Ёдгор Файзов, раиси Вилояти Мухтори Куҳистони Бадахшон

Аз пандемия то бебарқӣ ва муваффақиятҳои вилоят: табрикоти Соли навии Файзов

213
(Таҷдидшуда 12:38 30.12.2020)
Раиси Вилояти Мухтори Кӯҳистони Бадахшон аз миёни ҳамтоёни худ нахустин шуда, табрикоти Соли навии худро ироа кард

ДУШАНБЕ, 30 дек — Sputnik. Раиси ВМКБ Файзов Ёдгор дар паёме тамоми мардуми Тоҷикистонро бо фарорасии Соли нави мелодӣ табрик намуд. Ба изҳори ӯ, мардуми тоҷик новобаста ба мушкилотҳои соли ҷорӣ, Соли навро дар фазои сулҳу салоҳ ва тинҷиву оромӣ пешвоз мегиранд.

Ӯ таъкид намуд, ки соли 2020 дар таърихи башарият ба хотири сар задани бемории сироятии коронавирус ва фавти зиёди одамон аз ин беморӣ соли фоҷеабор омад.

"Ба замми ин пандемия ба иқтисоди ҷаҳон, аз ҷумла ба ҷумҳурӣ ва вилояти мо низ таъсири манфии худро гузошт ва барои расидан ба бисёр ҳадафҳои рушд барои мо монеаи ҷиддӣ ба бор овард", - афзудааст Файзов.

Раиси вилоят махсус қайд кард, ки аз сабаби зимистони бебарф ва баҳору тобистони нисбатан сард, дар ҷумҳурӣ камчинии об, барқ ва ҳамчунин талаф ёфтани ҳосилот шуд, ки оқибати нохушаш имрӯзҳо хуб ҳис мешавад.

Аммо новобаста ба мушкилоти соли ҷорӣ, Файзов мегӯяд, ин сол барои ВМКБ бобарор ҳам буд, зеро вилоят ба як қатор пирӯзиҳои назаррас ноил шуд.

Ба гуфтаи ӯ, сафари раисҷумҳури Тоҷикистон ба Бадахшон, дар як рӯз иҷро намудани нақшаи сафарбаркунии ҷавонон ба сафи қувваҳои мусаллаҳ, таҳкими таъмини волоияти қонун ва муаррифӣ намудани вилоят ҳамчун як минтакаи амн ва таърихии Тоҷикистон, таъмини корҳои зиёди созанда ва бунёдкорӣ, афзун намудани маблағи иншоотҳои сохташаванда, пардохти маош ва нафақа дар шароити буҳрони шадиди иқтисодӣ, ҳамкории густурда бо институтҳои молиявӣ ва шарикони рушд баҳри амали намудани як қатор барномаҳои инвеститсиониву иҷтимоӣ ва ғайрахо музаффариятҳои чашмраси соли 2020 мебошанд.

Ёдгор Файзов гуфт, ки чигуна Тоҷикистон тавонист коронавирусро пешгирӣ кунад

Раиси Бадахшон дар паёми табрикотии худ саҳм ва заҳмати пизишконро дар замони пандемия махсус таъкид карда, гуфт "хизмати бесобиқаи табибону ризокорон, дастгирии моддӣ аз тарафи роҳбари давлат ва ҳукумат, минҷумла Вазорати тандурустӣ, соҳибкорону шахрвандони оддӣ чӣ дар дохил ва чӣ берун аз ватан, донорҳо ва шарикони рушд, бахусус ташкилотҳои Волоҳазрат Оқохон дар мубориза бо пандемия ва зинда мондани шаҳрвандони мо, дар таърихи ин сол бо хати зарҳалин навишта хоҳад шуд".

Файзов Ёдгор ба тамоми мардуми Тоҷикистон зиндагии пурнишот, ризқи фаровон, саломативу иқболи нек таманно намуд.

213
Барчаспҳо:
Соли нав, табрикот, Бадахшон
Самолет на закате, архивное фото

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

83
Ҷаласаи ҳукумати Тоҷикистон оид ба натиҷаҳои рушди кишвар дар соли 2020, ки имрӯз тақрибан тамоми рӯз идома ёфт, президенти кишвар ба масоили хадамоти ҳавоӣ низ дахл кардааст

ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.

“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.

Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.

Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.

Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.

Раҳмон пирӯзии Тоҷикистон бар коронавирусро эълон кард

Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.

Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.

83
Барчаспҳо:
дастур, парвозҳо, Эмомалӣ Раҳмон

Ҷаласаи васеи ҳукумат: Рустами Эмомалӣ ба президент ҳисобот дод

52
(Таҷдидшуда 23:49 27.01.2021)
Рустами Эмомалӣ, шаҳрдори пойтахт дар ҷаласаи васеи Ҳукумат ба Эмомалӣ Раҳмон гузориш дода, раисиҷумҳур дар навбати худ фаъолияти ҳукумати Душанберо қаноатманд арзёбӣ кардааст

ДУШАНБЕ, 27 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси  васеи Ҳукумати мамлакат ҳисоботи раиси шаҳри Душанбе  Рустами Эмомалӣ аз натиҷаҳои фаъолияти шаҳрдорӣ дар соли 2020 шунида шуд.

Ба гузориши Рустами момалӣ, соли 2020 дар пойтахт 33 корхонаи нави истеҳсолӣ ва дар маҷмӯъ 32 ҳазор ҷойҳои нави корӣ таъсис ёфт, ҳамзамон барои эъмори 10 корхонаи нав санги асос гузошта шудааст.

Раиси шаҳри Душанбе таъкид кардааст, ки алҳол дар пойтахт бунёди 450 иншооти муосири иҷтимоию истеҳсолӣ идома дорад.

Тибқи иттилои манбаъ, бунёди 34 километр роҳи замонавӣ, 47 истгоҳи нав, банақшагирии боз 16 километр роҳи нав ва 21 истгоҳи дигар, харидории 50 адад автобуси истеҳсоли ватании ширкати “АКИА” ва 100 адад троллейбуси замонавӣ аз Беларус, навсозии 22 километр шабакаҳо ва 10 бунгоҳи гармидиҳӣ, таъмини 2560 манзили истиқоматӣ бо гармӣ, ҷалби 1 миллиарду 760 миллион сомонӣ сармояи хориҷӣ дар як сол ва ба 11 миллиард сомонӣ расонидани сармоягузорӣ дар чор соли охир аз нишондиҳандаҳои эътимодбахшу бобарори мақомоти иҷроияи ҳокимияти давлатӣ дар шаҳри Душанбе арзёбӣ шудааст.

Эмомалӣ Раҳмон, президенти кишвар пас аз шунидани ҳисоботи Рустами момалӣ бо сипосу қаноатмандӣ ба шаҳрдорӣ ва сокинони пойтахт аз дастовардҳои назаррас дар соли сипаришуда, изҳори эътимод намудааст.

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

Раисиҷумҳур ҳамзамон изҳори итминон кардааст, ки дар соли таҷлили 30-юмин солгарди Истиқлоли давлатӣ симои шаҳри Душанбе комилан дигар шуда, ҳамчун кошонаи умеду ифтихори тоҷикони дунё шукуфову дилработар мегардад.

 

 

52
Барчаспҳо:
ҳисобот, Душанбе, Маҷлиси ҳукумат, Эмомалӣ Раҳмон, Рустами Эмомалӣ