Мужчина совершает молитву на кладбище

Мотам дар суди тиббӣ: даргузашти сармутахассиси 56 - солаи вазорати тандурустӣ

7697
(Таҷдидшуда 14:53 19.12.2020)
Зулмакон Хушқадамов, сармутахассиси вазорати тандурустӣ ва ҳифзи иҷтимоии аҳолии Тоҷикистон дар синни 56 –солагӣ вафот кард

ДУШАНБЕ, 19 дек — Sputnik. Яке аз наздикони марҳум ба Sputnik Тоҷикистон гуфт, ӯ ҳудуди даҳ рӯзи қабл ба далели сактаи мағзӣ дар корпуси 5 – шуъбаи эҳёгарии Маркази миллии тиббии “Шифобахш”, дар миёни мардум маъруф ба Шифохонаи Қарияи Боло бистарӣ шуда буд.

Даргузашти сармутахассиси 56 - солаи вазорати тандурустӣ
Сомонаи расмии ДДТТ
Даргузашти сармутахассиси 56 - солаи вазорати тандурустӣ

“Маризии он кас ба “вируси корона” ҳеҷ рабт надорад. Он кас ба сактаи мағзӣ гирифтор шуда, муддате беҳушу ёд хобида, шаби гузашта аз олам чашм пӯшиданд”, - гуфт ӯ.

Зулмакон Хушқадамов, профессор, доктори илмҳои тиб, соли 1964 дар деҳаи Нишуспи ҷамоати Дарморахти ноҳияи Шуғнони Вилояти мухтори Кӯҳистони Бадахшон ба дунё омада, хатмкардаи Донишгоҳи тибии ба номи Абуалӣ ибни Сино мебошад.

Даргузашти нахустин роҳбари сохтмони "Роғун" дар Маскав аз коронавирус

Ӯ сӣ сол шуруъ аз мутахассиси ташхиси судӣ ва тибби судӣ то мудири кафедраи Анатомияи патологӣ ва тиббии судии Донишгоҳи давлатии тиббии Тоҷикистон ба номи Абӯаблӣ ибни Сино кор кардааст.

Муаллифи беш за 150 рисолаву мақолаи илмӣ дар соҳаи ташхиси судӣ ва тибби судӣ мебошад ва даҳҳо шигирдро тарбият намудааст.

Ҷанозаи Зулмакон Хушқадамов субҳи имрӯз ба зодгоҳаш интиқол ёфта, дар ҳамон ҷо ба хок супурда хоҳад шуд.

Даргузашти Қудратбек Элчибеков, ховаршинос ва тарҷумони низомӣ: 82 сол дошт

 

 

7697
Барчаспҳо:
беморхона, даргузашт, Вазорати тандурустӣ, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

108
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

108
Сафири Афғонистон ба мулоқоти генерал Зуҳуров рафт

Дидори сафири Афғонистон бо Зуҳуров ва изҳори сипоси генерал аз Ағбар

153
(Таҷдидшуда 21:13 24.02.2021)
Сафири Афғонистон дар Тоҷикистон ба дидори генерал Сайдамир Зуҳуров рафт ва аз меҳмондории собиқ раиси КДАМ изҳори сипос кард

ДУШАНБЕ, 24 фев – Sputnik. Сафири Ҷумҳурии Исломии Афғонистон дар Тоҷикистон Муҳаммад Зоҳир Ағбар бо собиқ раиси амнияти Ҷумҳурии Тоҷикистон Сайдамир Зоҳуров дар манзили зисташ мулоқоти дӯстона анҷом дод, хабар медиҳад Сафорати Афғонистон дар Тоҷикистон.

"Мақсади ташриф арҷгузорӣ ба ҷаноби Зоҳуров, вазири собиқи тоҷик ва эҳтиром ба муносибати Рӯзи Артиш ва Қувваҳои Амнияти Тоҷикистон буд", - менависад манбаъ.

Манбаъ меафзояд, "бешак, ҷаноби Зуҳуров яке аз шахсиятҳои миллӣ ва фаъоли амниятии Тоҷикистон ва дӯсти деринаи мардуми Афғонистон аст, ки дар замони муқовимат бо мардуми Афғонистон робитаи мустақим дошт ва дар ҳамкорӣ дар ироаи кумак дареғ надошт".

Дафтари матбуотӣ меафзояд, ки далели хотираҳои неки ҷаноби генерал, аксе бо қаҳрамони миллии Афғонистон аст, ки дар девори хонааш овезон аст.

Зуҳуров гуфтааст, ки сафири Афғонистон барои ташрифаш миннатдор аст ва аз мардуми афғон хотираҳои хубе дорад.

Ёдрас мешавем, дирӯз Сайдамир Зуҳуров, ки мардуми Тоҷикистон унвони генерали халқиаш додаанд, 70-солагиашро ҷашн гирифт.

Сафири Афғонистон ба дидори генерал Саидамир Зуҳуров рафт
Сафорати Афғонистон дар Тоҷикистон
Сафири Афғонистон ба дидори генерал Саидамир Зуҳуров рафт

Ӯ  аз мутахассисони ҳирфаӣ ва саршиноси кишвар аст, ки дар сулҳу ваҳдати миллӣ ҳам саҳми босазое гузоштааст. Генерал, феълан пас аз сарнишинӣ дар чанд ниҳодҳои кишвар, аз ҷамла КДАМ бознишаста аст. Худаш, баъди чанд ҷарроҳии ҷиддӣ, "зинда монданашро мӯъҷиза медонад".

153
Барчаспҳо:
мулоқот, сафир, Саидамир Зуҳуров