Рука в гипсе

Муроҷиати 64 нафар дар Хуҷанд: баъзеҳо рӯи ях лағжида, дасту пояшон шикаст

249
(Таҷдидшуда 16:58 30.12.2020)
Дар пайи боридани барф ва яхбандии роҳҳои шаҳри Хуҷанд, муроҷиати сокинон ба нуқтаи осебшиносӣ бештар шудааст. Рӯзи 28 декабр ҳудуди 64 нафар ба нуқтаи осебшиносии Маркази саломатии № 1 шаҳр муроҷиат кардаанд, ки баъзеҳо дар рӯи ях лағжида аз дасту пой осеб бардоштанд

ДУШАНБЕ, 30 дек – Sputnik. Ҷамшедҷон Абдуллоев, мудири нуқтаи осебшиносии Маркази саломатии № 1 Хуҷанд дар суҳбат ба Sputnik Тоҷикистон гуфт, муроҷиати шуморе аз сокинон ба яхбандии роҳҳо алоқаманд аст. Ӯ таъкид кард, ки ташхиси рентгенӣ собит намудааст, ки беш аз 21 нафар бо шикасти даст ва ё пой ба онҳо муроҷиат кардаанд.

 “Боридани барф дар шаби 27 ба 28 декабр аз ҳодисаи камназири табиат дар чанд соли охир дар Хуҷанд ба ҳисоб меравад. Боридани барф аз як тараф хурсандиовар аст, чунки сафедӣ падидаи хуб аст. Аммо барои баъзеҳо, ки пиёдагардӣ карданд, мушкилӣ овардааст. Дар ин сана дар умум 64 нафар бо сабаби бардоштани осеби гуногун муроҷиат намуданд”, - зикр кард Абдуллоев.

Бино ба гуфти табибон сину соли муроҷиаткунандаҳо мухталиф буда, дар миёни онҳо аз 10 сола то нафақахурон шомил будаанд.

Ба ҳангоми суҳбат бо табибон, шуморе аз муроҷиаткунандаҳо изҳор намудаанд, ки дар пайи лағжиш дар рӯи ях аз ноҳияи дасту пой захм бардоштаанд.

Дар ин миён яке аз муроҷиаткунандаҳо нафақахури 65 - сола будааст, ки дар вақти пиёдагардӣ бехатарии худро фикр накарда, рӯи ях афтида осеб дидааст.

Ҷамшед Абдуллоев, гуфт тахшиси рентгении беш аз 20 нафар собит намудааст, ки ба мутаасифона ба мушкили шикастани устухони дасту пой дучор шудаанд.

“Ба ҳамаи муроҷиаткунандаҳо сари вақт ёрии тиббӣ расонида шуда, ба онҳое, ки осебашон нисбатан вазнинтар малҳам бо истифода аз гаҷ (гипс) баста шуд”, - таъкид намуд Абдуллоев

 Рӯзи 28 - уми декабр бинобар боридани барф ва сард шудани ҳарорат роҳҳои вилояти Суғд аз ҷумла шаҳри Хуҷанд ях баста мушкили роҳгардии сокинонро ба вуҷуд овард.

Дар пайи пайи яхбандии роҳҳо ҳаракати нақлиёт низ душвор гардида мавридҳои берун шудани мошинҳо аз масири ҳаракат мушоҳида гардид.

Ба иттилоъи масъулини БДА Суғд, рӯзи 28 декабр 3 садамаи нақлиётӣ дар роҳҳои ҳудуди Хуҷанд ба қайд гирифта шудааст, ки хушбахтона мусофирон осеби ҷиддӣ набардоштаанд.

249
Барчаспҳо:
Хуҷанд, марказ, осеб, барф, зимистон, Тоҷикистон
Посол Республики Таджикистан в РФ Имомуддин Сатторов

Сатторов: дар Тоҷикистон ҳама интизори бозкушоии марзҳо бо Русия ҳастанд

2
(Таҷдидшуда 17:12 28.01.2021)
Сафири Тоҷикистон дар Русия Имомуддин Сатторов сабаби дидору гуфтугӯ бо сардори Сарраёсати Вазорати корҳои дохилии Русия оид ба масъалаҳои муҳоҷират Валентина Казаковаро шарҳ дод

ДУШАНБЕ, 28 янв – Sputnik. Ахиран дар шаҳри Маскав  мулоқоти сафири Тоҷикистон дар Русия Имомуддин Сатторов бо сардори Сарраёсати Вазорати корҳои дохилии Русия оид ба масъалаҳои муҳоҷират Валентина Казакова баргузор шуд.

Дар ин дидор дурнамои рушди ҳамкориҳои дуҷонибаи Тоҷикистон ва Русия вобаста ба масоили танзими ҳуқуқии иқомати шаҳрвандони Тоҷикистон, хусусан муҳоҷирони меҳнатӣ, дар ҳудуди Русия мавриди муҳокима қарор гирифт.

Сафири Тоҷикистон дар Русия ба Sputnik Тоҷикистон ҷанбаҳои муҳими музокиротро шарҳ дод.

"Тартиби воридшавии муҳоҷирони меҳнатӣ, инчунин суръат бахшидани имзои созишнома дар бахши муҳоҷират, ки ҳоло дар сатҳи баррасии тарафҳо қарор дорад, баррасӣ шуд", - гуфт сафир.

Инчунин сафир қайд кард, ки бо намояндаи ВКД Русия масъалаҳои марбут ба лағви қарорҳо барои манъи воридшавии гуруҳи муайяни шаҳрвандони Тоҷикистон ба Русияро ба таври муфассал баррасӣ намуданд.

Ҳамзамон зимни мулоқот тарафҳо доир ба механизми ҷалби муташаккилонаи мутахассисон аз ҳисоби шаҳрвандони Тоҷикистон ба Русия табодули афкор сурат гирифт.

"Имконияти таҳияи механизми ҷалби муҳоҷирони меҳнатӣ барои кор дар соҳаи сохтмонро баррасӣ кардем", - қайд кард Сатторов.

Дипломат ёдовар шуд, ки тибқи қарори мақомоти Русия, муҳоҷирони меҳнатӣ бо дархости ширкатҳои сохтмонӣ ба кор дар сохтмонҳо ҷалб карда мешаванд.

Ҷонибҳо инчунин масъалаи қонунигардонии аъзои оилаи муҳоҷирони меҳнатиро низ баррасӣ карданд.

Сатторов зикр кард, ки то ҳол оилаҳое ҳастанд, ки фарзандонашон дар ҳолати ғайриқонунӣ қарор доранд, онҳо наметавонанд ба мактаб ва боғчаҳо раванд ва ин як мушкили ҷиддии иҷтимоӣ аст.

"Агар дар бораи ҳамгироии шаҳрвандони Тоҷикистон, ки дар Русия зиндагӣ мекунад, бигӯем, ташрифи кӯдакон ба мактабҳову кӯдакистонҳо имкон медиҳад дар ин сину сол зуд забони русиро аз худ кунанд ва ба ҷомеъа ҳамгиро карда шаванд", - гуфт Сатторов.

Ба ақидаи сафир, агар яке аз волидон дар Русия кор кунаду пули патент супорад, пас фарзандаш ҳатман бояд имкон дошта бошад дар мактаб таҳсил кунаду забон биомӯзад.

Сафир дар робита ба масъалаи барқароршавии парвозҳои мустақим миёни Русия ва Тоҷикистон таъкид кард, ки  вазъи эпидемиологӣ дар Тоҷикистон ба таври назаррас беҳтар гардидааст.

"Дар тӯли ду ҳафта дар ҷумҳурӣ ҳолатҳои нави сироятёбӣ ба коронавирус сабт нашудааст, аз ин рӯ ҳоло хатари ворид кардани вирус ба қаламрави Русия хеле кам аст. Ҳама дар Тоҷикистон мунтазири бозкушоии марзҳо ҳастанд, мардум мехоҳанд ба кор биёянд", - илова кард Сатторов.

Сафири Тоҷикистон дар Русия ҳамзамон таъкид доштааст, ки зимни дидор бо Валентина Казакова аҳамияти ҳамоҳангсозии минбаъдаи фаъолият бо мақсади танзими равандҳои муҳоҷират ва ҳифзи ҳуқуқҳои шаҳрвандони Тоҷикистон таъкид карда шуд.

Гуфта шудааст, ки дар ин робита, омодагии тарафайн ҷиҳати мусоидат ба анҷоми раванди мувофиқасозии лоиҳаи созишномаҳо дар соҳаи муҳоҷират иброз гардид.

2
Барчаспҳо:
муҳоҷират, дидор, мулоқот, Имомуддин Сатторов, Сатторов, Тоҷикистон
Взятка медику, архивное фото

Transparency International сатҳи фасодзадагии Тоҷикистонро эълон кард

101
(Таҷдидшуда 17:04 28.01.2021)
Рутбаи Тоҷикистон аз нигоҳи вуҷуди ришвахорӣ дар охирин радабандии ҷаҳонӣ дар соли 2020 дар муқоиса бо соли 2019 бетағйир боқӣ монд

ДУШАНБЕ, 28 янв – Sputnik. Дар гузориши ҷадиди Созмони шафофияти байналмилалӣ (Transparency International) дар бораи радабандии кишварҳо аз нигоҳи фасоди молӣ ва ришвахорӣ дар соли 2020, Тоҷикистон аз миёни 180 кишвари ҷаҳон дар радифи 149 қарор гирифта, ки ҷойгоҳаш нисбат ба соли 2019 тағйир накардааст.

Аз миёни кишварҳои Осиёи Марказӣ Туркманистон фасодзадатарин ва Қазоқистон камфасодтарин кишвар муаррифӣ шудаанд.

Ӯзбекистон бо як пилла беҳбуди ҷойгоҳи хеш дар муқоиса бо соли 2019 дар радаи 146 ҷаҳонӣ қарор гирифтааст.

Эълони ҳукми зиндони Баҳром Иноятзода, собиқ раиси шаҳри Кӯлоб

Пешсафҳои ин радабандӣ – Зеландияи Нав, Дания - 88 холӣ, Финляндия – 85 хол, Швейтсария, Сингапур ва Шветсия - 85 хол мебошанд.

Дар феҳристи фасодзадатаринҳо Сомалӣ – 12 хол, Судони Ҷанубӣ – 12 ва Сурия бо 14 хол шомил шудаанд.

101
Барчаспҳо:
радабандӣ, ришва, сатҳи фасодзадагӣ, фасод, Тоҷикистон