Раҳматуллозода тавзеҳ дод, ки чаро дар Душанбе биноҳои 2-4 ошёна тахриб мешаванд

© Sputnik / © Sputnik / Амир ИсаевСтроительство нового здания министерства связи
Строительство нового здания министерства связи - Sputnik Тоҷикистон
Обуна шудан
Дар Тоҷикистон нақшаҳои генералии таҷдиди 90% шаҳрҳо ва марказҳои ноҳияҳо тасдиқ карда шуданд, мувофиқи он дар Душанбе низ сохтмонҳо ҷараён мегиранд

ДУШАНБЕ, 21 ноя – Sputnik. Муовини раиси Кумитаи меъморӣ ва сохтмони назди ҳукумати Ҷумҳурии Тоҷикстон Шаҳноз Раҳматуллозода тавзеҳ дод, ки чаро дар Душанбе тахриби биноҳои аз 2 то 4-ошёна оғоз шудааст.

Раҳматуллозода гуфт ба ҷойи биноҳои пастошёнаи тахрибшаванда, биноҳои аз 9 то 18-ошёна сохта ба истифода дода мешаванд.

"Бо назардошти он, ки 93% ҳудуди ҷумҳурии моро кӯҳҳо ташкил медиҳанд, бо мақсади сарфаи замин қарор қабул карда шуд, ки асосан биноҳои баландошёна сохта шаванд. Дар ҳоли ҳозир, дар пойтахти ҷумҳурӣ аз ду то чорошёнаҳои истиқоматӣ тахриб карда мешаванд ва ба ҷои онҳо биноҳои муосир бо баландии аз 9 то 18 ошёна сохта мешаванд. Дар Душанбе сохтмони биноҳои 25-30-ошёна дорои аҳамияти маъмурӣ ва ҷамъиятӣ оғоз ёфтааст", - гуфт вай.
Национальный банк Таджикистана - Sputnik Тоҷикистон
Боғ ба ҷои бино: тахриби бинои ҷадиди Бонки миллӣ дар шаҳри Душанбе

Тавре Раҳматуллозода афзуд, дар Тоҷикистон нақшаҳои генералии таҷдиди 90% шаҳрҳо ва марказҳои ноҳияҳо тасдиқ карда шуданд. 

Чойхонаи "Роҳат" мемонад: шаҳрдорӣ гуфт кадом биноҳо тахриб мешаванд

"8 сол пеш дар Тоҷикистон Кодекси шаҳрсозӣ қабул карда шуд, ки он ҷанбаҳои ҳуқуқӣ, техникӣ, ташкилӣ ва дигар соҳаҳои меъморӣ ва сохтмонро дар ҷумҳурӣ ба танзим медарорад. Дар баробари ин, зиёда аз 1500 ҳуҷҷатҳои меъёрӣ ва техникӣ  ҳалли масъалаҳои техникӣ ва масъалаҳои нархгузорӣ дар соҳаи сохтмон дар Тоҷикистонро фаро мегиранд", - афзуд муовини раиси кумита.

Лентаи хабарҳо
0