Серги у девочки, архивное фото

Таҷовузи духтараки 12-сола дар Ҳисор: фаъолон ба ҳимояташ бархостанд

1568
Пас аз он, ки таҷовузгар ба озодӣ баромад, фаъолони ҷомеаи Тоҷикистон барои ҳимояи духтараки ҷабрдида аксия роҳандозӣ карданд

ДУШАНБЕ, 26 дек — Sputnik. Ба масъалаи таҷовузи кӯдакон дар Тоҷикистон рӯзноманигор Виктория Петрова ва Елена Наҷмиддионва, ташкилкунандаи гурӯҳи TellMeSister, ки ба мубориза бо таъқиб ва зӯроварӣ нигаронида шудааст, аҳамият зоҳир кардаанд.

Занони фаъол аз ҳидисаи пурсарусадое, ки дар Ҳисор шуд, изҳори нигаронӣ кардаанд. Ин ҷо духтараки 12-солаеро хешованди 42-солааш таҷовуз кардааст. Кӯдак аз тарс ба наздиконаш чизе нагуфтаву онҳо танҳо дар бораи ин ҳодиса пеш аз чанд рӯзи таваллуд хабардор шудаанд. Ин ҳодиса танҳо пас аз оне, ки ҳимояи ҷониби ҷабрдида диққати расонаҳоро ҷалб кард, дар додгоҳ баррасӣ гардид. Аммо педофилро аз толори додгоҳ авф кардаву озод  намуданд.

Посмотреть эту публикацию в Instagram

Публикация от ꧁☬Saodat☬꧂ (@s_khamidovna)

Дар натиҷа аз оилаи ҷабрдида,ҳатто наздиконашон рӯй тофтаву педофил дар озодӣ аст ва зиндагиашро идома медиҳад.

Корбарони фаъоли шабакаҳои иҷтимоӣ аз ин ҳодиса ба нафрат омада, бо ҳештеги #АдолатБароиШабнам #СправедливостьДляШабнам #JusticeForShabnam. аксия ҷорӣ карданд.

Дар шабакаҳои иҷтимоӣ ба духтарак Шабнам ном додаанд, то шахсияти духтарак ошкор нашавад ва ҳаёти бе ин ҳам мушкили вай, мушкилтар нагардад.

Прокуратураи генералӣ тафсилоти таҷовузи фарзандхондҳо аз ҷониби падарашонро нашр кард

 "Ҳатто намедонам ба кӣ "ташаккур" гӯям - қонун, судяҳо ва ё низом? Таашккур, ки ба таҷовузгарон ва педофилҳо роҳ кушодед. Сипос, ки акнун духтари мо худро амн ҳис карда наметавонанд. Сипос, ба волидон нишон додед, ки ба ғайр худи онҳо фарзандонашонро касе ҳимоя намекунад", - сахт гуфтааст дар шабакаҳои иҷтимоӣ Елена Наҷмиддинова.

Посмотреть эту публикацию в Instagram

Публикация от @blustock_

"Ба ин ҳодиса беаҳамиятӣ зоҳир кардан, мумкин нест. Кам аст, ки расонаҳо мегӯяд, мо ҳам бояд фориғбол набошем", - иқрор мешавад Виктоия Петрова.

Посмотреть эту публикацию в Instagram

Публикация от @abdullaeva_mastura_

"Чаро ҳама хомӯшанд? Магар ин хел мешавад?! Ба ҷои Шабнам метавонист дигар кӯдак бошад", - менависанд корбарон.

Посмотреть эту публикацию в Instagram

Публикация от Bakhrom (@bakhrom_kodir_)

Адвокати хонаводаи духтарак ба зинаҳои боло шикояти аппелиатсионӣ бурдааст. Ба духтарак ташкилотҳои ҷамъиятӣ кӯмак мерасонанд. Танҳо ҷои умед мондааст, ки дар пайи доду войи фаъолону шабакаҳои иҷтимоӣ ва расонаҳо ин кор дубора ба дасти додситонҳо мерасад ва ҷинояткор ҷазо мегирад.

1568

Омори муҳоҷират дар Тоҷикистон: чанд нафар омаду чӣ қадар кишварро тарк кард

414
(Таҷдидшуда 15:02 17.01.2021)
Дар умум дар робита бо ҳамагирии коронавирус ва баста будани марзи аксари кишварҳо, сатҳи муҳоҷират дар Тоҷкистон коҳиш ёфт

ДУШАНБЕ, 17 янв — Sputnik. Дар давоми соли 2020 - 740,2 ҳазор шаҳрванд Тоҷикистонро тарк кард, хабар медиҳад Агентии омори назди президенти Тоҷикистон.

