Председатель области Раджаббой Ахмадзода

Аҳмадзода: умедворам омӯзгорони рус барои рушди муносибатҳо бо Русия кумак мерасонанд

332
(Таҷдидшуда 16:11 28.12.2020)
Раиси вилояти Суғд Раҷаббой Аҳмадзода бо омӯзгорон аз Русия, ки дар муассисаҳои таълимии вилояти Суғд ба таълиму тадриси толибилмон машғуланд, мулоқот намуд

ДУШАНБЕ, 28 дек — Sputnik. Бино ба иттилои дафтари матбуоти мақомоти вилояти Суғд, Раҷаббой Аҳмадзода, раиси вилоят  зимни мулоқот таъкид доштааст, ки дар Тоҷикистон ба забони русӣ чун забони муоширати байни миллатҳо таваҷҷуҳи зарурӣ дода мешавад.

Ба иттилои манбаъ, дар Тоҷикистон дар сатҳи қонунгузорӣ  “Барномаи давлатии такмили таълим ва омӯзиши забони русӣ ва англисӣ дар Тоҷикистон барои солҳои 2015– 2020” тасдиқ гардида, дар меъёрҳои давлатии таҳсилоти ибтидоӣ, миёна ва олии касбӣ ба забони русӣ мақоми фанни ҳатмӣ дода шудааст ва онро дар тамоми мактабҳои таҳсилоти умумӣ, шуруъ аз синфи дуюм меомӯзанд.

Таъкид гардид, ки дар асоси Созишномае, ки байни Ҳукумати Тоҷикистон ва Ҳукумати Русия оид ба сохтмон ва муҷаҳҳазгардонии моддию техникии муассисаҳои таҳсилоти миёнаи умумӣ имзо шудааст, дар шаҳрҳои Душанбе, Кӯлоб, Хуҷанд, Бохтар ва Турсунзода мактабҳои нав, ки таҳсилашон ба забони русӣ аст, бунёд мегардад.

Раҷаббой Аҳмадзода ҳамзамон оид ба вазъи иҷтимоиву иқтисодии вилоят ба омӯзгорони рус маълумот дода,  қайд намуд, ки вилояти Суғд дар доираи созишномаҳои дуҷониба бо минтақаҳои гуногуни Русия, аз ҷумла Нижегород, Оренбург, Саратов, Астрахан, Иваново, Свердловск, Алтай, Доғистон ҳамкориҳои самаранок дорад.

“Ҷонибҳо аз имкониятҳои мавҷуда дар соҳаҳои саноату кишоварзӣ ва илму маориф барои таҳқими ҳамкориҳо аз тамоми имониятҳо истифода менамоянд”, - таъкид доштааст Аҳмадзода.

Раиси вилояти Суғд изҳори боварӣ намудааст, ки омӯзгорони рус дар баробари таълими фанҳо бо забони русӣ барои таҳкими муносибатҳои дӯстонаи мардуми тоҷику рус низ хизмат менамоянд.

Тибқи иттилои манбаъ, дар доираи муносибатҳои дуҷонибаи Тоҷикистон ва Русия дар соҳаи маориф ва илм 14 нафар омӯзгорони рус дар муассисаҳои таълимии шаҳру навоҳии вилоят ҳузур доранд

Омӯзгорони рус ба хонандагони вилоят фанҳои забон ва адабиёти рус, биология, кимё, математика, алгебра, геометрия, технологияи иттилоотӣ, география дарс медиҳанд.

332
Барчаспҳо:
мактаб, мулоқот, Русия, омӯзгорони рус, Суғд, Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

52
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

52
Барчаспҳо:
баргузор, саноат, Душанбе, намоишгоҳ, Афғонистон
Карабиненко Александр

Коршинос сабаби нест шудани коронавирус дар Тоҷикистонро шарҳ дод

258
(Таҷдидшуда 20:44 16.01.2021)
Табиби хизматнишондодаи Русия, Александр Карабиненко маълумоти Вазорати тандурустии Тоҷикистонро дар бораи якбора коҳиш ёфтани ҳолатҳои нави сироятёбӣ аз коронавирус шарҳ дод

ДУШАНБЕ, 16 янв — Sputnik. Дар Тоҷикистон аз аввалҳои моҳи январ якбора шумораи ҳолатҳои нави гирифторӣ ба коронавирус коҳиш ёфт. Дар давоми ду ҳафта дар ҷумҳурӣ ҳамагӣ 12 ҳолати нави сироятёбӣ ба қайд гирифта шуд.

Зичии аҳолӣ дар Тоҷикистон, фарз кунем  нисбат ба вилояти Маскав хело кам аст. Маҳз ҳамин далел шароит фароҳам меоварад, ки паҳншавии вирус бозистад, мегӯяд коршинос.

Ҳамчунин, Карабиненко дар сӯҳбат бо Sputnik Тоҷикистон гуфт, ки шароити экологӣ ва климати кишвар метавонист боиси камшавии омори коронавирус шавад.

"Феълан ин масъала пажӯҳиш нашудааст, бояд солҳо мушоҳида кард ва он вақт метавон ҷавоби дақиқ дод", - меафзояд ӯ.

Ба гуфтаи табиби рус, бадани одамони гуногун иммунитетро гуногун коркард мекунад. Бархе нафарон умуман ба ин беморӣ антитела ҳосил намекунанд.

"Дар ин ҳолат эмгузаронӣ боиси ҳосил шудани иммунитет дар бадан мешавад ва дар ин ҳолат аз коронавирус антитела ҳосил мегардад", - таъкид кард Карабиненко.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Ба гуфтаи вай, ваксинаи зидди грипп низ кӯмак мекунад, ки бемории коронавирус сабуктар гузарад ва барои ҳамин бояд ҳама эм карда шаванд.

"Инфексияи коронавирус то абад дар бадани инсон мемонад. Аз вирус ҷои гурез нест ва ба он иммунитети коллективӣ пайдо мешавад", - тавзеҳ дод вай дар анҷом.

258