Мудири шуъба: вазифаи нави Абдуллоҳи Раҳнамо
(Таҷдидшуда 17:56 30.12.2020)
Абдуллоҳи Раҳнамо, сиёсатшинос ва собиқ мушовири Маркази таҳқиқоти стратегии назди президенти Тоҷикистон дар Иттифоқи нависандагони ин кишвар вазифаи нав гирифтДУШАНБЕ, 30 дек — Sputnik. Бино ба иттилои дарёфтии Sputnik Тоҷикистон, Абдуллоҳи Раҳнамо мудири шуъбаи робитаҳои хориҷии адабии Иттиҳоди нависандагони Тоҷикистон таъин шудааст.
“Ӯ дар ин вазифа Ато Ҳамдамро, ки ба вазифаи дигар дар Иттифоқи нависандагон – мудири шуъбаи драматургия гузашт, иваз кард”, - гуфт манбаъ.
Абдуллоҳи Раҳнамо, номзади илмҳои сиёсӣ, 10-уми марти соли 1971 дар ноҳияи Ҳисор зода шуда, фориғуттаҳсили Техникуми полититехникии Душанбе ва факултаи филологияи Донишгоҳи миллии Тоҷикистон аст.
Аспиранти кафедраи сиёсатшиносии ДМТ буд ва дар сиёсатшиносиву диншиносӣ дар Ирон, ИМА, Миср ва Русия такмили ихтисос намуда, соли 2007 дар мавзӯи "Масъалаи ҳокимият дар равандҳои сиёсии Тоҷикистони муосир" рисолаи илмӣ ҳимоя намудааст.
Дар Дастгоҳи иҷроия ва Маркази тадқиқоти стратегии назди Президенти Тоҷикистон фаъолият намуда, чанд соли ахири мушовири ин марказ буд.
Муаллифи китобҳои "Ҳизби динӣ ва давлати дунявӣ", Уламои исломӣ дар Тоҷикистон", "Ислом ва амнияти миллӣ", "Мавқеъи ҳизбӣ ва мавқеъи миллӣ" ва даҳҳо мақолаи илмию таҳлилӣ мебошад. Дар муассисаву донишгоҳҳои бонуфузи ҷаҳонӣ, аз ҷумла Париж, Кобул, Ҳирот, Нанганҳор, Бостон, Сиэтл, Огая, Ню-Йорк, Вашингтон лексияҳо хондааст.
Дар риштаи шеър низ нерӯ озмуда, муаллифи ду маҷмӯаи шеърӣ низ мебошад. Абдуллоҳи Раҳнамо аз соли 2014 узви одӣ ва аз 23 декабри соли равон узви Раёсати Иттифоқи нависандагони Тоҷикистон мебошад. Ин раёсат аз 17 нафар иборат буда, Абдуҷаббор Раҳмонзода, ёвари Президент дар умури робита бо ҷомиа ва Маҳмадюсуф Имомзода, вазири маорифи Тоҷикистон аз ҷумлаи онҳо мебошанд.
Барчаспҳо:
Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав
ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.
“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.
Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.
Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.
Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.
Раҳмон пирӯзии Тоҷикистон бар коронавирусро эълон кард
Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.
Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.
Барчаспҳо:
Ҷаласаи васеи ҳукумат: Рустами Эмомалӣ ба президент ҳисобот дод
(Таҷдидшуда 23:49 27.01.2021)
Рустами Эмомалӣ, шаҳрдори пойтахт дар ҷаласаи васеи Ҳукумат ба Эмомалӣ Раҳмон гузориш дода, раисиҷумҳур дар навбати худ фаъолияти ҳукумати Душанберо қаноатманд арзёбӣ кардаастДУШАНБЕ, 27 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси васеи Ҳукумати мамлакат ҳисоботи раиси шаҳри Душанбе Рустами Эмомалӣ аз натиҷаҳои фаъолияти шаҳрдорӣ дар соли 2020 шунида шуд.
Ба гузориши Рустами момалӣ, соли 2020 дар пойтахт 33 корхонаи нави истеҳсолӣ ва дар маҷмӯъ 32 ҳазор ҷойҳои нави корӣ таъсис ёфт, ҳамзамон барои эъмори 10 корхонаи нав санги асос гузошта шудааст.
Раиси шаҳри Душанбе таъкид кардааст, ки алҳол дар пойтахт бунёди 450 иншооти муосири иҷтимоию истеҳсолӣ идома дорад.
Тибқи иттилои манбаъ, бунёди 34 километр роҳи замонавӣ, 47 истгоҳи нав, банақшагирии боз 16 километр роҳи нав ва 21 истгоҳи дигар, харидории 50 адад автобуси истеҳсоли ватании ширкати “АКИА” ва 100 адад троллейбуси замонавӣ аз Беларус, навсозии 22 километр шабакаҳо ва 10 бунгоҳи гармидиҳӣ, таъмини 2560 манзили истиқоматӣ бо гармӣ, ҷалби 1 миллиарду 760 миллион сомонӣ сармояи хориҷӣ дар як сол ва ба 11 миллиард сомонӣ расонидани сармоягузорӣ дар чор соли охир аз нишондиҳандаҳои эътимодбахшу бобарори мақомоти иҷроияи ҳокимияти давлатӣ дар шаҳри Душанбе арзёбӣ шудааст.
Эмомалӣ Раҳмон, президенти кишвар пас аз шунидани ҳисоботи Рустами момалӣ бо сипосу қаноатмандӣ ба шаҳрдорӣ ва сокинони пойтахт аз дастовардҳои назаррас дар соли сипаришуда, изҳори эътимод намудааст.
“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021
Раисиҷумҳур ҳамзамон изҳори итминон кардааст, ки дар соли таҷлили 30-юмин солгарди Истиқлоли давлатӣ симои шаҳри Душанбе комилан дигар шуда, ҳамчун кошонаи умеду ифтихори тоҷикони дунё шукуфову дилработар мегардад.
Барчаспҳо: