Подпись документов

Аз соли нав дар Тоҷикистон нишондиҳандаи ҷаримаҳо баланд мешавад

840
(Таҷдидшуда 18:16 24.12.2020)
Шурӯъ аз якуми январи соли 2021, ҳаҷми пардохти ҷаримаҳои баланд мешавад, чун андозаи он тибқи нишондиҳанда барои ҳисобҳо, ки муодили 60 сомонӣ аст, татбиқ мегардад

ДУШАНБЕ, 24 дек – Sputnik. Дар оғози соли 2020 ҳаҷми як нишондиҳанда барои ҳисобҳо 58 сомонӣ муқаррар шуда буд.

Қонуни Ҷумҳурии Тоҷикистон “Дар бораи буҷети давлатии Ҷумҳурии Тоҷикистон барои соли 2021”, ки аз 20 ноябри соли 2020 таҳти рақами 1724 қабул шудааст, ҳаҷми нишондиҳанда барои ҳисобҳо дар соли 2021-ро муқаррар намудааст.

Андозаи нишондиҳанда барои ҳисобҳо, ҷиҳати ҳисобкунии андоз, боҷ ва дигар пардохтҳои ҳатмӣ, муҷозоти ҷаримавӣ, пардохтҳои иҷтимоӣ, ки тибқи қонунгузории Ҷумҳурии Тоҷикистон тасдиқ карда мешавад, дар ҳаҷми 60 сомонӣ муқаррар карда шудааст.

Манобеи Sputnik Тоҷикистон аз Раёсати бозрасии давлатии автомобилии ВКД гуфтанд, ки барои татбиқ намудани муқаррароти нави қонунӣ барқия иттилоотӣ дарёфт намудаанд.

“Аз санаи 1 январи соли 2021 муҷозоти ҷаримавӣ, пардохти андоз аз соҳибони воситаи нақлиёт ва дигар пардохтҳо тибқи нишондиҳанда барои ҳисобҳо дар ҳаҷми 60 сомонӣ татбиқ карда мешавад”, - таъкид шудааст дар барқияи иттилоотӣ.

Ба ин тартиб андози роҳ аз воситаи нақлиёт низ баланд мешавад.

Барои чӣ дар нақлиёт метавонанд шаҳрвандонро 15 сомонӣ ҷарима банданд?

Аввали соли 2020, меъёри пардохти андози роҳ аз воситаи нақлиёт, аз рӯи иқтидори муҳаррик ва “қувваи асп” чен карда мешавад 4,35 сомонӣ муқаррар шудаст, ки ин рақам назар ба соли 2019 ( 4,12) 5,5% баланд мебошад.

840
Барчаспҳо:
нишондиҳанда, ҷарима, Тоҷикистон
Министр МВД Таджикистана Рахимзода Рамазон Хамро

Сипоси Кабиров ба Раҳимзода: агар шумо намебудед, бозор пурра месӯхт

87
(Таҷдидшуда 16:34 28.01.2021)
Раҳимзода Рамазон бевосита худ дар ҷараёни хомӯш кардани алангаи оташ дар бозори "Султони Кабир" иштирок кардааст. Муассиси ин бозор ба вазири тоҷик изҳори миннатдорӣ намуд

ДУШАНБЕ, 28 янв – Sputnik. Авазхон Кабиров муассиси бозори "Султони Кабир" ба вазири корҳои дохилӣ, генерал - полковники милиса Раҳимзода Рамазон Ҳармо изҳори сипосу миннатдорӣ намудааст, хабар медиҳад нашрияи СССР.

Манбаъ аз қавли Кабиров менависад, ки баробари аланга гирифтани оташ, раёсати ВКД ва ҳатто худи вазир ба макони ҳодиса ташриф оварда, кори оташнишононро назорат ва сафарбар мекард.

Муассиси бозори мазкур саҳми оташнишонону кормандони раёсати ВУД - ро махсусан қайд карда, изҳор доштааст, ки "агар ҷонфидоии кормандон, ба вежа раҳбарияти ВУД намебуд, хатари пурра ба коми сӯхтор фурӯ рафтани бахши аъзами бозори "Султони Кабир" вуҷуд дошт".

Ёдовар мешавем, рӯзи 25 январ дар бозори "Султони Кабир" сӯхтор сар зад. Омили асосии сӯхтор ба расиши кӯтоҳи ноқилҳо рабт дода шуд.

Боздошти як гурӯҳ дуздони кисабур дар бозори “Султони Кабир”

Зарари расонидашуда аз сӯхтор тахминан 800 ҳазор сомониро ташкил медиҳад.

Бори дувум аст, ки давоми се соли ахир дар бозори "Султони Кабир" оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ мебошад, ки соли 2000 бунёд шуда, дар он 1700 соҳибкор фаъолият мекунанд мекунанд.

87
Барчаспҳо:
сипосгузорӣ, сӯхтор, Султони Кабир, бозор, Рамазон Раҳимзода
 Премьер-министр Таджикистана Кохир Расулзода

Расулзода шарҳ дод, ки чаро пули миллӣ беқурб шуд

133
(Таҷдидшуда 16:23 28.01.2021)
Сарвазири Тоҷикистон Қоҳир Расулзода тавзеҳ дод, ки чаро дар соли 2020 таваррум - беқуршавии пули миллӣ зиёд шуд

ДУШАНБЕ, 28 янв – Sputnik. Тавре Қоҳир Расулзода дар Маҷлиси васеи Ҳукумат тавзеҳ дод, таваррум дар соли 2020 назар ба соли 2010 ба 1,4 фоиз зиёд гардид.

Сарвазири кишвар афзоиши беқурбшавии пули миллиро ба баландшавии нархи маҳсулот дар бозорҳо рабт додааст.

"Дар ин давра сатҳи таваррум 9,4 фоизро ташкил дод, ки нисбат ба соли 2019 (8 фоиз) 1,4 банди фоизӣ зиёд буда, асосан аз ҳисоби баландшавии нархи маҳсулоти озуқаворӣ 13 фоиз, молҳои ғайриозуқа 5,8 фоиз ва тарофаҳои хизматрасонии пулакӣ 4 фоиз ташаккул ёфтааст", - менависад аз қавли сарвазир дафтари матбуоти президент.

Расулзода афзуд, бо вуҷуди вазъи мураккаби иқтисодиёти ҷаҳон ва минтақа ва дигар монеаҳои мавҷудаи марбут ба пандемияи КОВИД-19,ҳаҷми маҷмӯи маҳсулоти дохилӣ ба 82,5 млрд. сомонӣ баробар гардида, суръати афзоиши он дар сатҳи 4,5 фоиз таъмин гардид.

Ба таъмини рушди иқтисодиёти миллӣ афзоиши ҳаҷми истеҳсоли маҳсулоти саноатӣ ба андозаи 9,7 фоиз, кишоварзӣ 8,8 фоиз ва гардиши савдои хориҷӣ 0,8 фоиз, аз ҷумла содирот 19,8 фоиз мусоидат намуд.

Дар Тоҷикистон таварруми солона ба сатҳи рекордӣ расид

Бо вуҷуди ин, дар давраи ҳисоботӣ дар натиҷаи таъсири манфии омилҳои берунӣ ҳаҷми хизматрасонии пулакӣ ба аҳолӣ нисбат ба соли 2019 - 9,9 фоиз, гардиши савдои дохилӣ 6,8 фоиз, маблағгузорӣ ба сармояи асосӣ 4,6 фоиз ва мусофиркашонӣ 2,5 фоиз  коҳиш ёфт.

133