Ахмадзода приехал к бывшему примьер-министру РТ Окил Окилов

Аҳмадзода аз аҳволи Оқил Оқилов хабар гирифт

2411
(Таҷдидшуда 12:42 30.12.2020)
Раҷаббой Аҳамадзода дар сафар ба шаҳри Бӯстон аз аҳволи собиқ нахуствазири кишвар Оқил Оқилов ва собиқадори меҳнат, сокини шаҳри Бӯстон Алла Ғаниева хабар гирифт

ДУШАНБЕ, 30 дек — Sputnik. Бино бар иттилои дафтари матбуоти мақомоти вилояти Суғд, раиси вилоят Раҷаббой Аҳмадзода собиқадори меҳнат ва  ходими сиёсӣ Оқил Оқиловро аёдат намуд.

Раиси вилояти Суғд қайд кардааст, ки саҳми Оқил Оқилов дар пешрафти соҳаҳои гуногуни хоҷагии халқи ҷумҳурӣ назаррас буда, мавсуф солҳои зиёд дар вазифаҳои гуногуни роҳбарикунанда, аз ҷумла то замони ба нафақа баромаданаш дар вазифаи Сарвазири Тоҷикистон фаъолият бурдааст.

“Имрӯз соҳаҳои гуногуни хоҷагии халқи мамлакат рушд ёфта, кишвари моро дар арсаи ҷаҳон чун мамлакати рӯ ба рушд мешиносанд. Барои таъмини рушди соҳаҳои гуногун хизматҳои шахсиятҳое чун Оқил Оқилов назаррас буда, давлату Ҳукумат меҳнатҳои собиқадоронро ҳамеша қадр мекунад”,- таъкид доштааст Аҳмадзода.

Ҳамзамон қайд зикр шудааст, ки дар охир Оқил Оқилов изҳори сипосмандии худро ба Эмомалӣ Раҳмон ва Мақомоти вилояти Суғд баён намудааст.

Инчунин Раҷаббой Аҳмадзода аз ҳоли собиқадори меҳнат, сокини шаҳри Бӯстон Алла Ғаниева хабар гирифта, ба ӯ кӯмакҳои моддӣ расонид.

2411
Барчаспҳо:
собиқ, нахуствазир, Раҷаббой Аҳммадзода, раис, вилояти Суғд, Тоҷикистон
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

50
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

50
Барчаспҳо:
баргузор, саноат, Душанбе, намоишгоҳ, Афғонистон
Карабиненко Александр

Коршинос сабаби нест шудани коронавирус дар Тоҷикистонро шарҳ дод

252
(Таҷдидшуда 20:44 16.01.2021)
Табиби хизматнишондодаи Русия, Александр Карабиненко маълумоти Вазорати тандурустии Тоҷикистонро дар бораи якбора коҳиш ёфтани ҳолатҳои нави сироятёбӣ аз коронавирус шарҳ дод

ДУШАНБЕ, 16 янв — Sputnik. Дар Тоҷикистон аз аввалҳои моҳи январ якбора шумораи ҳолатҳои нави гирифторӣ ба коронавирус коҳиш ёфт. Дар давоми ду ҳафта дар ҷумҳурӣ ҳамагӣ 12 ҳолати нави сироятёбӣ ба қайд гирифта шуд.

Зичии аҳолӣ дар Тоҷикистон, фарз кунем  нисбат ба вилояти Маскав хело кам аст. Маҳз ҳамин далел шароит фароҳам меоварад, ки паҳншавии вирус бозистад, мегӯяд коршинос.

Ҳамчунин, Карабиненко дар сӯҳбат бо Sputnik Тоҷикистон гуфт, ки шароити экологӣ ва климати кишвар метавонист боиси камшавии омори коронавирус шавад.

"Феълан ин масъала пажӯҳиш нашудааст, бояд солҳо мушоҳида кард ва он вақт метавон ҷавоби дақиқ дод", - меафзояд ӯ.

Ба гуфтаи табиби рус, бадани одамони гуногун иммунитетро гуногун коркард мекунад. Бархе нафарон умуман ба ин беморӣ антитела ҳосил намекунанд.

"Дар ин ҳолат эмгузаронӣ боиси ҳосил шудани иммунитет дар бадан мешавад ва дар ин ҳолат аз коронавирус антитела ҳосил мегардад", - таъкид кард Карабиненко.

Вазири тоҷик: табибони кишвар аз имтиҳони бузург дар самти пешгирӣ аз COVID-19 гузаштанд

Ба гуфтаи вай, ваксинаи зидди грипп низ кӯмак мекунад, ки бемории коронавирус сабуктар гузарад ва барои ҳамин бояд ҳама эм карда шаванд.

"Инфексияи коронавирус то абад дар бадани инсон мемонад. Аз вирус ҷои гурез нест ва ба он иммунитети коллективӣ пайдо мешавад", - тавзеҳ дод вай дар анҷом.

252