Подпись документов

Эмомалӣ Раҳмон рамзи 20 солагии таъсиси СҲШ - ро тасдиқ кард - акс

393
(Таҷдидшуда 13:41 29.12.2020)
Дар нақша аст, ки роҳбарони кишварҳои узви ин созмон соли оянда 20-солагии СҲШ-ро дар шаҳри Душанбе таҷлил намоянд

ДУШАНБЕ, 29 дек — Sputnik. Президенти Тоҷикистон Эмомалӣ Раҳмон рамзи 20 – солагии таъсиси Созмони ҳамкории Шонҳойро тасдиқ намуд, хабар медиҳад, котиботи раичиҷмуҳқр.

Бино ба гузориши мнбаъ, рамзи мазкур дар намуди адади "20" дар шакли мудаввар кашида шуда, дар қисми болоии он парчамҳои давлатҳои аъзои Созмони ҳамкории Шонҳой тасвир ёфтааст.

Рамзи 20 – солагии таъсиси СҲШ
Рамзи 20 – солагии таъсиси СҲШ

Дар қисми поёнӣ – атлас, ҳамчун нишонаи фарҳанги мардуми тоҷикон ва дар мобайни он навиштаҷоти Душанбе 2021 ҳамчун макони баргузории чорабинӣ тасвир ёфтаанд.

Дар ҳалқаи дуюм навиштаҷоти Созмони ҳамкории Шанхай ба забонҳои русӣ ва чинӣ ҷой дода шудааст. Дар маркази давра сайёраи Замин тасвир ёфтааст.

Қарори Ҳукумат: сабукӣ барои бунёди 10 қабулгоҳи президентҳо дар Душанбе

Ианбаъ афзуда, ки вазорату идораҳо, ташкилоту муассисаҳо, мақомоти иҷроияи ҳокимияти давлатии вилоятҳо ва шаҳру ноҳияҳо, воситаҳои ахбори омма метавонанд ба сифати намуна аз рамзи 20 – солагии таъсиси Созмони ҳамкории Шонҳой, ки дар сомонаи Президент ҷойгир шудааст, васеъ истифода баранд.

Ёдрас мешавем, ки пештар Эмомалӣ Раҳмон, раисиҷумҳури Тоҷикистон, бо имзои қарори Ҳукумат молу маҳсулотеро, ки барои бунёди 10 бӯстонсаро ворид мешаванд, аз пардохти боҷу андоз озод кард.

Дар қарор омадааст, ки 10 бӯстонсаро барои қабули меҳмонҳои баландпоя, сарони кишварҳои узви Созмони ҳамкории Шонҳой дар хиёбони Рӯдакии пойтахт, дар канори бӯстонсарои ҳукумати Тоҷикистон бунёд мегарданд.

Тасмими бунёди қабулгоҳҳои махсуси меҳмонҳои баландпояи СҲШ дар Душанбе дар ҳолест, ки ахиран раёсат дар Созмони ҳамкории Шонҳой аз Русия ба Тоҷикистон гузашт. Дар нақша аст, ки роҳбарони кишварҳои узви ин созмон соли оянда 20-солагии СҲШ-ро дар шаҳри Душанбе таҷлил намоянд.

393
Барчаспҳо:
СҲШ, тасдиқ, Эмомалӣ Раҳмон, Тоҷикистон
Дети в школе

Дастури Эмомалӣ Раҳмон дар бораи таъмини пурраи либоси мактабӣ - "худӣ шавад"

54
(Таҷдидшуда 15:28 28.01.2021)
Раисҷумҳури Тоҷикистон Эмомалӣ Раҳмон дастур дод, ки сару либоси мактабӣ дар Тоҷикистон пурра аз ҳисоби истеҳсоли ватанӣ таъмин шавад

ДУШАНБЕ, 28 янв – Sputnik. Ин дастури раисҷумҳур дар бораи таъмини либоси мактабӣ зимни ҷаласаи васеи Ҳукумат зикр гардидааст.

"Масъулин ва роҳбарияти вилояту шаҳру ноҳияҳо ҷиҳати таъмини пурраи либоси мактабии истеҳсоли худӣ муваззаф гардиданд", - менависад дафтари матбуоти президент.

Гуфта мешавад, президент дастур дод, ки бо мақсади ҳар чӣ бештар фаъолтар намудани корхонаҳои истеҳсолӣ, ҷалби сармояи дохилию хориҷӣ, истифодаи самарабахши имконияту иқтидорҳои мавҷуда, коркарди ашёи хоми ватанӣ то маҳсулоти ниҳоӣ тадбирҳои қатъи андешида шавад.

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

Гуфта мешавад, вазири саноат ва технологияҳои нави ҷумҳурӣ Шералӣ Кабир аз дастовардҳои саноатчиёни мамлакат дар соли 2020 ва суръати афзоиши маҳсулоти ватанӣ, таъсиси корхона ва ҷойҳои нави корӣ, ҷалби технологияи муосир ва истеҳсоли маҳсулоти хушсифати ивазкунандаи воридот, ҳамзамон таъмини фаровонии бозори дохилӣ гузориш дод.

Ёдрас мешавем, ҷаласаи васеи Ҳукумати Тоҷикистон бо роҳбарии раиси Ҳукумат, президент Эмомалӣ Раҳмон 27 январ пас аз як рӯзи ироаи паёми кишвардор ба парлумон доир гардид. 

Масъулини кишвар дар ин ҷаласа ҳисобот доданд ва аз раисҷумҳур дастурҳо гирифтанд.

