Город Астана, архивное фото

Вируси корона сабаб шуд: воридот аз Қазоқистон коҳиш ёфт

123
(Таҷдидшуда 14:40 29.11.2020)
Сомонаи Баррасии мубодилоти тиҷорӣ (LS) гузориши худро дар бораи таркиби маҳсулоти тиҷории Тоҷикистону Қазоқистон дар 10 моҳи гузашта мунташир кард

ДУШАНБЕ, 29 ноя — Sputnik. Маҳсулоти содиротии Қазоқистон ба Тоҷикистон дар ин муддат маводи ғизоӣ, гандум, сӯхт, равғани моеъ ва анвои оҳану сангҳои тазйинӣ будааст, иттилоъ додааст хабаргузории “Парстудей” дар истинод ба сомонаи Ахбори Осиёи Марказӣ.

Гуфта мешавад, ки аз ибтидои имсол аз Қазоқистон ба Тоҷикистон 184 миллион доллар маводи ғизоӣ, 132,5 миллион доллар гандум, 73 миллион доллар гази моеъ, 51 миллиону 300 ҳазор доллар анвои оҳан ва 42 миллиону 700 ҳазор доллар сангҳои тазйинӣ ворид шудааст.

Ҳамчунин Қазоқистон имсол содироти бензин ба Тоҷикистонро оғоз кард.

Тоҷикистон ба Қазоқистон ба таври умда маҳсулоти кишоварзӣ, маъданӣ ва филизоту обмева содир мекунад.

Бар асоси ин гузориш дар 10 моҳи гузашта, дар шароити густариши вируси корона содироти Тоҷикистон ба Қазоқистон ба ғайр аз маводи маъданӣ, филизот ва обмева дар муқоиса бо давраи мушобеҳи соли қабл коҳиш ёфтааст.

123
Барчаспҳо:
вируси корона, коҳиш, гузориш, маҳсулот, Қазоқистон, Тоҷикистон
Кодири Косим на пресс-конференции Государственного Комитета по инвестициям и управлению государственным имуществом РТ

Ванҷ обод мешавад: Қодири Қосим бо соҳибкорони ин ноҳия мулоқот кард

3
(Таҷдидшуда 15:46 06.03.2021)
Муовини раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо соҳибкорони ноҳияи Ванҷ мизи гирд доир намуд

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

Интиқоли китоби Тоҷикон ба ноҳияи Ванҷ
сомонаи Вазорати маориф ва илми Тоҷикистон

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.

 

3
Фирдавс Шарифзода, шаҳрдори навтаъйини шаҳри Хуҷанд

Фирдавс Шарифзода ба аёдати Бибифайзӣ Қодироваи 95-сола рафт

29
(Таҷдидшуда 15:24 06.03.2021)
Дар доираи таҷлили Рӯзи Модар дар шаҳри Хуҷанд чанд бонуи собиқадори арсаи сиёсат, маориф, саноат ва иҷтимоиёт аз ҷониби масъулини ҳукумати шаҳр аёдат карда шудан

ДУШАНБЕ, 6 мар – Sputnik. Иҷрокунандаи вазифаи раиси шаҳри Хуҷанд Фирдавс Шарифзода ва муовини раиси вилоят Анвар Яъқубӣ ба манзили чанд нафар собиқадорони арсаи меҳнат рафтанд, хабар медиҳад мақомоти шаҳри Хуҷанд.

Мақомдорон аз ҷумла заҳматкаши ақибгоҳи солҳои ҶБВ, дорандаи Медали ҷашнӣ ба муносибати Иди Ғалаба Бибифайзӣ Қодироваи 95-соларо аёдат карданд.

Ахмадзода посетил бедных семей в Исфаре
Исполнительный орган государственной власти Согдийской области

Ҳамчунин сиёсатмадорон собиқадори меҳнат, ки тӯли 20 сол раиси Шӯрои занони маҳаллаи Сайҳун буд, Қутфинисо Раҳмоноваи 90-сола,  собиқадори меҳнат, заҳматкаши ақибгоҳи ҶБВ, дорандаи медалҳои ҷашнӣ Манзура Бобоҷоноваи 80-сола,  собиқадори меҳнат, дорандаи медалҳои ҷашнӣ Муҳаррам Азимоваи 77-сола  ва чанд нафари дигар рафта, онҳоро аёдат намуду, бо иди  модарон табрик намуданд.

Дар навбати худ аёдатшудагон аз таваҷҷуҳу ғамхории роҳбарияти давлату ҳукумат ёдовар гашта, миннатдории худро баён намуданд.

Модарон шукронаи нозу неъмат ва амну осиштагии мамлакат намуда, баҳри оромиву осоиштагии ҷумҳурӣ ва шукуфоиву пешравии он даст ба дуо бардоштанд.

Ёдрас мешавем, ки раиси вилояти Хатлон аз номи кишвардори Тоҷикистон сокини Бохтарро ба муносибати Рӯзи модарон табрик намуду ба ӯ калиди хона тақдим кард.

29
Барчаспҳо:
Рӯзи модарон, аёдати собиқадор, Хуҷанд