Жители Душанбе покупают продукты в магазине

Хонаводаҳои тоҷик 80 дарсади пули фиристода муҳоҷиронро барои ғизо масраф мекунанд

349
(Таҷдидшуда 15:59 21.11.2020)
Бонки Ҷаҳонӣ эълом кард, ки 80 дарсади хонаводаҳои тоҷик маблағҳои фиристода аз сӯи муҳоҷирони кориро барои ғизо масраф мекунанд

ДУШАНБЕ, 21 ноя — Sputnik. Бонки Ҷаҳонӣ дар тозатарин гузориши худ бо унвони "Тоҷикистон: авзои модар ва кӯдак дар шароити куруноӣ" эълом кардааст, ҳамчунин 20 дарсад аз ин хонаводаҳо гуфтаанд, ки наметавонанд ба далели гарон будани ҳазинаҳои дармонӣ ба бемористон муроҷиат кунанд, иттилоъ додааст сомонаи “Парстудей”.

Ин дар ҳоле аст, ки коршиносони Бонки Ҷаҳонӣ пешбинӣ кардаанд, даромади ирсолии коргарони муҳоҷири тоҷик аз Русия имсол ба далели густариши вируси куруно 15 дарсад коҳиш ёбад.

Ҳамчунин гузоришгарон муътақиданд, ки барои бори нахуст дар ду даҳаи гузашта Тоҷикистон бо коҳиши рушди иқтисодӣ рӯбарӯ хоҳад шуд.

Бар ин асос агар дар соли 2019 рушди иқтисодии Тоҷикистон 7,5 дарсад бошад имсол ба 1.6 дарсад коҳиш хоҳад ёфт.

Бонки Ҷаҳонӣ ба манзури коҳиши осебҳое аз густариши куруно барои 50 ҳазор хонаводаи тоҷикистонӣ, ки фарзандони камтар аз 3 сол доранд, 500 сомонӣ кмак хоҳад кард.

349
Барчаспҳо:
масраф, ғизо, маблағ, муҳоҷирон, Бонки ҷаҳонӣ, Тоҷикистон
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

29
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

29
Барчаспҳо:
ҶБВ, куҳансарбоз, собиқадорон, Норак, Тоҷикистон
Спикер верхней палаты парламента Таджикистана Рустам Эмомали в Москве

Рустам Эмомалӣ: Тоҷикистону Русия иқтидори иқтисодиро ба таври кофӣ истифода намекунанд

978
(Таҷдидшуда 20:57 24.11.2020)
Раиси шаҳри Душанбе дар дидор бо раиси Шӯрои Федератсияи Русия Валентина Матвиенко таъкид кард, ки барои Тоҷикистон ҳамкориҳои гуногунҷанба бо Русия аҳамияти ҷиддӣ ва аввалиндараҷа дорад

ДУШАНБЕ, 24 ноя — Sputnik.  Рустам Эмомалӣ, раиси шаҳри Душанбе зимни сафари расмӣ ба шаҳри Маскав бо Валентина Матвиенко, раиси Шӯрои Федератсияи Русия дидору гуфтугӯ кард.

Зимни дидор Рустам Эмомалӣ таъкид дошт, ки ҳамкориҳои дустона ва шарикии Тоҷикистону Русия имрӯз дар тамоми самтҳо мунтазам рушд доранд.  

“Боварӣ дорам, ки натиҷаҳои гуфтушуниди имрӯза ба рушди ҳамкориҳои минбаъда дар тамоми соҳаҳо такони ҷиддӣ мебахшанд. Рушди ҳамкориҳои гуногунҷанба бо Русия ҷанбаи муҳими рушди сиёсати хориҷии Тоҷикистон аст”, - гуфт Рустами Эмомалӣ.  

Вай инчунин дар бораи ҳамкориҳои байнипарлумонии ду кишвар таъкид дошт дошт.

“Тамоси доимии байнипарлумонӣ миёни кишварҳо заминаи тамоми ҳамкориҳо миёни ду кишвар аст. Ҳамкориҳои байнипарлумонӣ имкон медиҳад бо як дигар бештар дидор кунем ва масоили муҳиму мубрамро  баррасӣ намоем ва ба масоили гуногун табодули назар намоем”, - қайд кард Раиси шаҳри Душанбе.

Рустам Эмомалӣ ҳамчунин ба ҳамкориҳои иқтисодӣ миёни ду кишвар низ ишора кард.

Вай гуфт, барои рушди ҳамкориҳои Тоҷикистону Русия имрӯзҳо механизмҳои зиёди ҳамкорӣ вуҷуд дорад.  

“Имрӯз Тоҷикистону Русия дар соҳаҳои гуногун ҳамкориҳои хубро ба роҳ монданд, аз ҷумла ду кишвар дар соҳаи сиёсӣ, тиҷорӣ, гуманетарӣ, низомӣ, низомӣ-техники ва ғайра ҳамкории зич доранд”, - қайд кард шаҳрдори Душанбе.

Вай махсусан зикр кард, ки гардиши савдои хориҷӣ миёни Тоҷикистону Русия дар нуҳ моҳи соли равон ба 723 миллион доллар расидааст.

Шаҳрдор илова кард, ки Русия сармоягузори муҳими Тоҷикистон аст.

Аммо Рустами Эмомалӣ аз истифода набурдани имкониятҳои иқтисодии ду кишвар изҳори нигаронӣ кард.

Вай гуфт имкониятҳои сармоягузории мустақими Русия ба иқтидори иқтисодии Тоҷикистон ҷававобгӯ нест ва имконятҳои иқтисодии ду кишвар ба андозаи кофӣ истифода намешавад.

Рустам Эмомалӣ афзуд, ки ҳоло Тоҷикистон бо беш аз 80 минтақаи Русия ҳамкории иқтисодӣ дорад.

Вай гуфт, афзоиши гардиши савдои хориҷии Тоҷикистон маҳз ба рушди ҳамкориҳо бо минтақаҳои Русия вобастагӣ дорад.

Ҳамзамон Рустам Эмомалӣ аз вазъи муҳоҷирати меҳнатӣ ва мушкили муҳоҷирони тоҷик дар Русия низ ёддошт шуд.

Ба гуфтаи раиси шаҳри Душанбе, шаҳрвандони Тоҷикистон аз бозори меҳнатӣ Русия ҳавасманд мебошанд.

“Хадамотҳои дахлдори ду кишвар бояд корҳоро барои ҳалли мушкилоти муҳоҷирон идома диҳанд. Мо хоҳони қоидаҳои муносиб барои муҳоҷирони меҳнатии Тоҷикистон ҳастем. Аз ҷумла дар масъалаи содашудани сабти иқомати шаҳрвандони Тоҷикистон”, - таъкид дошт Рустам Эмомалӣ, раиси шаҳри Душанбе. 

Ёдовар мешавем, дар ин сафар Рустами Эмомалиро раисони кумитаҳои Маҷлиси миллии Маҷлиси Олии Ҷумҳурии Тоҷикистон, роҳбари Дастгоҳи Маҷлиси миллии Маҷлиси Олии Ҷумҳурии Тоҷикистон ва дигар шахсони расмӣ ҳамроҳӣ мекунанд.

978
Барчаспҳо:
Валентина Матвиенко, Матвиенко, дидор, Маскав, сафар, Душанбе, раиси шаҳр, Рустам Эмомалӣ, Тоҷикистон