Экспорт, архивное фото

Аврупо наздик мешавад: Тоҷикистон шаҳодатномаи REX ро ба даст овард

274
(Таҷдидшуда 18:00 18.12.2020)
Агентии содироти назди ҳукумати Тоҷикистон аз Иттиҳоди Аврупо шаҳодатномаи сабти содиркунандагони тоҷик дар низоми REX (Registered Exporter System) – ро ба даст овард ва дар навбати аввал, роҳи шаш ширкати тоҷикӣ ба бозорҳои аврупоиро ҳамвор сохт

ДУШАНБЕ, 18 дек — Sputnik. Шавкат Бобозода, директори Агентии содироти назди ҳукумати Тоҷикистон, дар расми муаррифӣ ва эътои шаҳодатнома ба ин ширкатҳо гуфт, ин як дастоварди сиёсӣ ва иқтисодӣ барои кишвар аст.

"Ин фахри Тоҷикистон аст, ки дар чунин замона ва шароити мушкил тавонистем шаҳодатномаи ин Низомро ба даст оварда, барои шаш ширкати ватанӣ дар роҳи расидан ба бозорҳои Аврупо суҳулат офаринем. Умедворем, ки дигар ширкатҳои ватании мо низ вориди ин Низом хоҳанд шуд", - гуфт Шавкат Бобозода.

Дар ин маросим, ки бо ҳузури намояндагони тамоми ниҳодҳои иқтисодӣ ва ҳам созмонҳои хориҷии муқими Тоҷикистон баргузор шуд, Петра Гашпарова, сарпарасти намояндагии Иттиҳоди Аврупо дар Тоҷикистон ба раҳбарони ширкатҳои "Ҷавонӣ", "Меваю сабзавот", "Ваҳдат Текстил", "Органик Ярн", "Аввалин" ва "Абрикос ва компания" шаҳодатнома (сертификат)-ҳои Низоми сабтшудаи содиркунандагони Иттиҳоди Аврупоро таслим намуд.

Тоҷикистон солҳост, ки барои ворид шудан ба ин низом талош мекард ва аз 27 августи соли 2020 Агентии содироти назди ҳукумати Тоҷикистонро ваколатдори расмии музокирот бо Иттиҳоди Аврупо таъин намуд.

Директори Агентии содироти назди ҳукумати Тоҷикистон гуфт, мутобиқи қарори Комиссияи Иттиҳоди Аврупо муҳлати шомил шудани Тоҷикистон ба Низоми мазкур 31 декабр муайян карда шуда буд.

“Дар натиҷаи тадбирҳое, ки андешидем, шаҳодатнома (сертификат)-и гузариш 1 декабри соли 2020 дар ихтиёри Тоҷикистон қарор гирифт”, - гуфт Шавкат Бобозода.

Чӣ фоида?

Бино ба иттилои Агентии содироти назди ҳукумати Тоҷикистон, низоми REX ба соддагардонии расмиёти савдо, аз ҷумла барасмиятдарории ҳуҷҷатҳои амалиётҳои содиротӣ мусоидат намуда, заминаи дастрасӣ ба Низоми умумии имтиёзҳои ИА (GSP) – ро фароҳам месозад.

“Тибқи низоми REX, ба тамоми молу маҳсулоте, ки вориди Аврупо мешавад, тахфиф медиҳанд ва гирифтани ҳар гуна аснод барои ширкатҳо зарур нест. Агентӣ ҳамчун оператори давлатӣ дар ин низом ширкатро як бор сабти ном мекунад. Боҷу хироҷ коҳиш меёбад, расмиёти тиҷорат одӣ ва вақт сарфа мешавад”, - гуфт як масъули Агентӣ.

Гардиши коло байни Тоҷикистону Чин қариб 25 дар сад кам шуд

Бо рақаме, ки аз REX мегиранд, пешакӣ иттилоъ ва мушаххасоти техникиро дар бораи молу маҳсулоташон пешниҳод менамоянд. Вақте ба мувофиқа расиданд, бе мушкил моли худро ба Аврупо мефиристанд. Қаблан расмиёт маблағҳои калонро талаб мекард, афзуд манбаъ.

