Ожонсӣ коррупсияро хатар ба оромӣ ва омили нобоварии мардум ба давлат гуфт

© сомонаи Ожонси зидди фасоди ТоҷикистонҶаласаи тантанавӣ дар Ожонси мубориза бо фасод дар Тоҷикистон бахшида ба Истиқлоли давлатӣ
Ҷаласаи тантанавӣ дар Ожонси мубориза бо фасод дар Тоҷикистон бахшида ба Истиқлоли давлатӣ  - Sputnik Тоҷикистон
Обуна шудан
Ожонси назорати давлатӣ ва мубориза бо фасоди Тоҷикистон дар арафаи Рӯзи байналмилалии мубориза бо коррупсия, ки ҳамасола 9 декабр таҷлил мешавад, матлабе дар бораи хатари ин зуҳуротро нашр кардааст

ДУШАНБЕ, 8 дек — Sputnik. Тибқи иттилои Ожонсӣ, дар тамоми давраи рушди тамаддуни башарӣ коррупсия ҳамчун зуҳуроти номатлуби иҷтимоӣ садди роҳи инкишофи иқтисодиёт ва ҷомеа гашта, суботу оромиро халалдор ва боварии мардумро ба мақомоти давлатӣ коста мегардонид.

Взятка, архивное фото - Sputnik Тоҷикистон
Агенти зидди фасод: раиси ҷамоат ҳангоми гирифтани пора дастгир шуд

“Шаклҳои коррупсия дар ҳар давру замон хусусиятҳои хоси худро дошта, дар ҳар сурат онҳо аз порагирӣ то суиистифодаи ваколатҳои мансабиро инъикос намуда, ба институтҳои демократӣ, иқтисодиву иҷтимоӣ ва арзишҳои волои маънавӣ таъсири манфии худро мерасонид”, - омадааст дар матлаб. 

Ин ниҳод таъкид намуд, ки зуҳуроти коррупсионӣ эътимоди шаҳрвандонро ба адолат ва қобилияти давлатро дар ҳимояи ҳуқуқҳо ва таъмини манфиатҳои қонунии аҳолӣ халалдор менамуд.

“Дар ҷаҳони мутамаддини имрӯза бошад, коррупсия дар баробари терроризму экстремизм, паҳншавии маводи мухаддир, буҳрони ҷаҳонии иқтисодӣ ва ғайра ба яке аз таҳдидҳои глобалӣ табдил ёфтаст. Тамоми давлатҳои дунё бо ин ё он восита кушиш ба харҷ медиҳанд, ки пеши роҳи ин зуҳуротро гиранд”, - афзуд Ожонсӣ.

Муассисаи ислоҳӣ дар шаҳри Хуҷанд - Sputnik Тоҷикистон
Табиби маҳбаси Хуҷанд ба гумони порагирӣ дастгир шудааст

Мақомоти зиддикоррупсионӣ таъкид намуд, ки дар ин росто фасод ё худ коррупсия ба унвони вабои аср шинохта шуда, масоили муборизаю муқовимат алайҳи он ҳамеша аз ҷониби созмону ташкилотҳои байналмилалӣ, махсусан бонуфузтарини онҳо – Созмони Милали Муттаҳид ҳамчун яке аз вазифаҳои аввалиндараҷа эътироф карда шудааст.

Дар ин замина 9-уми декабр ҳамчун “Рӯзи байналмилалии мубориза бар зидди коррупсия” бо ташаббуси Маҷмааи кулли Созмони Милали Муттаҳид дар тамоми ҷаҳон эълон карда шуд.

Ожонсӣ бо зикри қабули қонунҳо алайҳи коррупсия дар Тоҷикистон илова намудааст, ки мубориза бо коррупсия кори дастаҷамъона ва умум буда, дар он мақомоти давлатӣ дар ҳамбастагӣ бо ҷомеаи шаҳрвандӣ ва бо иштироки ҳар як фарди ҷомеа метавонад натиҷаҳои дилхоҳ ба даст оварад ва садди роҳи коррупсия гирифта шавад.

Лентаи хабарҳо
0