Граждане Таджикистана на рынке труда в городе Худжанде

Таъсир ба бозори “мардикорон” Хуҷанд: COVID-19 нархи корҳоро арзон кард

406
(Таҷдидшуда 17:03 27.11.2020)
Корҷӯён ва ё ба истилоҳ “мардикорон” дар Хуҷанд мегуянд, хуруҷи бемории COVID-19 сабаби поён рафтани арзиши кори онҳо гаштааст. Ҳоло дар минтақаи Гулистони Хуҷанд, ки бо номи “мардикорбозор” маъруф аст, шумори корҷӯён ба маротиб зиёд шудааст

ДУШАНБЕ, 27 ноя – Sputnik.  Бо Ҳасан Раҷабов, ки гуфт сокини ноҳияи Бобоҷон Ғафуров аст, дар “мардикорбозор” ҳамсӯҳбат шудем. Ӯ аз мушкили хуруҷи бемории ҳамагири каронавирус ва пастравии ҳаққи коргарони ин бозор иброз намуд.

“Пештар сарҳадҳо кушода буд  зуд - зуд мошинҳо бор меоварданд, соҳибони бор барои фаровардани он, моро киро мекарданд ва аз ин ҳисоб мо пул кор мекардем. Ҷанд вақт аст, ки кор дуруст ёфт намешавад”,  - гуфт Раҷабов.

Арзиши кори як рӯзаи “мардикорон” то 50 сомонӣ поён рафт

Ин сокини ноҳияи Бобоҷон Ғафуров мегуяд, бо сабаби баста будани сарҳадот, шуморе аз касоне, ки ба муҳоҷират рафта натавонистанд, ҳоло рӯзии худро аз ҳисоби дарёфти кор дар ин бозор дарёфт мекунанд. Аммо ба гуфтаи ӯ, ҳоло аз ҳисоби зиёд шудани сафи “мардикорон” арзиши кор поён шудааст.

“Корфармоён мебинанд, ки мо корҷӯён зиёд аст бо арзиши паст кор пешниҳод мекунанд. Чун медонанд, ки агар мо корро бо он нарх рад кунем, нафарони дигар розӣ мешаванд. Пештар барои як рӯзи корӣ ба чор нафар 300 то 320 сомонӣ пешниҳод мекарданд, ҳоло ҳамагӣ 220 сомонӣ медиҳанд”, - гуфт сокини ноҳияи Б. Ғафуров.

Аз сӯҳбат бо “мардикорон” маълум мешавад, ки онҳо аз ҳар шаҳру навоҳии вилояти Суғд барои дарёфти кору рӯзӣ ба Хуҷанд ба ин бозор омадаанд.

Нафаре, ки худро Умед муаррифӣ кард, гуфт аз ноҳияи Айнӣ ба ин бозор омадааст. Вай гуфт, набуди ҷои кори мувофиқ дар ноҳия, ӯро водор кардааст, ки ба “мардикорбозор” и Хуҷанд оянд ва аз ҳисоби дарёфти кори кироя, рӯзии худу хонаводаашро таъмин намояд.

COVID-19 сафари муҳоҷиронро ба Русия боз дошт

Ин сокини ноҳияи Айнӣ гуфт, то замони хуруҷи бемории COVID-19 ҳисоби хонаводаро аз кору заҳмати муҳоҷирати Русия дарёфт мекард, аммо пандемия монеаи кору нақшаҳои ӯ шудааст.

“Мо ҳафт сол боз ба вилоятҳои Сургут ва Томск и Русия рафта, 6-7 моҳ кор карда бармегаштем. Имсол бо сабаби баста будани сарҳадот рафта натавонистем. Дар хона бекор нишаста намешавад. Ҳоло нархи ҳама маҳсулот дар бозор гарон аз ҷумла 5 литр равған ба 100 сомонӣ баробар шудааст. Барои харидани равған моро лозим аст, ки ақалан ду се рӯз кироя кор кунем”  - иброз намуд Умед.

Ин ҳамсуҳбати мо мегуяд, аз он, ки сафи ӯ барин “мардикорон” дар бозор зиёд аст, ва дарёфти кор мушкил шудааст.