Агентии содироти Тоҷикистон ду соли пеш, моҳи августи соли 2018, ба хотири рушди содирот ва рақобатпазир шудани молҳои истеҳсоли Тоҷикистон дар бозорҳои ҷаҳонӣ таъсис ёфта, вуруди Тоҷикистон ба Низоми сабтшудаи содиркунандагони Иттиҳоди Аврупо дастоварди дурахшони он ба шумор меравад.

Бозори рақобатҳо

Шавкат Раҳимов, ёвари мудири кулли “Ҷавонӣ”, ширкате, ки ба Аврупо амволи нассоҷӣ содир мекунад, ба Sputnik Тоҷикистон гуфт, ворид шудан ба низоми REX моли содиротиро тақрибан 12% аз боҷи гумрукӣ озод мекунад.

“Дар он ҷо мо бояд бо нассоҷони турку покистонӣ ва ҳиндӣ рақобат кунем. Ин низом ба мо имкон медиҳад, ки мавқеъи моли худро дар бозорҳои Иттиҳоди Аврупо қавӣ гардонем. Дар 11 моҳи гузашта ҳудуди 9,7 миллион доллар маҳсулот ба Аврупо содир карда будем ва пас аз вуруд ба ин низом интизор дорем, ин рақам бештар мешавад”, - гуфт Шавкат Раҳимов.

"Равзанаи ягонаи гумрук": дар Тоҷикистон воридоту содироти коло осон мешавад

“Ҷавонӣ” яке аз ширкатҳои муваффақи Тоҷикистон, соли 1992 аз сӯи ширкати “Карера Ҳолдин Инк” (Амрико) ва ҳукумати Тоҷикистон рӯи кор омада, беш аз 95% маҳсулоти худ, назири ҷинсу дигар либосҳои пахтагӣ ва ниқобро ба Аврупо содир мекунад ва бо иттифоқи “Катн”, як ширкати дигар, ҳудуди 90% содироти насоҷии кишварро таъмин менамояд.

274
Зима в городе Душанбе

Ҳавои сарди Русия ба Тоҷикистон меояд: ҳушдори ҳавошиносон аз бӯҳрони барфӣ ва яхбандӣ

430
(Таҷдидшуда 14:42 20.01.2021)
Бо сабаби воридшавии анбӯҳи ҳавои намноки баҳримиёназаминӣ ва ҳавои сард аз самти урупоии Русия дар минтақаҳои алоҳидаи кӯҳии ноҳияҳои тобеи ҷумҳурӣ буҳрони барфӣ, яхбандӣ, дар роҳҳои нақлиётгард пайдоиши қабати барф аз эҳтимол дур нест

ДУШАНБЕ, 20 янв – Sputnik. Рӯзҳои 22-23 январ дар Тоҷикистон обу ҳаво якбора номусоид шуда, бориши борон бо гузариш ба барф дар назар аст.

Дар ин рӯзҳо ҳарорат шабона то 8-10 ва рӯзона то 10-15 дараҷа (ба истиснои ВМКБ) паст шуда, дар баъзе ноҳияҳо меғ мефарояд, хабар медиҳад агентии "Ховар" бо такя ба Ожонси ҳавошиносӣ.

Ба Тоҷикистон гармӣ меояд - пешгӯии дақиқи ҳавошиносон барои ҳафтаи нав

Зимнан, Кумитаи ҳифзи муҳити зист иттилоъ медиҳад, ки 22 январ  дар баъзе минтақаҳои ноҳияҳои тобеи марказ ва вилояти Хатлон бориши пуршиддат пешбинӣ мешавад.

Вазиши бод аз самти ғарб бо шиддати то 15-20 метр дар як сония дар назар аст.

"Бо сабаби воридшавии анбӯҳи ҳавои намноки баҳримиёназаминӣ ва ҳавои сард аз самти урупоии Русия дар минтақаҳои алоҳидаи кӯҳии ноҳияҳои тобеи ҷумҳурӣ буҳрони барфӣ, яхбандӣ, дар роҳҳои нақлиётгард пайдоиши қабати барф ва яхбандӣ аз эҳтимол дур нест", - омадааст дар хабарнома.

Дар ноҳияҳои водигии ҷумҳурӣ часпидани барфи тар ба ноқилҳои барқӣ ва шохи дарахтон дар назар буда, дар роҳҳои нақлиётгард пайдо шудани қабати барф пешгӯӣ мешавад.

