Мулоқоти Ширин Амонзода бо намояндагони созмони ҷаҳонии тандурустӣ

Ду мулоқоти Амонзода: аз грантҳои хурд барои муҳоҷирин то тағйир дар лоиҳа бо Олмон

490
(Таҷдидшуда 12:57 05.12.2020)
 Ширин Амонзода, вазири меҳнат, муҳоҷират ва шуғли аҳолии Тоҷикистон дар як рӯз бо ду раҳбари намояндагиҳои байнулмилаливу хориҷӣ мушкилоти марбут ба муҳоҷирини меҳнатиро ба баррасӣ гирифтааст

 ДУШАНБЕ, 5 дек – Sputnik. Аз шуъбаи ташкилӣ ва матбуоти Раёсати котиботи вазорат ба Sputnik Тоҷикистон иттилоъ доданд, ки рӯзи гузашта, 4 декабр, дар мулоқоти Ширин Амонзода бо Кристина Транка, роҳбари намояндагии Созмони байналмилали муҳоҷират дар Тоҷикистон масъалаҳои шартномаи ҷаҳонии муҳоҷират, пешгирии савдои одамон, кӯмакҳо ба қишрҳои осебпазири аҳолии ҷаҳон ва ҳам таҳияи сиёсати муҳоҷират дар минтақаву ҷаҳонро ба баррасӣ гирифтаанд.

"Пешниҳод шуд, ки Созмони байнулмилалии муҳоҷират барои ҷудо намудани грантҳои хурд, таъсиси ҷойҳои навӣ корӣ, ташкили курсҳои омӯзишӣ ба муҳоҷироне, ки ба ватан баргаштаанд, мусоидат кунад. Масъалаи дигар афзудани зарфиятҳову тахассуси мақомоти давлатӣ ва ташкилотҳои ҷамъиятие буд, ки бо тадқиқотҳо рӯи интегратсияи муҳоҷират, муҳоҷирати гендерӣ, тағийри иқлим ва кишоварзӣ дар Тоҷикистон машғуланд, низ аз сӯи ҷонибҳо баррасӣ шуд", - гуфт манбаъ.

Бино ба он, роҳбари намояндагии Созмони байналмилалии муҳоҷират дар Тоҷикистон аз сиёсатҳои Тоҷикистон дар самти муҳоҷират изҳори назар карда, гуфтааст, ки ниҳодаш аз ин сиёсатҳо пуштибонӣ ва барои амалӣ шудани онҳо мусоидат мекунад.

Дар мулоқоти дуввум вазири меҳнат, муҳоҷират ва шуғли аҳолии Тоҷикистон бо Сабине Олтхоф, роҳбари Ҷамъияти ҳамкориҳои байналмилалии Олмон (GIZ) дар Тоҷикистон масоили татбиқи лоиҳаи нави ин созмон, ки ба беҳбуди вазъи шуғлу даромадҳои муҳоҷирони меҳнатии ба ватан баргашта дар Тоҷикистон равона шудааст, баррасӣ шуд.

Мақомдорони СААД вазъи муҳоҷират дар пандемияро баррасӣ кардаанд

Як манбаъ дар вазорат ба Sputnik Тоҷикистон гуфт, ин лоиҳа муҳоҷирони меҳнатии ба ватан бозгашта, бахусус шахсонеро, ки вурудашон ба Русия манъ шудааст, ҳамсарон ва аъзои оилаи онҳоро дарбар мегирад.

"Аммо ҷониби мо бо назардошти хисороти аз вазъи "вируси корона" расида ва вазъи ногувори муҳочирини меҳнатии ба ватан баргашта пешниҳод дорад, ки ба матни Лоиҳа тағйирот ворид шавад, то устувории лоиҳаҳои татбиқшаванда эҳсос шавад. Аз нигоҳи мо, зарурати баргузории семинару тренингҳои беҳисоб нест. Беҳтар аст, ин маблағҳо қисман барои барномарезӣ ва қисман барои сармоягузории бизнесҳои хурду миёнаи муҳоҷирин таъсис ёбанд”, - гуфт манбаъ.

Ин лоиҳа, ки қарор аст аз сӯи Ҷамъияти ҳамкориҳои байналмилалии Олмон (GIZ) дар Тоҷикистон пуштибонии молӣ ёбад, 3 сол идома карда, дар шаҳру навоҳии Душанбе, Ваҳдат, Рўдакӣ, Турсунзода, Ҳисор, Ашт, Конибодом, Исфара, Бобоҷон Ғафуров, Ҷаббор Расулов, Мастчоҳ, Спитамен ва Панҷакент пиёда мешавад.

Дар бораи маблағи лоиҳа иттилоъи дақиқ нест, аммо вазорати меҳнат, муҳоҷират ва шуғли аҳолӣ хабар медиҳад, ки ҷонибҳо дар татбиқи лоиҳаи мазкур ба мувофиқа расидаанд.

