонзода додааст.

"Ҳамчунин моҳи марти соли 2014 барои бо қарори худ вобаста намудани қитъаи замини мазкур 14 000 доллари ИМА ва як адад автомашинаи сабукрави тамғаи “Toyota Camry” бо арзиши 26000 доллари ИМА ба сифати пора гирифтааст”, - тавзеҳ дода буд идора.

Дар тавзеҳи порагирии раиси пешини ноҳияи Бобоҷон Ғафуров, соли 2016 мақомот эълон кард, ки алайҳи Маннонзода бар асоси моддаи 319 қисми 4 банди “г” (барои гирифтани пора ба миқдори махсусан калон) -и  Кодекси ҷиноӣ парванда оғоз карда шудааст. Аммо баъди ин эълони расмӣ, Маннонзода ба тафтишот ҳозир нашуда, балки аз маҳалли зисти худ фирор кардааст. Инак чаҳор сол аст, ки собиқ раиси ноҳия ғайб задааст.

Рӯзноманигорон то ҳол мепурсанд

Фирори Маннонзода ва парвандаи алайҳи ӯ,  мавзӯест, ки дар то ин дам дар нишастҳои матбуотӣ масъулони Раёсати Агентии назорати давлатии молиявӣ ва мубориза бо коррупсия дар вилояти Суғдро ҳамеша суоли рӯзноманигорон манзур медорад.  Ду соли пеш мақомот гуфта буданд, ки нисбати Маннонзода, пайгарди байналмиллалӣ эълон кардаанд, аммо то имрӯз дар бораи дар куҷо фирор кардани ӯ иттилои қобили мулоҳиза ба даст наомадааст.

Қаллоб боздошт шуд: худравашро ба як кас пешниҳод карда пул гирифту ба нафари дигар фурӯхт

Дар оғози соли 2016, Зариф Назирӣ (бародарзодаи сарфазир ва ҳоло муовини раиси вилояти Суғд) ба ҷойи Маннонзода, раиси ноҳияи ба номи Бобоҷон Ғафуров таъйин шуда буд.

Соли гузашта, масъулини ҳукумати ноҳияи Бобоҷон Ғафуров, акси раиси фирории ноҳияро аз лавҳаи ифтихории “Оинаи таърих”, ки он ҷо расми ҳамаи раисони пешин ва солҳои фаъолияти онҳо дарҷ  шудааст, барканданд.

Баҳром Иноятзода, моҳи июни соли равон замоне, ки раиси шаҳри Кӯлоб буд боздошт шуд. Мақомот дар шарҳи боздошти вай хабар доданд, ки Иноятзода дар содир намудани як идда ҷиноятҳои дорои хусусияти коррупсионӣ гумонбар дониста мешавад.

Дар рафти тафтишоти пешакӣ Хурсандалӣ Хуррамов ва Фирӯз Қурбонов, ронандаи автомашинаи хизматии ва мудири қабулгоҳи собиқ раиси шаҳри Кӯлоб нишондод пешниҳод карданд, ки онҳо бо супориши раиси шаҳр, ба кирдорҳои қаллобӣ даст задаанд.

Дар додгоҳи вилояти Хатлон парвандаи Баҳром Иноятзода аз рӯи шаш моддаи қонун аз ҷумла 314 қисми 2, (сӯистифода аз ваколатҳои мансабӣ), 319 қисми 4 (гирифтани пора дар ҳаҷми бузург), 247 (қаллобӣ), 338 нишонаи 1, қисми 2 (ғайриқонунӣ додани қитъаи замин) ва 262 (қонунгардониии даромадҳои бо роҳи ҷиноят ба даст омада) банду баст шудааст.

Баҳром Иноятзода, рӯзи 8 июн баъди боздошташ, бо фармони раисиҷумҳур аз вазифа барканор шуд ва ба ҷои ӯ Абдуқодир Вализода, раиси шаҳри Кӯлоби вилояти Хатлон таъйин гардид.

Парвандаи ҷиноӣ нисбати Маннонзода ва Иноятзода, аз камтарин мавридҳоест, ки собиқ роҳбарони баландмақом дар Тоҷикистон бо чунин ҳол дучор мешаванд. Ба фарқ аз Маннонзода, нисбати Иноятзода замони сари кор буданаш, парванданда ифтитоҳ шудааст.

Боздошти раиси Суди ноҳияи Айнӣ: 15 ҳазор сомонӣ пора талаб кардааст 

2825
Перинатальный центр в Тамбове

Дар Тоҷикистон сатҳи таваллуду фавти кӯдакон зиёд шудааст

65
(Таҷдидшуда 19:08 30.11.2020)
Давоми 10 моҳи гузаштаи соли ҷорӣ, дар тамоми минтақаҳои Тоҷикистон афзоиши таваллуд ба ҳисоби миёна 2,4% мушоҳида шудааст

ДУШАНБЕ, 24 ноя — Sputnik. Аз моҳи январ то октябри соли 2020 дар Тоҷикистон афзоиши сатҳи таваллуд нисбат ба ҳамин давраи соли 2019 ба қайд гирифта шуд, хабар медиҳад Агентии омори назди президенти ҷумҳурӣ.

Тибқи иттилои ин ниҳод, давоми 10 моҳ дар кишвар 166,6 ҳазор кӯдак таваллуд шудааст. Дар ҳама вилояту минтақаҳо кишвар бақайдгирии таваллуд дар давраи муқарраркардаи қонун 2,4% афзудааст.

