Тағйироти кадрӣ дар ҳукумати Хатлон

Обуна шудан
Қурбон Ҳакимзода, раиси вилояти Хатлон, зимни даъвати ҷаласаи корӣ аз тағйироти кадрӣ дар мақомоти иҷроияи вилоят хабар дод

ДУШАНБЕ, 31 дек — Sputnik. Дар ин ҷаласа раиси вилоят Қурбон Ҳакимзода ҳозиринро бо матни қарорҳои тозатасвиб оид ба тағйироти кадрӣ дар дастгоҳи раис шинос кард, хабар дод котиботи ҳукумати Хатлон.

Министр образования и науки Таджикистана Имомзода Мухаммадюсуф Сайдали - Sputnik Тоҷикистон
Барномаи рушди маориф дар Хатлон ҳамагӣ 22% иҷро шуд: нигарониҳои раисиҷумҳур

Ба иттилои манбаъ, Дадобоев Алишер Тоҳирҷонович, ки то ин вақт муовини роҳбари дастгоҳи раиси вилояти Хатлон буд, сардори Раёсати рушди иқтисод ва савдои мақомоти иҷроияи ҳокимияти давлатии вилоят таъин гардид.

“Ҳамзамон, Сафарзода Сайфиддин Хайрулло муовини роҳбари дастгоҳи раиси вилоят таъин шуд. Сайфиддин Сафарзода то ин замон директори Палатаи савдо ва саноати вилояти Хатлон буд”, - омадааст дар иттилоия.

Манбаъ афзуд, Маҳмадсаид Зуҳурзода, ки ин қаблан дар мақоми сардори Раёсати рушди иқтисод ва савдо фаъолият мекард, бо қарори раиси вилоят мудири шуъбаи иқтисод, молия ва ояндабинии дастгоҳ таъин гардид.

Котибот мегӯяд, раиси вилоят ба кадрҳои навтаъин, ки мутахассисони соҳибихтисосу корозмуда мебошанд, дар иҷрои вазифаҳои хидматиашон барору комёбӣ таманно кард.

Лентаи хабарҳо
0