54
Барчаспҳо:
сарулибоси мактабӣ, либоси мактабӣ, дастур, Эмомалӣ Раҳмон, Тоҷикистон
Душанбе плаза

Таҷаммӯъи муштариёни “Тоҷпромбонк” дар назди бинои БМТ ва парлумон буд ё набуд?

137
(Таҷдидшуда 14:38 28.01.2021)
Расонаҳо хабар доданд, ки теъдоде аз муштариёни бонки варшикаст ва лағви муҷаввизшудаи “Тоҷпромбонк” бо таҷаммӯъ назди бинои Бонки миллӣ ва порлумони кишвар хостори бозгардондани пулҳои хеш шудаанд

ДУШАНБЕ, 28 янв – Sputnik.  Расонаҳо хабар доданд, ки муштариёни "Тоҷпромбонк" зимни таҷаммӯъ қайд карданд, ки якчанд ҳафта аст натавонистаанд бо раиси Бонки миллии Тоҷикистон дидор кунанд.

Гуфта шудааст, ки муштариён аз соли 2016 наметавонанд маблағҳои ба амонат гузоштаи худро аз "Тоҷпромбонк" пас бигиранду акнун даст ба домани Бонки миллӣ ва порлумони Тоҷикистон шудаанд.

Таҷаммуӯъгарон эълон карданд, ки панҷ ҳафта аст мехоҳанд бо Ҳоким Холиқзода раиси ҷадиди Бонки миллии Тоҷикистон дидор ва мушкили худро матраҳ кунанд, аммо муваффақ ба ин дидор нашуда ва ба сӯи порлумон рафтаанд.

Аммо манбаъ аз Бонки миллӣ хабар дод, ки касе дар назди бинои Бонки миллӣ таҷаммӯъе баргузор накардааст ва аз қазияи мазкур изҳори бехабарӣ карданд.

Дар ҳамин ҳол, сухангӯи парлумони Тоҷикистон Муҳамадато Султонов ба Sputnik Тоҷикистон гуфт, ки касе дар назди бинои парлумони кишвар таҷаммӯъ накардааст.

“Шояд таҷамӯъ ҷои дигаре баргузор шуда бошад, аммо ба назди парлумон барои таҷаммӯъ касе наомадааст”, - гуфт сухангӯи расмии парлумони кишвар.

Ёдрас мешавем, ки раиси "Тоҷпромбонк"  Ҷамшед Зиёев  моҳи декабри соли 2020 дар додгоҳи ноҳияи Синои шаҳри Душанбе ба иттиҳоми ихтилос, азхудкардани ғайриқонунии манобеи молӣ ва ихтисоси вомҳои калон ба наздиконаш ба 8 солу шаш моҳи зиндон маҳкуми шуд.

Мизони қарзи Тоҷпромбонк ба муштариён 59 миллион сомонӣ (муодили 5 миллиону 900 ҳазор доллар) аст, ки ҳар моҳ ба онон 400 сомонӣ пардохт мешавад.

Ҳукумати Тоҷикистон дар соли 2017 барои хуруҷи ин бонк аз бӯҳрони 450 миллион сомонӣ ба унвони вом дар ихтиёри ин ниҳод қарор дод, аммо авзоъ тағйир накард ва муҷаввизи фаъолияти он бекор шуд.

Парвандаи раиси "Тоҷпромбонк" ба додгоҳ меравад

Бо вуҷуди ваъдаи масъулони Банки миллии Тоҷикистон дар мавриди фурӯши амволи "Тоҷпромбонк" ва пардохти қарзи муштарёни ин барнома то ба ҳол иҷроӣ нашудааст.

137
Барчаспҳо:
парлумон, хостор, таҷаммуъ, Бонки миллӣ, Тоҷикистон
Чрезвычайный и Полномочный посол Имомуддин Сатторов на переговорах России и Таджикистана

Манъи вуруди муҳоҷирон бекор шавад: Сатторов бо Казакова мулоқот кард

0
Намояндагони Тоҷикистон ва Русия масъалаҳои марбут ба танзими муҳоҷирати меҳнатиро дар замони пандемия баррасӣ карданд

ДУШАНБЕ, 28 янв — Sputnik. Рӯзи гузашта дар Маскав мулоқоти Сафири Фавқуллода ва Мухтори Тоҷикистон дар Русия Имомуддин Сатторов ва сардори Сарраёсати масоили муҳоҷиратии Вазорати умури дохилаи Русия Валентина Казакова баргузор гардид, хабар медиҳад дафтари матбуоти сафорат.

Мавзӯи асосии гуфтушунидҳо - танзими муҳоҷирати муҳоҷирони меҳнатӣ дар Русия будааст.

Аз ҷумла Сатторов ва Казакова раванди бардоштани манъи вуруд ба Русия ба категоряҳои муайянро баррасӣ карданд.

 

Ҳамчунин тарафҳо дар бораи ташкили ҷалби мутахассисон аз Тоҷикистонро ба фаъолияти меҳнатӣ дар Русия баррасӣ карданд.

Теъдоди муҳоҷирони депортшуда дар давраи пандемия аз вилояти Маскав маълум гардид

Намояндагони Тоҷикистон ва Русия ба мувофиқа расиданд, ки ҳамоҳангсозии фаъолиятро дар соҳаҳои танзими равандҳои муҳоҷират ва ҳимояи ҳуқуқи шаҳрвандони Тоҷикистон дар Русия идома медиҳанд.

Казакова ва Сатторов ба мувофиқа расиданд, ки корҳо оид ба мувофиқа кардани лоиҳаҳои созишномаҳо дар соҳаи муҳоҷират байни Русия ва Тоҷикистонро идома медиҳанд.

 

0