Преступник за решеткой

Боздошти Саидхуҷа Баҳоваддинов, собиқ роҳбари "Нақлиёти мусофиркашон"-и шаҳри Хуҷанд

1886
(Таҷдидшуда 12:29 11.12.2020)
Саидхуҷа Баҳоваддинов, собиқ директори Корхонаи давлатии коммуналии "Нақлиёти мусофиркашон" -и шаҳри Хуҷанд аз сӯи маъмурони Раёсати мубориза бо коррупсия дар вилояти Суғд боздошт шудааст

ДУШАНБЕ, 11 дек – Sputnik. Манобеъ аз Раёсати Агентии мубориза бо коррупсия дар вилояти Суғд ин иттилоъро ба Sputnik Тоҷикистон таъйид карда гуфтанд, ки нисбати собиқ директори корхонаи "Нақлиёти мусофиркашон" - и шаҳри Хуҷанд бо се моддаи асноди ҷиноӣ парванда боз шуда ва ҳоло таҳқиқи он идома дорад.

"Нисбати Саидхуҷа Баҳоваддинов барои азхудкунӣ ё исрофкорӣ ба миқдори махсусан калон, қаллобӣ ва суйистифода аз ваколатҳои мансабӣ тибқи Кодекси ҷиноятӣ парванда оғоз гардида, мавриди тафтиш қарор дорад", - гуфт манбаъ аз Агентии мубориза бо коррупсия.

Саидхуҷа Баҳоваддинов аз сентябри соли 2018 то 2019 дар вазифаи директори генералии корхонаи "Нақлиёти мусофиркашон" - и Хуҷанд кор кардааст.

Моҳи сентябри соли 2019, ба ҷойи ӯ, Бахтиёр Комилов директори ин корхона таъйин шуд ва ҳудуди чаҳор моҳ дар ин мақоми вазифавӣ фаъолият кард.

Аз 26 - уми январ то 24 - уми июл Фарҳод Шарипов, дар вазифа кор кардааст. Аз июли соли ҷорӣ Зокирҷон Зоҳидов директори генералии КВДК "Нақлиёти мусофиркашон" - и шаҳри Хуҷанд таъйин шудааст. Соли 2018 баъд аз чанд соли аз гардиш боз истодани автобусу тролейбусҳои сохти шӯравӣ, ҳаракати автобусҳо дар Хуҷанд ва чанде аз шаҳру ноҳияи атрофи он ба роҳ монда шуд.

Барои тадбиқи лоиҳаи "Рушди нақлиёти ҷамъиятӣ дар Хуҷанд" Бонки аврупоии таҷдид ва рушд 26 миллион доллар ҷудо кард. Аз ин ҳисоб 17,5 милион доллар қарз ва 8,5 миллион доллари дигар гарант ва ё қарзи бебозгашт аст. Муҳлати баргардонии 17,5 миллион доллар қарзи бонк то соли 2027 пешбинӣ шуда, то ин вақт дар шаш марҳилаи пардохт Корхонаи "Нақлиёти мусофиркашон" - и Хуҷанд 4,3 миллиони қарзи бонкро пардохт намудааст.

Корхонаи "Нақлиёти мусофиркашон" - и дар Хуҷанд аз ҳисоби ин қарзи бонкӣ дар соли 2018, 100 адад автобуси тамғаи "ЛИАЗ 429" ва "ЛИАЗ 5292-" - ро аз Русия ворид кард ва ҳаракати ин нақлиёти ҷамъиятӣ дар Хуҷанд ва навоҳии атрофи он ба роҳ монда шуд.

Аммо, баъди чанд вақт ҳаракати автобусҳои нав ба мушкил печид ва ронандаҳо дар суҳбат бо расонаҳо дар бораи мушкили пардохти маош шикоят намуда буданд.

Аз моҳи ноябри соли ҷорӣ ҳаракати автобусҳо бо низоми пардохти электронии роҳкиро дубора фаъол карда шуд.

1886
Барчаспҳо:
мубориза, коррупсия, Суғд, боздошт, Хуҷанд, директор, Тоҷикистон
В Центральном военном округе приступили к вакцинации личного состава от коронавируса

COVID - 19 нест: омори нави Вазорати тандурустии Тоҷикистон

189
(Таҷдидшуда 19:09 24.01.2021)
Вазорати тандурустии Тоҷикистон мегӯяд, шабонарӯзи гузашта чун рӯзҳои қаблӣ дар кишвар ягон ҳолати гирифторӣ ба коронавирус сабт нашудааст

ДУШАНБЕ, 24 январ - Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст.