Вай мегуяд, рӯзона то 40-50 сомонӣ аз ҳисоби кор меёбад ва нисфи онро барои харидани ғизои ва пардохти ҳуҷраи хоб дар Хуҷанд масраф карда, нисфи дигарашро барои харидани маводи ниёзи рӯзғор ба хонаводааш мефиристад.

Бино ба гуфти Умед шуморе аз онҳое, ки ба мисли ӯ аз навоҳии дурдаст ба “мардикорбозор” омадаанд, шабро дар хонаи пайвандон ва баъзеи дигар дар бозорҳо  рӯз мекунанд.

Дар ҳамин ҳол Шермуҳаммад Нодирӣ, сардори Раёсати агентии меҳнат ва  шуғли аҳолӣ дар вилояти Суғд дар суҳбат ба Sputnik Тоҷикистон гуфт, давмои даҳ моҳи соли ҷорӣ, 34 ҳазору 707 нафар аз шаҳру ноҳияҳои вилоят сокинон муроҷиат намудаанд, ки аз ин теъдод 22 ҳазору 954 нафарони расман бекор ба қайд гирифта шудаанд.  

Граждане Таджикистана на рынке труда в городе Худжанде
© Sputnik
Граждане Таджикистана на рынке труда в городе Худжанде

Бино ба гуфтаи Нодирӣ шумори муроҷиати корҷӯён дар муқоиса ба ин давраи соли қаблӣ ба андозаи 1951 маврид кам шудааст.

“Давмои даҳ моҳи соли 2019 дар умум 36 ҳазору 658 нафар барои дарёфти кор дар ҳудуди вилоят муроҷиат карда буданд. Имсол бошад ҳамагӣ 34 ҳазору 707 нафар муроҷиат кардаанд”, афзуд Шермуҳаммад Нодирӣ.

Идораи меҳнат ва шуғли аҳолӣ дар Суғд мегуяд, давоми даҳ моҳи соли ҷорӣ шумори кортаъминкунии сокинон ба 16 ҳазору 609 нафар баробар шуда, ин рақам дар муқоиса ба ин давраи соли гузашта 861 маврид бештар будааст.

“Давоми даҳ моҳи соли ҷорӣ дар шаҳру навоҳии Суғд дар умум 238 ярмаркаи ҷойҳои холии корӣ баргузор карда шуд ва дар онҳо 3 ҳазору 559 нафар соҳиби ҷои кор шуданд. Ба ҷуз ин 1191 нафар бо ҷои кори муваққатӣ ҷалб  карда шудаанд”, гуфт сардори Идораи меҳнат ва шуғли аҳолӣ.

Кор ҳасту коргар нест

Тибқи иттилои расмӣ корҳое, ки дар ярмаркаҳо барои корҷӯён пешниҳод мекунанд аз 600 то 1200 сомонӣ маош пешбинӣ мешавад.

Шермуҳаммад Нодирӣ таъкид намуд, ки давоми даҳ моҳи соли ҷорӣ ба 636 нафар нафарони эҳтиёҷманд 1 милиону 902 ҳазор сомонӣ, ба ҳар як нафар 3-3, 5 ҳазор сомонӣ қарзи имтиёзноки истеҳсолӣ пешниҳод шудааст. Ин маблағи буҷавӣ буда, барои беҳтар намудани кору нақшаҳои истеҳсолии муроҷиаткунандаҳо равона шуда, пас аз як сол бидуни фоиз бозпас гардонида мешавад.

Сардори Идораи меҳнат ва шуғли аҳолӣ дар бораи афзоиши шумори “мардикорон” низ изҳори андеша кард. Ӯ дар суҳбат ба Sputnik Тоҷикистон гуфт, бахши аъзами онҳое, ки бо мақсади дарёфти кор ба кӯча мебароянд сарфи назар аз он, ки расман соҳиби касбу ихтисос нестанд, барои дарёфти шуғл ба идораи онҳо муроҷиат намекунанд. “Мардикорон” мегуянд корҳое, ки аз ҷониби идораҳои шуғл пешниҳод мешавад, маошаш кам аст ва талаботи онҳоро қонеъ намесозанд.

