Се духтару ду писар: дар Тоҷикистон бори нахуст панҷгона таваллуд шуд

1438
(Таҷдидшуда 15:47 11.01.2021)
Дар арафаи соли нав дар Тоҷикистон бори нахуст панҷгона таваллуд шуд. Тифлакон се духтару ду писар дар Пажуҳишгоҳи укушерӣ, гинекологӣ ва перинатологии Тоҷикистон” воқеъ дар шаҳри Душнбе таваллуд шуданд

ДУШАНБЕ, 1 янв — Sputnik. Дар Тоҷикистон бори нахуст панҷгона таваллуд шуд.

Кӯдаконро модари хухбахт аз деҳаи ба номи Бобоҷон Ғафурови ноҳияи Қубодиён Дилноза Маматова ба дунё овард.

Ду писар ва се духтари Дилноза дар Пажуҳишгоҳи укушерӣ, гинекологӣ ва перинатологии Тоҷикистон воқеъ дар шаҳри Душнбе таваллуд шудаанд.

Ду духтар ва ду писар: зане дар Душанбе чоргоник таваллуд кард

Дилноза Маматова як маҳи ахир бо тавсияи табибон барои таҳти назорат қарор гирифтан дар ин марказ бистарӣ буд.

Саломатии тифлаконро, аз 1 то 1,5 кило вазн доштаанд, табибон хуб арзёбӣ намудаанд.

Ҳамагӣ чанд рӯз пеш аз таваллуд шудани панҷгоникҳо, дар Душанбе модари дигаре чоргоник зода буд.

Чоргоникҳо дар Душанбе таваллуд шудаанд.

 

Модари кӯдакон 34 сол доштаву ин таваллуди севумаш будааст.Ӯ ва шавҳараш Далер Файзалиев ду писари дигар 14 ва 3-сола доштаанд.

"Вақте бори аввал аз ташхис гузаштам, табибон гуфтанд, ки дар батнам чор дил метапад. Бовар накардам. Боз дар ду-се ҷои дигар ташхис кардам, он ҷо ҳам айни ҳамин гапро гуфтанд", — гуфтааст модари хушбахт.

Вазорат гуфт, дар Тоҷикистон таваллуд каму фавт зиёд шуд

Ба гуфтаи духтури шуъбаи эҳёгарии навзодон Фарида Кароматуллоевна, кӯдакон пеш аз муҳлат таваллуд шудаанд ва чанд муддат модару кӯдакон зери назорати мутахассисон қарор хоҳанд гирифт.

Ёдовар мешавем, ки чунин ҳолат соли 2018 дар Душанбе ва дар вилояти Суғд ба қайд гирифта шуда буд ва ҳамон замон дар ВМКБ низ бори аввал чоргоникҳо таваллуд шуданд.

 

 

1438
Болғаи додгоҳ, акс аз бойгонӣ

Фармони барканории раиси додгоҳ

357
(Таҷдидшуда 20:33 18.01.2021)
Эмомалӣ Раҳмон, раисиҷумҳури Тоҷикистон, зимни анҷоми тағйироти кадрӣ фармони барканории як раиси додгоҳро низ имзо кардааст

ДУШАНБЕ, 18 янв — Sputnik. Тибқи иттилои котиботи раисиҷумҳури Тоҷикистон, имрӯз бо фармони Эмомалӣ Раҳмон, Маъруфҷон Бурҳониён аз вазифаи раиси ноҳияи Бобоҷон Ғафуров барканор шуд.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Бурҳониён Маъруфҷон аз вазифаи раиси суди ноҳияи Бобоҷон Ғафурови вилояти Суғд озод карда шавад”, - омадааст дар фармон.

“Чор ҳазор доллар пора гирифт”: фармони Президент дар бораи Рухшона Раҳмонализода

Дар фармони раисиҷумҳури Тоҷикистон далели барканории Бурҳониён зикр нашудааст.

Бурҳониён Маъруфҷон аз моҳои апрели соли 2018 дар мақоми раиси суди ноҳияи Бобоҷон Ғафурови вилояти Суғд кор мекард. Қабл аз ин, Бурҳониён мақоми муовини якуми раиси суди ноҳияи Бобоҷон Ғафуровро ба уҳда дошт.

357
Барчаспҳо:
додгоҳ, фармон, Тоҷикистон
Девушки в защитных масках идут по улице в городе Душанбе

Аз 13 308 маризи коронавирус дар Тоҷикистон 90 кас фавтида, дигарон шифо ёфтанд

66
(Таҷдидшуда 18:59 18.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 18 янв – Sputnik. Дар Тоҷикистон беш аз як ҳафтаи ахир ягон ҳолати гирифторшавӣ ба бемории коронаиврус сабт нашудааст, хабар медиҳад Вазорати тандурустӣ.

Ба иттилои манбаъ, аз охири апрели соли гузашта то ҳол дар ҷумҳурӣ 13 ҳазору 308 нафар гирифтори коронавирус шудааст.

Манбаъ таъкид кард, ки то ҳол 13 ҳазору 218 нафар шифо ёфта, аз беморхонаҳо мураххас шудаанд. Инчунин 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, айни ҳол дар ҷумҳурӣ ягон кас гирифтори COVID-19 нест.

Вале, Рустамҷон Бӯрибоев, сартабиби Бемористони сироятии Суғд ба Sputnik Тоҷикистон гуфт, ҳоло танҳо як нафар дар дармонгоҳ аз "вируси корона" табобат мегирад.

Коршинос сабаби нест шудани коронавирус дар Тоҷикистонро шарҳ дод

Ба иттилои манбаъ, ягона нафаре, ки ҳоло дар Бемористони сироятии Суғд табобат мегирад, сокини ноҳияи Бобоҷон Ғафуров буда, синнаш аз 60 - сола боло аст.

Сартабиб сабаби ба дарозо кашидани муҳлати муолиҷаи ин нафарро шарҳ дода гуфт, ки "бемории ҳамрадиф аз ҷумла қанд ба ҷараёни муолиҷаи ин нафар бетаъсир намондааст. Хушбахтона гузашти се ҳафта саломатии ӯ муътадил шуда ва ба хона рухсатшавиаш ҳам наздик омадааст".

66
Барчаспҳо:
маризӣ, омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Рустами Шоҳмурод, вакили парлумони Тоҷикистон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

750
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

750
Барчаспҳо:
қонун, хизмати ҳарбӣ, Тоҷикистон