430
Барчаспҳо:
номусоид, Тоҷикистон, Русия, сардӣ, обу ҳаво
Драка, архивное фото

Рашки шавҳар: таҳдиди куштори марди 60-сола ва зани 31-сола

159
(Таҷдидшуда 13:21 20.01.2021)
Вазорати умури дохилии Тоҷикистон як марди 39-соларо бо иттиҳоми таҳдиди куштор боздошт кардааст

ДУШАНБЕ, 20 янв – Sputnik. Кормандони милитсия мардеро боздошт намуданд, ки ба сӯиқасд ба куштор муттаҳам дониста мешавад, хабар медиҳад котиботи ВУД Тоҷикистон.

Ба иттилои манбаъ, боздоштшуда сокини ҷамоати деҳоти Росровути ноҳияи Деваштич буда, бо гумони таҳдиди куштан ё расонидани зарари вазнин ба саломатӣ дастгир карда шуд.

Гуфта мешавад, номбурда 4 январи соли 2021, тахминан соати 06:40-дақиқа, ҳамдеҳааш марди 60-солаи сокини ҷамоати деҳоти мазкурро ба хонаи истиқоматиаш даъват намуда, бо гумоне, ки гӯё номбурда бо ҳамсараш, зани 31-сола муносибати ошиқона дорад, ба гардани ӯ ва ҳамсараш корд гузошта, таҳдиди куштан намудааст.

Вазорат мегӯяд, аз рӯи ин ҳодиса тафтишот идома дорад.

Рашк сабаби қатли ҳамсар шуд: мард ҳамсарашро 13 корд зада кушт

Ёдовар мешавем, дар гузашта низ вазорат аз рухдоди чунин ҳодисаҳо хабар дода буд, ки баъзан бо поёни ногувори қатлу куштор хотима ёфтаанд.

159
Барчаспҳо:
боздошт, Деваштич, Тоҷикистон
Отрывок из Тик Ток канала Дины Саевой

Ситораи Tik Tok, зодаи Тоҷикистон Дина Саева табобат мегирад

0
(Таҷдидшуда 14:52 20.01.2021)
Блогери машҳури TIK Tok, зодаи Тоҷикистон Дина Саева хабар дод, ки 20 рӯзи охир ҳамвандонаш ягон контенти навро интизор нашаванд

ДУШАНБЕ, 20 янв – Sputnik. Блогери машҳури тоҷикистонӣ Дина Саева ба ҳамвандонаш хабар дод, ки рӯзҳои оянда онҳоро бо аксҳои нав шод карда наметавонад. Дар баробари ин ӯ мегӯяд, сафараш ба осоишгоҳ барояш ғайричашмдошт буд.

Зиёда аз ин, тибқи қавонини санатория ба ӯ истифодаи интернет иҷоза дода намешавад.

Манижа Сангин нахустин сафири СММ аз Русия оид ба гурезагон

Ҳаводорони блогер ҳадз задаанд, ки ин на истироҳат, балки табобати иҷборӣ аст: чун вақтҳои охир Дина хеле лоғар шудааст, ки сабабаш стресс, мушкилоти равонӣ ё вобастагӣ аз чизе шуда метавонд.

Сабаби дигар метавонад бемориҳои қаблӣ бошад. Масалан, тобистони соли гузашта духтарак ҷарроҳии мураккаберо аз сар гузаронид.

Аммо, PR-директори блогер Максим Задворнов дар суҳбат бо StarHit тавзеҳ дод, ки сафар ба осоишгоҳ хусусияти табобатӣ надорад. Вай гуфт, Саева дар санаторияи оддии Русия аст, на дар реабилитатсия ё ягон клиникаи махсус.

"Яке аз шартҳои истироҳати хуб дур будан аз кор аст. Азбаски кори Дина блоггинг аст - ин маънои аз шабакаҳои иҷтимоӣ канда шуданро дорад. Вай, албатта, намехоҳад аз ҳамвандонаш ҷудо шавад, аммо барои истироҳат бояд баъзан ин корро кард", - гуфт Задворнов.

Ёдовар мешавем, ки зодаи Тоҷикистон Дина Саева дар Русия шӯҳрати беандоза пайдо кардааст. Маҷаллаи Forbes ӯро дар байни блогерҳои сердаромади TikTok дар Русия аз пешсафон ном бурд.

0
Барчаспҳо:
табобат, истироҳат, осоишгоҳ, Русия