Туҳфаҳо, акс аз бойгонӣ

Раҳмонзода туҳфаҳои президентро дар Ҳисор тақсим кард

87
(Таҷдидшуда 21:25 30.12.2020)
Абдуҷаббор Раҳмонзода, ёвари раисиҷумҳури Тоҷикистон дар масъалаҳои иҷтимоӣ ва робита бо ҷомеа ба табрики бошандагони мактаб-интернати ҷумҳуриявии бачагонаи нобиноён ва сустбини шаҳри Ҳисор рафт

ДУШАНБЕ, 30 дек — Sputnik. Дар мактаб-интернати ҷумҳуриявии бачагонаи нобиноён ва сустбини шаҳри Ҳисор ба муносибати фарорасии Соли нави мелодӣ  ҷамъомади идона доир гардида, аз номи Эмомалӣ Раҳмон, раисиҷумҳури Тоҷикистон, ба тарбиятгирандагон туҳфаҳо тақдим гардиданд.

Абдуҷаббор Раҳмонзода, ба саъми тарбиягирандагони муассиса салому пайғом ва муҳаббату таманниёти Эмомалӣ Раҳмон, раисиҷумҳури Тоҷикистонро ба ифтихори Соли нави мелодӣ расонидаст.

Ба иттилои “Ховар”, ёвари раисиҷумҳур иброз доштаст, ки  “Эмомалӣ Раҳмон шуморо фарзанди маънавии худ шуморида,  ниҳоят дӯстатон медоранд, пайваста дар пайи ғамхориятон  ҳастанд ва раисони шаҳру навоҳии кишварро доимо таъкид мекунанд, ки аз  рузгоратон  бохабар бошанд”.

Ӯ изҳори боварӣ намудааст, ки бошандагони мактаб-интернат хубу аъло хонда фарзандони содиқи ҳамин миллату  давлат мегарданд. Дар охир ҷамъомади тантанавиро  шеъру таронаҳои бачаҳои имконияташон маҳдуди мактаб-интернат шукуҳ бахшидааст.

87
Барчаспҳо:
мактаб, Эмомалӣ Раҳмон, туҳфа, Тоҷикистон
 Премьер-министр Таджикистана Кохир Расулзода

Расулзода шарҳ дод, ки чаро пули миллӣ беқурб шуд

84
Сарвазири Тоҷикистон Қоҳир Расулзода тавзеҳ дод, ки чаро дар соли 2020 таваррум - беқуршавии пули миллӣ зиёд шуд

ДУШАНБЕ, 28 янв – Sputnik. Тавре Қоҳир Расулзода дар Маҷлиси васеи Ҳукумат тавзеҳ дод, таваррум дар соли 2020 назар ба соли 2010 ба 1,4 фоиз зиёд гардид.

Сарвазири кишвар афзоиши беқурбшавии пули миллиро ба баландшавии нархи маҳсулот дар бозорҳо рабт додааст.

"Дар ин давра сатҳи таваррум 9,4 фоизро ташкил дод, ки нисбат ба соли 2019 (8 фоиз) 1,4 банди фоизӣ зиёд буда, асосан аз ҳисоби баландшавии нархи маҳсулоти озуқаворӣ 13 фоиз, молҳои ғайриозуқа 5,8 фоиз ва тарофаҳои хизматрасонии пулакӣ 4 фоиз ташаккул ёфтааст", - менависад аз қавли сарвазир дафтари матбуоти президент.

Расулзода афзуд, бо вуҷуди вазъи мураккаби иқтисодиёти ҷаҳон ва минтақа ва дигар монеаҳои мавҷудаи марбут ба пандемияи КОВИД-19,ҳаҷми маҷмӯи маҳсулоти дохилӣ ба 82,5 млрд. сомонӣ баробар гардида, суръати афзоиши он дар сатҳи 4,5 фоиз таъмин гардид.

Ба таъмини рушди иқтисодиёти миллӣ афзоиши ҳаҷми истеҳсоли маҳсулоти саноатӣ ба андозаи 9,7 фоиз, кишоварзӣ 8,8 фоиз ва гардиши савдои хориҷӣ 0,8 фоиз, аз ҷумла содирот 19,8 фоиз мусоидат намуд.

Дар Тоҷикистон таварруми солона ба сатҳи рекордӣ расид

Бо вуҷуди ин, дар давраи ҳисоботӣ дар натиҷаи таъсири манфии омилҳои берунӣ ҳаҷми хизматрасонии пулакӣ ба аҳолӣ нисбат ба соли 2019 - 9,9 фоиз, гардиши савдои дохилӣ 6,8 фоиз, маблағгузорӣ ба сармояи асосӣ 4,6 фоиз ва мусофиркашонӣ 2,5 фоиз  коҳиш ёфт.

84
Дети в школе

Дастури Эмомалӣ Раҳмон дар бораи таъмини пурраи либоси мактабӣ - "худӣ шавад"

85
(Таҷдидшуда 15:28 28.01.2021)
Раисҷумҳури Тоҷикистон Эмомалӣ Раҳмон дастур дод, ки сару либоси мактабӣ дар Тоҷикистон пурра аз ҳисоби истеҳсоли ватанӣ таъмин шавад

ДУШАНБЕ, 28 янв – Sputnik. Ин дастури раисҷумҳур дар бораи таъмини либоси мактабӣ зимни ҷаласаи васеи Ҳукумат зикр гардидааст.

"Масъулин ва роҳбарияти вилояту шаҳру ноҳияҳо ҷиҳати таъмини пурраи либоси мактабии истеҳсоли худӣ муваззаф гардиданд", - менависад дафтари матбуоти президент.

Гуфта мешавад, президент дастур дод, ки бо мақсади ҳар чӣ бештар фаъолтар намудани корхонаҳои истеҳсолӣ, ҷалби сармояи дохилию хориҷӣ, истифодаи самарабахши имконияту иқтидорҳои мавҷуда, коркарди ашёи хоми ватанӣ то маҳсулоти ниҳоӣ тадбирҳои қатъи андешида шавад.

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

Гуфта мешавад, вазири саноат ва технологияҳои нави ҷумҳурӣ Шералӣ Кабир аз дастовардҳои саноатчиёни мамлакат дар соли 2020 ва суръати афзоиши маҳсулоти ватанӣ, таъсиси корхона ва ҷойҳои нави корӣ, ҷалби технологияи муосир ва истеҳсоли маҳсулоти хушсифати ивазкунандаи воридот, ҳамзамон таъмини фаровонии бозори дохилӣ гузориш дод.

Ёдрас мешавем, ҷаласаи васеи Ҳукумати Тоҷикистон бо роҳбарии раиси Ҳукумат, президент Эмомалӣ Раҳмон 27 январ пас аз як рӯзи ироаи паёми кишвардор ба парлумон доир гардид. 

Масъулини кишвар дар ин ҷаласа ҳисобот доданд ва аз раисҷумҳур дастурҳо гирифтанд.

85
Барчаспҳо:
сарулибоси мактабӣ, либоси мактабӣ, дастур, Эмомалӣ Раҳмон, Тоҷикистон