406
Барчаспҳо:
кор, арзиш, Гулистон, меҳнат, мардикор, бозор, Хуҷанд, Тоҷикистон
Работа АЗС в Москве

Нархи газ ва бензину дизел дар Тоҷикистон якбора то 10 % гарон шуд

142
(Таҷдидшуда 11:02 18.01.2021)
Тайи ду рӯзи охир қиммати ҳама намуд маводи сӯзишвории воситаи нақлиёт якбора то 10 % боло рафта, ба 4, 3 ва 4, 6 сомонӣ баробар шудааст

 ДУШАНБЕ, 18 янв – Sputnik. Нархи гази моеъ ва бензину дизел (солярка) якбора ба 4, 3 ва 6, 6 сомонӣ дакка хурдааст. Дар баъзе аз навоҳии Тоҷикистон фурӯши газ 0, 30 сомонӣ ва бензину дизел то ба 0, 40 сомонӣ баланд шудааст.

Ронандаҳо мегуянд болоравии нарх ба ҷайби онҳо зарба мезанад. Ҳасан Каримов, як ронандаи таксӣ дар Хуҷанд мегуяд, болоравии нарх ба фаъолияти мусофирбарии ӯ барин сокинон таъсири амиқ мегузорад.

“Ҳоло газ то дар баъзе ҷойҳо 40 дирам гарон шудааст. Агар як ҳафта пеш 10 литр гази моеъро 40 сомонӣ мехридем, ҳоло он 43-44 сомонӣ шудааст. Мо нархро бардорем мардум ба мошин намешинад, набардорем фоида намемонад”, гуфт ронандаи таксӣ.

Зимнан сокинон мегуянд, арзиши маводи сӯзишворӣ қариб дар ҳамаи навоҳии кишвар яксон боло рафтааст. Чунин болоравии нарх дар муқоиса ба гузашта камсобиқа гуфта мешавад.

Баъзе аз масъулони ширкатҳои таъминоти сӯзишвории нақлиёт (АЗС) болоравии арзиши маводи сӯхтро ба коҳишёбии ҳаҷми воридоти он шарҳ медиҳанд.

Мирзо, як корманди нуқтаи фурӯши сӯзишворӣ дар ноҳияи Бобоҷон Ғафуров дар суҳбат ба Sputnik Тоҷикистон гуфт, як ҳафта ба ин тараф воридот камтар шудааст.

“Ҳамаи маводи сӯхт дар кишвар аз хориҷа ворид мешавад, яъне ин моли ватанӣ нест. Вақте, ки воридот кам шуд, ҳаҷми моли ба бозор арзашаванда ҳам кам мешавад ва ин ба баландшавии нарх бе таъсир намемонад”, иброз намуд ӯ.

Вазири энергетика гуфт, киҳо бештар аз ҳама барқу газро медузданд

Чи гуна воридоти маводи сӯхт кам шудааст, ин ҳамсӯҳбати мо изҳори бехабарӣ кард ва гуфт, ки “инро роҳбарон медонанд, шояд аз ҳисоби болоравии нархи нефт аст”.

Бино ба додаҳои ширкатҳои молиявӣ, ҳоло қиммати 1 бучка (барелль) нафт дар бозори ҷаҳонӣ то ба 55 доллари амрикоӣ баробар шудааст ва гуфта мешавад ин рақам назар ба ҳамин давраи соли гузашта то 35 % баланд гуфта мешавад.

Дар Тоҷикистон маводи сӯхт аз хориҷа асосан аз кишвари Русия ва Қазоқистон ворид карда мешавад. Бино ба иттилоъи мақомоти гумрук, соли гузашта беш аз 430 ҳазор тон гази моеъ, 180 ҳазор тон бензин ва бештар аз 250 ҳазор тон маводи дизелӣ ба Тоҷикистон ворид шудааст.

