Автомобиль попал в ДТП

ВКД-и Русия гуфт, муҳоҷирони кадом кишварҳои Осиёи миёна бештар садама мекунанд

534
(Таҷдидшуда 15:11 22.12.2020)
Вазорати корҳои дохилаи Русия барои нахустин бор аст, ки маълумот дар бораи хориҷиёне, ки ба сабаби онҳо садамаҳои нақлиётӣ дар ин кишвар рух медиҳад нашр кардааст. Дар ин феҳрист Тоҷикистону Ӯзбекистон дар зинаҳои аввал қарор доранд

ДУШАНБЕ, 22 дек — Sputnik. Дар Русия арқоми дақиқи садамаҳои нақлиётӣ бо иштироки шаҳрвандони хориҷӣ нашр шудааст, иттилоъ додааст рӯзномаи “Комерсант” дар истинод ба гузориши нуҳмоҳаи соли 2020 ВКД-и Русия.

Тибқи ин гузориш дар роҳҳои Русия бештар аз ҳама шаҳрвандони Ӯзбекситон дучори садама мешаванд. Шаҳрвандони ин ҷумҳурӣ дар 9 моҳи соли равон сабабгори 797 садама шуданд.

Ба ин феҳрист ҳамчунин шаҳрвандони Қирғизистон – 701 ҳолат ва Тоҷикистон 599 ҳола, Озарбойҷон – 282 ҳолат ва Арманистон бо 280 ҳолат ворид шуданд.

Беҳтарин ронандаҳо миёни атбои хориҷӣ, ки ба қоидаҳои ҳаракати роҳ риоя мекарданд, шаҳрвандони Афғонистон, Эстония ва Ҷопон дониста шуданд.

Дар ҳамин ҳол, дар садамаҳои нақлиётӣ бештар аз ҳама шаҳрвандони Тоҷикистон ҷон бохтанд. Дар садамаҳои нақлиётӣ дар роҳҳои Русия 76 шаҳрванди Тоҷикистон фавтидааст. Аммо бештар аз ҳама миёни атбои хориҷӣ шаҳрвандони Ӯзбекистон осеб диданд. Дар ин давра 1080 шаҳрвани Ӯзбекистон осеб дидааст.

Гуфта шудааст, ки дар давоми 9 моҳи соли равон дар Русия беш аз 4,15 миллион шаҳрвандони ин кишварҳо, ки 54 дарсади ҳамаи муҳоҷирон дар Русияро ташкил медиҳанд, ба қайд гирифта шудаст.

Ба гуфтаи ВКД-и Русия ин нишондиҳандаҳо аз он шаҳодат медиҳанд, ки сатҳи омоду намудани ронандаҳо дар ин кишварҳо суст ба роҳ монда шудааст.

“Инчунин ронандаҳое, ки дар токсиҳо кор мекунанд, қоидаи меҳнат ва истироҳатро риоя намекунанд ва то 14-16 соат кор мекунанд, ки сабабгори садама мешаванд”, - таъкид кардааст ВКД Русия.

Дар гузориши ВКД-и Русия ҳамчунин гуфта шудааст, ки суръати рушди садамаҳо дар роҳҳои кишвар ба сабаби пандемия, ки ҳаракатро яе каме маҳдуд карда буд коҳиш ёфтааст.

Дар маҷмӯъ садамаҳои нақлиётӣ, ки дар он шаҳрвандони хориҷӣ сабабгор мешуданд дар соли 2020 коҳиш ёфтааст. Дар умум шаҳрвандони кишварҳои ИДМ сабабгори 3 ҳазор садамаи нақлиётӣ шуданд.