Расман: рӯзи бозкушоии масҷидҳо дар Тоҷикистон эълон шуд

Расман бори охир дар Тоҷикистон рӯзи 10 январ се ҳолати гирифторӣ ба коронавирус сабт шуда буд.

"Дар маҷмӯъ то имрӯз, 24 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд", - омадааст дар хабарнома.

Манбаъ афзуда, ки аз аввали ҳамагирии коронавирус то кунун 90 нафар бар асари ин беморӣ фавтидаанд.

Намоз бо ниқоб: қоидаҳои масҷидравӣ дар Тоҷикистон

Ёдрас мешавем, ки дар Тоҷикистон нахустин ҳолати гирифторшавӣ ба коронавирус 30 апрели соли 2020 эълон шуда буд.

189
Барчаспҳо:
Вазорати тандурустӣ ва ҳифзи иҷтимоии аҳолии ҶТ, вируси корона, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Военный парад в Хороге по случаю приезда президента Таджикистана

Коршинос гуфт, чаро бештари ҷавонони тоҷик майли аскарӣ надоранд: роҳи ҳалро нишон дод

782
(Таҷдидшуда 17:03 24.01.2021)
Қонуни навсозӣ гумон аст, ки мавқеи артишро дар Тоҷикистон беҳтар кунад, мегӯяд Сергей Кривенко, мудири ғайринизомии артиш

ДУШАНБЕ, 24 янв – Sputnik. Палатаи поёнии парлумони Тоҷикистон рӯзи 20 январ таҳрири нави қонун "Дар бораи ӯҳдадории ҳарбӣ ва хизмати ҳарбӣ" -ро тасдиқ кард.

Тахмин меравад, ки қоидаҳо як қатор масъалаҳои муҳимро, ки ҳоло бо артиши кишвар алоқаманданд, ҳал мекунад.

Ҳамин тариқ, муқаррароти нав на танҳо аз фасод, балки аз найрангҳои маккоронаи ҷавонон барои саркашӣ аз хидмат ҷилавгирӣ хоҳанд кард.

Ба гуфтаи Сергей Кривенко, директори "Гражданин. Армия. Право"-и ҳуқуқи башар ва узви собиқи шӯрои гурӯҳи корӣ оид ба ҳифзи ҳуқуқи хизматчиёни ҳарбии шӯрои президент оид ба ҳуқуқи инсон, Тоҷикистон бояд масъалаи ҷорӣ кардани артиши шартномавиро баррасӣ кунад. 

Танку тӯпу зиреҳпӯш: қудрати ҳарбии Тоҷикистон дар рақамҳо

Роҳҳои кунунии ислоҳот, ба гуфтаи коршинос, саволҳои зиёдеро ба миён меоранд.

"Дар ҷаҳони муосир ба ҷуз артиши шартномавӣ, ки вазъи ҳам даъват ба артишу худи артиш, коҳиш додани сатҳи ҷиноятҳои зӯроварӣ чизе беҳтар андешида нашудааст. Масири асосӣ, ба мисли Русия ва дар бисёр кишварҳои дигар, гузариш ба артиши шартномавӣ аст", - гуфт Кривенко дар мусоҳиба бо Sputnik Тоҷикистон.

Ниёз ба артиши тавоно: Ғаффоров хост, дар хизмат адабиёт таълим дода шавад

Ин гузариш метавонад дарозтар ё кӯтоҳтар бошад. Артиши шартномавӣ ҷавононро ҳавасманд мекунад ва мушкилоти зиёдеро бартараф мекунад, гуфт коршинос.

"Бо чунин сатҳи рушди технология, сатҳи омодагии зарурии ҷангӣ, ки ба артиши муосир пешниҳод карда мешавад, тайёр кардани сарбози касбӣ дар муддати камтар аз 2 ё 3 сол ғайриимкон аст", - қайд кард Кривенко.

Аммо Тоҷикистон, ба гуфтаи коршинос, ин роҳро пеш намегирад, усули даъватро тарк мекунад ва амалан чизе ислоҳ намекунад.

"То ҷое ки ман дидам, чандин гузоришҳо аз созмонҳои ҳифзи ҳуқуқ мавҷуданд, ки дар артиш мушкилии калон сари шиканҷа (дедовшина) аст, бинобар ин, бисёр бачаҳо аз рафтан метарсанд",- гуфт мутахассис.