Ин рақам дар муқоиса бо нишондоди соли гузашта, 1 миллиону 517 ҳазор ё 67,2% камтар аст.

Ҷуғрофияи сафари шаҳрвандони Тоҷикистон аз ҷониби агентӣ дақиқ гуфта нашудааст.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Бештари шаҳрвандони хориҷӣ ба ҷумҳурӣ аз кишварҳои зерин омадаанд: Ӯзбекистон - 271,5 ҳазор (66,2% аз шумораи умумии воридшудагон), Русия - 54,9 ҳазор (13,4%), Қирғизистон - 45,9 ҳазор ( 11,2%), Қазоқистон - 9,3 ҳазор (2,3%).

Бекорӣ аз байн меравад? Амонзода дар саросари ҶТ ярмаркаи ҷойи кори холӣ ташкил мекунад

Аз кишварҳои хориҷии дур ба Тоҷикистон бештар аз Афғонистон - 6 ҳазор нафар (1,5%), Чин - 3,1 ҳазор нафар (0,8%), Туркия - 2,7 ҳазор нафар (0,7%), 1,9 ҳазор нафар (0,5%), Эрон - 1,3 ҳазор нафар (0,3%), ИМА - 1,2 ҳазор нафар (0,3%), Олмон - 0,5 ҳазор нафар (0 , 1%), Покистон - 0,4 ҳазор нафар (0,1%) сабт шудааст.

414
Барчаспҳо:
Тоҷикистон, муҳоҷират, омор

Тоҷикистонро шаб заминҷунбии сахт такон дод

1655
(Таҷдидшуда 03:21 17.01.2021)
Макони заминҷунбӣ на Тоҷикистон, балки наздикии ноҳияи Ҷурми вилояти Бадахшони Афғонистон буд, ки дар он ҷо шиддати ларзиши замин ба 5,5 дараҷа мерасид

ДУШАНБЕ, 17 янв — Sputnik. Тоҷикистонро заминҷунбии шадид такон дод. Заминларза соати 1- и шаби рӯзи 17 январ рух дода буд.

Баъзе аз сокинон дар шабакаҳои иҷтимоӣ навиштанд, шиддати заминларза дар Душанбеву Хуҷанд низ сахт буд.

Бар хабари марказҳои зилзиланигории ҷаҳон, заминҷунбӣ дар наздикии ноҳияи Ҷурми вилояти Бадахшони Афғонистон рух дода, шиддаташ дар онҷо ба 5.5 дараҷаи Рихтер баробар аст.

Заминҷунбӣ дар марзи Тоҷикистону Афғонистон

Тибқи баъзе маълумот дар Афғонистон, зилзила як қатор музофотҳои ин кишварро такон додааст. Манобеи Афғонистон дар як гузориши хабарӣ гуфтаанд, ки зилзилаи шадид Кобул ва баъзе вилоятҳои дигарро такон дод.

Гуфта мешавад, ки сокинони вилоятҳои Балх, Панҷшер, Кундуз, Самангон ва Нангарҳор низ заминларзаро эҳсос кардаанд.

Ҳоло дар мавриди талафоти ҷонӣ ва ё хисороти молӣ маълумоте рӯи даст нест.

1655
Барчаспҳо:
Афғонистон, заминҷунбӣ, Тоҷикистон
Мавзуҳо:
Заминларза дар Тоҷикистон
Медицинские работники в отделении реанимации и интенсивной терапии в госпитале для больных COVID-19

Ҳафта бе COVID-19: Вазорат мегӯяд, дар ҷумҳурӣ ягон кас гирифтор нест

0
(Таҷдидшуда 19:18 17.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 17 янв — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ як ҳафтаи охир ягон ҳолати гирифторӣ ба бемории коронавирус сабт нашудааст. Расман бори охир дар Тоҷикистон рӯзи 10 январ ҳолатҳои гирифторӣ ба коронавирус сабт шуда буд, ки се ададро ташкил дод.

Дар маҷмуъ Вазорати тандурустии Тоҷикистон мегӯяд, аз охири апрели соли гузашта то ҳол дар ҷумҳурӣ 13 ҳазору 308 нафар гирифтори коронавирус шудааст.

Манбаъ таъкид кард, ки то ҳол 13 ҳазору 218 нафар шифо ёфта, аз беморхонаҳо мураххас шудаанд.  Инчунин 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, айни ҳол дар ҷумҳурӣ ягон кас гирифтори COVID-19 нест.

Бо вуҷуд мақомоти тандурустии Тоҷикистон аз шаҳрвандон даъват доранд, ки дар ғафлат намонанд, қоидаҳои беҳдоштиро риоя намоянд.

0
Барчаспҳо:
вируси нав, беморӣ, Тоҷикистон