534
Барчаспҳо:
феҳрист, садамаи нақлиётӣ, Русия, садама, Ӯзбекистон, Тоҷикистон
Взятка медику, архивное фото

Transparency International сатҳи фасодзадагии Тоҷикистонро эълон кард

8
(Таҷдидшуда 16:16 28.01.2021)
Рутбаи Тоҷикистон аз нигоҳи вуҷуди ришвахорӣ дар охирин радабандии ҷаҳонӣ дар соли 2020 дар муқоиса бо соли 2019 бетағйир боқӣ монд

ДУШАНБЕ, 28 янв – Sputnik. Дар гузориши ҷадиди Созмони шафофияти байналмилалӣ (Transparency International) дар бораи радабандии кишварҳо аз нигоҳи фасоди молӣ ва ришвахорӣ дар соли 2020, Тоҷикистон аз миёни 180 кишвари ҷаҳон дар радифи 149 қарор гирифта, ки ҷойгоҳаш нисбат ба соли 2019 тағйир накардааст.

Аз миёни кишварҳои Осиёи Марказӣ ҷумҳурии Туркманистон фасодзадатарин ва Қазоқистон камфасодтарин кишвар муаррифӣ шудаанд.

Ӯзбекистон бо як пилла беҳбуди ҷойгоҳи хеш дар муқоиса бо соли 2019 дар радаи 146 ҷаҳонӣ қарор гирифтааст.

Эълони ҳукми зиндони Баҳром Иноятзода, собиқ раиси шаҳри Кӯлоб

Пешсафҳои ин радабандӣ – Зеландияи нав, Дания - 88 холӣ, Финляндия – 85 хол, Швейтсария, Сингапур ва Шветсия - 85 хол мебошанд.

Дар феҳристи фасодзадатаринҳо Сомалӣ – 12 хол, Судони ҷанубӣ – 12 ва Сурия бо 14 хол шомил шудаанд.

8
Барчаспҳо:
радабандӣ, ришва, сатҳи фасодзадагӣ, фасод, Тоҷикистон
Министр МВД Таджикистана Рахимзода Рамазон Хамро

Сипоси Кабиров ба Раҳимзода: агар шумо намебудед, бозор пурра месӯхт

143
(Таҷдидшуда 16:34 28.01.2021)
Раҳимзода Рамазон бевосита худ дар ҷараёни хомӯш кардани алангаи оташ дар бозори "Султони Кабир" иштирок кардааст. Муассиси ин бозор ба вазири тоҷик изҳори миннатдорӣ намуд

ДУШАНБЕ, 28 янв – Sputnik. Авазхон Кабиров муассиси бозори "Султони Кабир" ба вазири корҳои дохилӣ, генерал - полковники милиса Раҳимзода Рамазон Ҳармо изҳори сипосу миннатдорӣ намудааст, хабар медиҳад нашрияи СССР.

Манбаъ аз қавли Кабиров менависад, ки баробари аланга гирифтани оташ, раёсати ВКД ва ҳатто худи вазир ба макони ҳодиса ташриф оварда, кори оташнишононро назорат ва сафарбар мекард.

Муассиси бозори мазкур саҳми оташнишонону кормандони раёсати ВУД - ро махсусан қайд карда, изҳор доштааст, ки "агар ҷонфидоии кормандон, ба вежа раҳбарияти ВУД намебуд, хатари пурра ба коми сӯхтор фурӯ рафтани бахши аъзами бозори "Султони Кабир" вуҷуд дошт".

Ёдовар мешавем, рӯзи 25 январ дар бозори "Султони Кабир" сӯхтор сар зад. Омили асосии сӯхтор ба расиши кӯтоҳи ноқилҳо рабт дода шуд.

Боздошти як гурӯҳ дуздони кисабур дар бозори “Султони Кабир”

Зарари расонидашуда аз сӯхтор тахминан 800 ҳазор сомониро ташкил медиҳад.

Бори дувум аст, ки давоми се соли ахир дар бозори "Султони Кабир" оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ мебошад, ки соли 2000 бунёд шуда, дар он 1700 соҳибкор фаъолият мекунанд мекунанд.

143
Барчаспҳо:
сипосгузорӣ, сӯхтор, Султони Кабир, бозор, Рамазон Раҳимзода