Навигариҳои хизмати ҳарбӣ: хизмати пулакӣ, дипломдорҳо ҳам раванд, ба кор намегиранд

Навоварие, ки хидмати яксолаи донишҷӯёнро дар баробари сарбозони оддӣ пешбинӣ мекунад, ба омезиши ҷараёни ду категорияи кормандони низомӣ мусоидат хоҳад кард.

"Ин аксар вақт боиси афзоиши ҷинояткорӣ мегардад. Ин ҷараёнҳоро ҷудо кардан лозим аст",- гуфт Кривенко.

"Пас барои комиссариати ҳарбӣ интихоб пайдо мешавад, ки чунин имкониятро фароҳам орад ё не. Мо бояд бубинем, ки дар инҷо ҳеҷ гуна имкониятҳои тавлиди фасод вуҷуд надорад. Агар ин роҳро сабук кунад, хатари дигаре ба миён меояд. Артиш метавонад ба "артиши камбизоатон" табдил ёбад, зеро он қишрҳои аҳолӣ ба он ҷо хоҳанд рафт, ки пардохт карда наметавонад",-таъкид кард Кривенко.

Ғайр аз ин, дар Тоҷикистон то ҳол қонун дар бораи хидмати алтернативии шаҳрвандӣ вуҷуд надорад, ки тақрибан дар ҳамаи кишварҳои минтақаи пасошӯравӣ ҳаст.

Ин ба сабук кардани вазъи он ҷавононе, ки хидмати ҳарбиро барои эътиқоди худ қабул намекунанд, кӯмак мекунад, хулоса кард коршинос.

Ҷой доштани муносибатҳои ғайриоинномавиро Шералӣ Мирзо, вазири мудофиаи кишвар низ дар посух ба пурсиши вакили парлумон Саидҷаъфар Усмонзода, тасдиқ кард.

Тоҷикистон дар радабандии байналмилалии қудрати низомӣ: Ӯзбекистон қавитар аз ҳама дар ОМ

" Мутаассифона, чунин ҳолат ҷой дорад. Вазорати мудофиа ҳама чораро меандешад, ки ба чунин вазъ хотима диҳад. Ҳарчанд теъдоди чунин вайронкуниҳо тӯли солҳои охир ду — се маротиба кам шудааст, вале то ҳол он хотима наёфтааст", - изҳори нигаронӣ кардааст вай.

Шералӣ Мизо афзуд, бо қабули қонун дар таҳрири нав ба масъалаи зикршуда боз ҳам бештар диққат дода хоҳад шуд.

782
Барчаспҳо:
хизмат, шиканҷа, сарбоз, артиши миллӣ, вазорати мудофиаи ҶТ
Вакцина

Эрон ҳам ба зуддӣ эмгузарониро оғоз мекунад

0
(Таҷдидшуда 00:34 25.01.2021)
Вазири беҳдошт, дармон ва омӯзиши пизишкии Эрон гуфт, эмгузаронӣ бо ваксини зидди вируси корона дар Эрон ба зудӣ оғоз мешавад

ДУШАНБЕ, 25 янв— Sputnik.  Саиди Намакӣ, вазири беҳдошт, дармон ва омӯзиши пизишкии Эрон ахиран  бо ишора ба талош барои сохти ваксинаи коронаии Эрон афзуд, ки воридоти ваксинаи зидди корона ба кишвар ба зудӣ оғоз мешавад, иттилоъ додааст радиои тоҷикии Садои Хуросон.

Намакӣ афзуд, ки бо воридоти ваксинаи зииди вируси корона, эмгузаронӣ барои гурӯҳҳои ҳассосу пурхатар оғоз мешавад.

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

 Ҳамчунин Ҳуҷҷатуллоҳи Некии Маликӣ, раиси маркази итилоърасонии ситоди иҷроии фармони ҳазрати Имом (р) гуфт: “Пас аз баррасии саломати 21 довталабе, ки ваксинаи корони тавлидшуда дар Эрон ба онҳо тазриқ шуда аст,  муҷаввизи тазриқ барои 14 довталаби дигар содир шуд”.

Марҳилаи аввали тазриқи инсонии мутолиъоти болинии нахустин ваксинаи коронаи сохти муҳаққиқони эронӣ бо номи  “Кув Эрон баракат” 29 декабри 2020 рӯй довталабон оғоз шуд.

0
Барчаспҳо:
беҳдошт, вазир, вируси корона, эмгузаронӣ, Эрон