490
Барчаспҳо:
баррасӣ, муҳоҷирин, муҳоҷират, вазир
Миристр здравоохранения Таджикистана Джамолиддин Абдуллозода

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

4
(Таҷдидшуда 19:52 16.01.2021)
Имрӯз, дар ҷаласаи навбатии мушовараи Вазорати тандурустӣ ва ҳифзи иҷтимоии аҳолии Тоҷикистон бо мақсади ҷамъбасти фаъолият дар соли 2020 баргузор гардид

ДУШАНБЕ, 16 янв — Sputnik. Ҷамолиддин Абдуллозода,  вазири тандурустӣ ва ҳифзи иҷтимоии аҳолии Тоҷикистон зимни ҷаласа иброз намудааст, ки соли 2020 барои кормандони соҳаи тандурустии кишвар соли пурмасъулият ва имтиҳони донишу маҳорат будааст.

“Дар соли сипаригашта бо назардошти пайдоиши бемории сироятии коронавируси нави COVID-19 масъулияти табибони кишвар дар ҷомеа бамаротиб бештар гардида, дар чунин як давраи душвор онҳо тавонистанд бо истифода аз донишу маҳорати касбӣ дар пешгирӣ ва табобати ин беморӣ саҳми арзандаи хешро гузоранд”, - қайд кардааст вазир.

Вай афзуд, ки соли 2020 табибони Тоҷикистон аз як имтиҳони бузург дар самти пешгирӣ ва табобати бемории коронавируси нави COVID-19 гузаштанд.

Вазири тандурустӣ қайд кардааст, ки дар ин давра ҷиҳати вусъат бахшидани чорабиниҳои пешгирикунандаю табобатӣ барои ҳифзи солимии аҳолии кишвар, аз ҷумла дар самти пешгирӣ ва табобати бемории коронавируси нави COVID-19 аз тарафи Вазорати тандурустӣ ва ҳифзи иҷтимоии аҳолӣ дар ҳамкорӣ бо дигар сохторҳои давлатӣ  як қатор тадбирҳои муҳиму саривақтӣ амалӣ карда шуданд.

Сардори Раёсати рушди иҷтимоии Дастгоҳи иҷроияи Президенти Тоҷикистон Гулҷаҳон Абдуфаттоҳзода зимни суханрониаш иброз доштааст, ки давлат имрӯзҳо соҳаи тандурустӣ дар кишвар дар ҳоли рушд қарор дошта, аллакай дар ин самт як қатор пешравиҳои муҳиму назаррас  ба даст омадаанд.

Таъкид шудааст, ки дар идомаи ҷаласа роҳбарони хадамоти соҳавӣ, сардорони раёсатҳои зерсохтори вазорат, сардорони раёсатҳои тандурустии шаҳри Душанбе, ВМКБ, вилоятҳои Хатлону Суғд ва роҳбарони як қатор муассисаҳои тандурустӣ низ доир ба фаъолияти хеш дар соли 2020 ҳисобот доданд.

Ҳамзамон, дар охири ҷаласа қарори ҳайати мушовараи Вазорати тандурустӣ қабул гардида, барои бартараф намудани мушкилот ва камбудиҳои мавҷуда ва дар ин замина беҳтар намудани сатҳ ва сифати хизматрасонии тиббӣ ба аҳолӣ аз ҷониби Ҷамолиддин Абдуллозода, вазири тандурустӣ ба тамоми масъулини соҳа дастуру супоришҳои мушаххас дода шуд.

4
Барчаспҳо:
ҷаласа, ҷамъбаст, вируси корона, тандурустӣ, вазир
Зима в городе Душанбе

Вазорати тандурустӣ: омори шабонарӯзи ахири коронавирус ба сифр баробар аст

41
(Таҷдидшуда 18:21 16.01.2021)
Вазорати тандурустӣ ва ҳифзи иҷтимоии аҳолии Тоҷикистон гузориш додааст, ки шабонарӯзи ахир дар Тоҷикистон ягон нафар ба коронавирус гирифтор нашудааст

ДУШАНБЕ, 16 янв – Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ  ягон ҳодисаи нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.

Дар маҷмӯъ то имрӯз, 16 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд. Инчунин, 90 нафар бар асари ин беморӣ фавтидаанд.

Қобилҷон Гиёев, собиқ сардухтури Шифохонаи марказии ноҳияи Рашт пештар дар сӯҳбат бо Sputnik Тоҷикстон гуфт, дар COVID – 19 дар Тоҷикистон ҷазояшро дид, аммо набояд ғафлат кард.

Ин пизишке, ки аз замони оғози гирудор бо “вируси корона” бо усули ғайримаъмулии табобаташ мавриди таваҷҷӯҳи расонаҳо қарор дошт, ба Sputnik Тоҷикистон гуфт, пирӯзии мардум ва ҳукумати Тоҷикистон, дар навбати аввал, раҳбарияти вазорати тандурустӣ ва тамоми пизишкони кишвар шароитеро ба вуҷуд овардааст, ки “вируси корона” дигар ба он вусъату паҳно сар боло накунад.

Пас аз бемории коронавирус иммунитети бадан то кай пойдор мемонад?

“Агарчи дар кишварҳои дигари ҷаҳон ин вирус ҳанӯз бедодгарӣ мекунад, дар Тоҷикистон бо сабабҳои комилан маълум шикаст хӯрдааст. Қабл аз ҳама, дар ҷомеа масъунияти умумӣ ба вуҷуд омад, ки густариши ин маризиро батамом кунд кард. Аз сӯи дигар, боду ҳаво, маҳсулоти аз лиҳози экологӣ тоза ва ҳам гум шудани воҳимаву тарси мардум мӯҷиби ин шикаст шудааст”, - гуфт Қобилҷон Гиёев.

41