Геймеры

Маркази бозиҳои компютерӣ ба ҷои мактаб: боздошти беш аз 25 ноболиғу ҷавон дар Ҳисор

157
(Таҷдидшуда 15:36 09.12.2020)
Вазорати умури дохилаи Тоҷикистон хабар додааст, ки кормандони пулис дар интернет-кафеҳо ва марказҳои бозиҳои компютерии шаҳри Ҳисор 10 нафар ноболиғ ва 16 нафар ҷавонон, ки дар вақту соати дарсӣ ба ҳар гуна бозиҳои компютерӣ машғул буданд, боздошт намуданд

ДУШАНБЕ, 9 дек — Sputnik.  Вазорати таъкид доштааст, ки ин чорабинии бо мақсади ошкору пешгирӣ намудани ҳолатҳои номатлуб миёни ноболиғону ҷавонон аз ҷониби кормандони шуъбаи ҷавонони Раёсати огоҳонӣ ва пешгирии ҳуқуқвайронкунии ноболиғону ҷавонони (РОПҲНҶ) Вазорати корҳои дохилӣ гузаронида шуд.

“Тавре маълум гардид, аксари ин  наврасону ҷавонони  зикршуда  бо баҳонаи ба мактаб рафтан аз беназоративу бемасъулиятии волидон ва маъмурияти муассисаҳои таълимӣ истифода намуда, вақти худро дар марказҳои компютерӣ ба шуғлҳои беҳудаи зараровар мегузаронидаанд”,  таъкид доштааст манбаъ.

Ҷинояти наврасони тоҷик: кордзанӣ, бозиҳои компютерӣ ва оворагардӣ

Гуфта шудааст, ки ин тадбирандешӣ ҳолатҳои зиёди вайрон намудани талаботи ин қонун аз тарафи волидони ноболиғонро ошкор намуд.

“Аён гардид, ки ноболиғони зиёд рӯзона бе назорат дар кӯчаву хиёбонҳо гаштугузор намуда, аксаран ба корҳои зараровар, хусусан ба ҳар гуна бозиҳои компютерӣ, ки сабаби ҷой гирифтани рафтору кирдорҳои бадахлоқона дар зеҳну тафаккури насли наврас мегарданд, машғул мешаванд.  Дар бештари маврид маҳз беҳудагардиву дур аз назорати падару модар будани ноболиғон боиси ба ҳар гуна роҳҳои хато рафтани онҳо мегардад”, - қайд кардааст ВУД Тоҷикистон.

Манбаъ зикр кардааст, ки нисбат ба волидони ноболиғону ҷавононе, ки зимни ин чорабинӣ боздошт шуданд, мувофиқи талаботи қонунгузорӣ бо моддаи 90-и Кодекси ҳуқуқвайронкунии маъмурии  Тоҷикистон ва нисбат ба моликони ин гуна интернет-кафеҳо ва марказҳои бозиҳои компютерӣ, ки дидаву дониста ноболиғону ҷавонони мактабхонро дар вақту соати дарсӣ ба иншооти худ роҳ додаанд, мувофиқи моддаи 464 иловаи 1-и Кодекси мазкур тадбирҳои маъмурӣ андешида шуданд.

157
Барчаспҳо:
бозиҳои компютерӣ, боздошт, ноболиғон, ҷавонон, вазорати умури дохила, Тоҷикистон
Наручники висят на дверной ручки, архивное фото

Боздошти ду мард: дилхоҳ ҳуҷҷатҳои ронандагиро қалбакӣ тайёр мекарданд

43
Вазорати умури дохилааи Тоҷикистон мегӯяд, даст доштани онҳо дар ҳафт ҳолат тасдиқ шуд ва акнун нисбаташон парвандаи ҷиноятӣ оғоз гардидааст

ДУШАНБЕ, 21 янв— Sputnik. Тоҷибоев Ибодуллои 60 - сола ва Неъматуллоев Зарифҷони 45 - соларо кормандони милитсия дастгир намуданд.

Вазорати умури дохилаи Тоҷикистон мегӯяд, ҳар ду боздоштшуда сокинони вилояти Хатлон буда, дар сохтакории ҳуҷҷатҳо муттаҳам дониста мешаванд.

Ба номи варзишгарон, аммо ба киссаи худ: боздошти мақомдорони Конибодом

Манбаъ меафзояд, номбурдагон бо истифода аз дастгоҳи чопкунии ранга, сканер ва техникаи компютерӣ ба сохтакорӣ ҳуҷҷатҳои ронандагӣ машғул будаанд.

"Аз ҷумла полиси суғуртаи ҳатмӣ, маълумотномаи муоинаи тиббӣ, санади аз ташхис гузаштани воситаи нақлиёт аз системаи газӣ, кортҳои ташхиси диагностикӣ, расидҳои бонки БДА "Амонатбонк" оиди пардохти андози воситаи нақлиёт ва дигар ҳуҷҷатҳоро сохтакорӣ намуда, ба ронандаҳо ба маблағи муайян пешниҳод мекарданд", - таъкид мешавад дар хабар.

Бозори "Теплий стан" дар Маскав баста шуд: ФСБ муҳоҷирони ғайриқонуниро меҷӯяд

ВУД Тоҷикистон тавзеҳ медиҳад, ки даст доштани онҳо дар 7 ҳолат ошкор шудааст. 

Феълан, нисбат ба номбурдагон бо моддаи 340 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.

43
Барчаспҳо:
ҳуҷҷат, сохтакорӣ, боздошт
Гости и участники форума предпринимателей

Дар Тоҷикистон бештар аз 20 ҳазор соҳибкор муфлис шуданд

55
(Таҷдидшуда 12:50 21.01.2021)
Соли гузашта дар пайи пандемия бештар аз 23 ҳазор соҳибкорони инфиродӣ дар Тоҷикистон фаъолияташонро боздоштаанд

ДУШАНБЕ, 21 янв — Sputnik. Дар Тоҷикистон соли 2020 даҳҳо ҳазор соҳибкор муфлис шудаанд, хабар медтиҳад "Авеста" дар истинод ба Агентии омори кишвар.

Бино бар омор, аз моҳи январ то ноябри соли 2020 бештар аз 23,8 ҳазор субъектҳои хоҷагидорӣ фаъолрияташаонро боздоштанд.

Аз ин ҳисоб 850 ҳолати шахсони ҳуқуқӣ ва боқимонда 23 ҳазор соҳибкорони инфиродӣ буданд.

Ин ниҳод таъкид мекунад, ки аз авоили моҳи январи соли 2021 дар Тоҷикистон 641 ҳазор субъекти хоҷагидорӣ ба қайд гирифта шудааст.

Аз онҳо бештар аз 529 ҳазорашон соҳибкорони инфиродӣ мебошанд.

Дар ҳамин ҳол, аз авали сол шумораи субъектҳои хоҷагидории фаъолияткунанда ба 339 ҳазор баробар будааст.

Самбӯсаҳои "ғайриқонунӣ": милисаҳои Душанбе соҳибкори барқдуздро ошкор карданд

Ёдрас мешавем, ки охирҳои соли гузашта дар Тоҷикистон шумораҳои ташкилоти молиявии хурд кам шуд. Бештари онҳо фаъолияташонро барҳам доданд.

Феълан дар ҷумҳурӣ 19 бонк, 18 ташкилоти амонатии қарзии хурд, 4 ташкилоти қарзии хурд, 27 бунёди қарзии хурд фаъолият мекунанд.

55