Ширкатҳои "Фароз", "Газпром", "Газойл", "Ориё", "Роҳи Сомон нафт", "Се ганҷ" ва "Суғднефт" аз ҷумлаи воридкунандаҳои маводи сӯзишворӣ дар Тоҷикистон ба ҳисоб мераванд.

142
Наручники висят на дверной ручки, архивное фото

Дуздӣ кардаву суд шуд, аммо пушаймон на: боздошти ҷавони 25-сола дар Данғара

51
(Таҷдидшуда 10:43 18.01.2021)
Вазораати корҳои дохилаи Тоҷикистон аз боздошти ҷавоне дар ноҳияи Данғара хабар медиҳад, ки пештар низ бо содир кардани ҳамин гуна ҷурм суд шуда буд

ДУШАНБЕ, 18 янв — Sputnik. Тавре манбаъ менависад, а ШВКД дар ноҳияи Данғара бо ариза марди 29-солаи сокини ҷамоати деҳоти Себистони ноҳияи мазкур муроҷиат намудааст.

ба гуфтаи вай, шаби 21 ба 22-юми октябри соли 2019, тахминан соати 01:00, шахси номаълум бо роҳи пинҳонӣ аз дохили оғилхонааш 6-сар чорвои майдаи шохдорро дуздида, аз ҷойи ҳодиса ғайб задааст.

"Зарари расонидашуда 5 ҳазор сомониро ташкил медиҳад", - тавзеҳ медиҳад ВКД Тоҷикистон.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 25-солаи сокини ҷамоати деҳоти Лолазори ҳамин ноҳия, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти дуздӣ дастгир карда шуд.

Дуздии барқ дар корхонаи давлатӣ ба маблағи беш аз 130 ҳазор сомонӣ

Аз рӯи ин ҳодиса тафтишот идома дорад.

 

51

Трамп дар феҳристи номаҳбубтарин раисони ҷумҳӯрӣ дар таърихи Амрико

0
Бинобар назарсанҷӣ ҳатто дар байни ҷумҳурихоҳон низ маҳбубияти Трамп коҳиш ёфтааст ва танҳо 60 дарсади онҳо амалкарди уро мусбат арзёбӣ кардаанд

 ДУШАНБЕ, 18 январ - Sputnik. Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Иқдоми Трамп дар напазируфтани шикаст дар интихобот, ки ҳаводиси хушунатбори Конгрессро ба бор овард, мизони ризоят аз амалкарди ӯро ба 29 дарсад коҳиш додааст.

Ба гузориши хабаргузории "Парс тудей" ба нақл аз "Дейли мил", натиҷаҳои назарсанҷии "Пив", ки рӯзи ҷумъа мунташир шуд, нишон дод мизони ризоят аз Доналд Трамп ба 29 дарсад кам шуд, ки поинтарин мизон дар давраи раёсати ҷумҳурии ӯ ба шумор меравад.

Норизоятӣ аз Трамп ӯро ба яке аз номаҳбубтарин раисони ҷумҳӯрии ҳамаи давронҳои Амрико табдил карда аст.

Ин мизони ризоят 9 дарсад камтар аз августи  2020 баровард шудааст.

Бинобар ин назарсанҷӣ ҳатто дар байни ҷумҳурихоҳон низ маҳбубияти Трамп коҳиш дошта аст ва танҳо 60 дарсади онҳо амалкарди уро мусбат арзёбӣ кардаанд.

 Ин дар ҳоле аст, ки дар моҳи августи 77 дарсади ҷумҳурихоҳон чунин назаре доштанд.

Тибқи ин гузориш ба назар мерасад худдории Трамп аз пазириши шикаст дар интихобот ва шуриши хушунатбори Конгресс дар рӯзи шашуми январ аз далилҳои аслии ин коҳиш бошад.

Назарсанҷии "Пив" нишон дод, ки 54 дарсади амрикоиҳо фикр мекунанд,Трамп бояд аз қудрат барканор шавад ва 45 дарсад муътақиданд ӯ бояд давраи худро ба поён бирасонад.

0
Барчаспҳо:
назарсанҷӣ, Доналд Трамп, ИМА