Тибқи ҳисобҳои пешакӣ, сатҳи таваллуд ва фавт ба ҳисоби миёна ба 1000 нафар аҳолӣ 23,7 ва 4,1 буд.

Оҷонсӣ афзудааст, ки шумораи фавти кӯдакон дар Тоҷикистон низ афзудааст. Аз аввали соли 2020 дар кишвар 28,9 ҳазор нафар фавтидаанд, ки 1,6 ҳазор нафарашон кӯдакони то яксола мебошанд.

Бақайдгирии фавтҳо дар ҳама минтақаҳо 15,7 фоиз афзуда, 28,9 ҳазор нафарро ташкил додааст.

Ёдовар мешавем, ки то аввали моҳи ноябр аҳолии Тоҷикистон аз 9,4 миллион нафар гузашт, ки ин нисбат ба 10 моҳи соли гузашта 2% зиёдтар аст.

Афзоиши аҳолӣ дар кишварҳои Осиёи Миёна

Минтақаи сераҳолии ҷумҳурӣ вилояти Хатлон буда, дар он ҷо зиёда аз 3,4 миллион нафар зиндагӣ мекунанд. Дар вилояти Суғд бошад беш аз 2,7 миллион, дар ВМКБ - 230,4 ҳазор, дар ноҳияҳои тобеи марказ - беш аз 2,2 миллион ва дар Душанбе - 871,6 ҳазор нафар зиндагӣ мекунанд.

 

65
Барчаспҳо:
фавт, таваллуд, аҳолӣ, Тоҷикистон
Участие Рустама Эмомали в XIII пленарного заседания Парламентской Ассамблеи Организации Договора о коллективной безопасности (ПА ОДКБ)

Рустами Эмомалӣ бо дигар аъзоёни СААД амнияти минтақаро баррасӣ кард: пешниҳодаш қабул шуд

390
(Таҷдидшуда 19:46 30.11.2020)
Рустами Эмомалӣ, Раиси Маҷлиси миллии Маҷлиси Олии Тоҷикистон нахустин маротиба дар ҷаласаи Шӯро ва Ҷаласаи 13-уми Ассамблеяи Парламентии Созмони Аҳдномаи Амнияти Дастаҷамъӣ ширкат ва суханронӣ кард

ДУШАНБЕ, 30 ноя — Sputnik. Бино ба иттилои Наврӯз Қурбонзода, ёвари Раиси Маҷлиси миллӣ оид ба робита бо ВАО, дар ҷараёни кори ҷаласаҳои зикршуда дар қатори масъалаҳои ташкилӣ натиҷаҳои корҳо оид ба амалигардонии афзалиятҳои раёсати Федератсияи Россия дар Созмони Аҳдномаи амнияти дастаҷамъӣ дар соли 2020, вазъият дар минтақаи зери масъулияти Созмони Аҳдномаи амнияти дастаҷамъӣ ва чораҳои муқовимат ба таҳдиду хатарҳо ба амнияти дастаҷамъӣ баррасӣ шуд.

Ба иттилои манбаъ, ҳамзамон дар идомаи ҷаласа лоиҳаи санадҳои қонунгузории намунавӣ ва тавсияҳо оид ба масъалаҳои мудофиа ва амният, ҷараёни имплементатсияи меъёрҳои санадҳои қонунгузории намунавӣ дар қонунгузории миллии давлатҳои аъзои созмон, лоиҳаи Барномаи фаъолияти Ассамблеяи Парламентии Созмони Аҳдномаи амнияти дастаҷамъӣ оид ба наздикшавӣ ва ҳамгироии қонунгузории миллии давлатҳои аъзои СААД барои солҳои 2021-2025 мавриди баррасӣ қарор гирифтанд.

Рустами Эмомалӣ зимни суханронӣ дар ҷаласа бо дарназардошти Раёсати Ҷумҳурии Тоҷикистон дар Созмони Аҳдномаи амнияти дастаҷамъӣ дар соли 2021 пешниҳод кардаст, ки ҷаласаи навбатии Ассамблеяи Парламентии Созмони Аҳдномаи амнияти дастаҷамъӣ нимсолаи якуми соли 2021 дар Тоҷикистон доир карда шавад.

“Иштирокчиёни ҷаласа пешниҳодро якдилона қабул карданд”,-афзудааст манбаъ.

Ҳамзамон зимни ҷаласа таҳияи феҳрасти ягонаи созмонҳои террорист аз ҷониби Вячеслав Володин, роҳбари Думаи давлатии Русия садо додааст.

Мақомдорони СААД вазъи муҳоҷират дар пандемияро баррасӣ кардаанд

Номбурда гуфтааст, таҳияи феҳрасти ягонаи созмонҳои террористӣ имконият медиҳад, ки ба ҷинояткории байналмилалӣ муборизаи самаранок бурда шавад.

“Аз ҳама муҳим, мо холигии ҳуқуқиро бартараф мекунем, вақте созмон, ки дар як кишвари СААД террористӣ эътироф шудааст, метавонист дар қаламрави кишвари дигар озодона фаъолият кунад”, - изҳор дошт Володин.

Ӯ илова намуд, ки ба ҳамин восита хадамоти махсуси кишварҳои узв метавонанд ҳамкориро ба сатҳи нисбатан баланд бардоранд.

390
Барчаспҳо:
қонунгузорӣ, мудофиа, амният, суханронӣ, ширкат, СААД, Рустами Эмомалӣ, Тоҷикистон
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон