Заграничный биометрический паспорт гражданина РТ, архивное фото

Арзиши шиносномаи хориҷӣ дар Тоҷикистон гарон шуд

3612
(Таҷдидшуда 16:45 12.01.2021)
Ҳазинаи сабти номи ширкати тиҷорӣ низ, ки қаблан ҳазору 450 сомонӣ буд, ба ҳазору 500 сомонӣ расидааст.

ДУШАНБЕ, 3 янв — Sputnik.  Пардохти ҳуҷҷатҳо, ҷаримаҳо ва литсензияҳо барои фаъолияти бахши хусусӣ дар Тоҷикистон аз 1 январи соли 2021 зиёд карда шуд, гузориш медиҳанд расонаҳо.

Акнун ҳазинаи дарёфт ва ё тамдиди муддати эътибори гузарномаи хориҷӣ, ки қаблан 87 сомонӣ буд, ба 90 сомонӣ афзоиш ёфтааст.

Ҳамчунин барои сабти номи Созмони байналмилалӣ бояд 6 ҳазор сомонӣ пардохт кард, ин рақам қаблан 5 ҳазору 600 сомонӣ буд.

Ҳазинаи сабти номи ширкати тиҷорӣ низ, ки қаблан ҳазору 450 сомонӣ буд, ба ҳазору 500 сомонӣ расидааст.

Ҳазинаи дарёфти гувоҳинома барои мутақозиёни фаъолият дар бахши хусусии Тоҷикистон низ аз 58 сомонии қаблӣ ба 60 сомонӣ расидааст.

Шаҳрдорӣ гуфт, нархи кадом маҳсулот дар Душанбе чӣ қадар боло рафтааст

Дар маҷмӯъ, арзиши пардохтҳо дар ҳамаи шӯъбаҳо барои баровардан ва тасдиқи ҳуҷҷатҳо  ба мизони 3,4  фоиз дар муқоиса бо соли 2020 афзудааст.

3612
Барчаспҳо:
гароншавӣ, арзиш, хориҷӣ, шиноснома, Тоҷикистон
Зима в городе Душанбе

Вазорати тандурустӣ: омори шабонарӯзи ахири коронавирус ба сифр баробар аст

0
(Таҷдидшуда 18:21 16.01.2021)
Вазорати тандурустӣ ва ҳифзи иҷтимоии аҳолии Тоҷикистон гузориш додааст, ки шабонарӯзи ахир дар Тоҷикистон ягон нафар ба коронавирус гирифтор нашудааст

ДУШАНБЕ, 16 янв – Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ  ягон ҳодисаи нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.

Дар маҷмӯъ то имрӯз, 16 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд. Инчунин, 90 нафар бар асари ин беморӣ фавтидаанд.

Қобилҷон Гиёев, собиқ сардухтури Шифохонаи марказии ноҳияи Рашт пештар дар сӯҳбат бо Sputnik Тоҷикстон гуфт, дар COVID – 19 дар Тоҷикистон ҷазояшро дид, аммо набояд ғафлат кард.

Ин пизишке, ки аз замони оғози гирудор бо “вируси корона” бо усули ғайримаъмулии табобаташ мавриди таваҷҷӯҳи расонаҳо қарор дошт, ба Sputnik Тоҷикистон гуфт, пирӯзии мардум ва ҳукумати Тоҷикистон, дар навбати аввал, раҳбарияти вазорати тандурустӣ ва тамоми пизишкони кишвар шароитеро ба вуҷуд овардааст, ки “вируси корона” дигар ба он вусъату паҳно сар боло накунад.

Пас аз бемории коронавирус иммунитети бадан то кай пойдор мемонад?

“Агарчи дар кишварҳои дигари ҷаҳон ин вирус ҳанӯз бедодгарӣ мекунад, дар Тоҷикистон бо сабабҳои комилан маълум шикаст хӯрдааст. Қабл аз ҳама, дар ҷомеа масъунияти умумӣ ба вуҷуд омад, ки густариши ин маризиро батамом кунд кард. Аз сӯи дигар, боду ҳаво, маҳсулоти аз лиҳози экологӣ тоза ва ҳам гум шудани воҳимаву тарси мардум мӯҷиби ин шикаст шудааст”, - гуфт Қобилҷон Гиёев.

0
Покупатель на рынке Мехргон в Душанбе

Соли қиматӣ: нархи чиҳо чӣ қадар болову пойин рафтааст? омори расмӣ

34
(Таҷдидшуда 18:53 16.01.2021)
Додаҳои оморӣ нишон медиҳанд, ки қимати маҳсулоти ниёзи аввали мардум дар Тоҷикистон соли гузашта як болоравии бесобиқаеро таҷриба кардааст

 ДУШАНБЕ, 16 янв – Sputnik. Бино ба иттилои Агентии омори назди президенти Тоҷикистон, шуруъ аз оғози соли 2020 аз гуруҳу намудҳои асосии маводи ғизоӣ бештар аз ҳама афзоиши нархи маҳсулоти рӯғаниву чарбу (42,2%), шакар (40,7%), картушка (19,8%), тухм (18,9%), маҳсулоти нонвоӣ (13,8%), гӯшт (5,7%), меваҷот (4,7%), ширу маҳсулоти ширӣ (4,3%) иттифоқ афтодааст.

“Моҳи декабри соли 2020 аз байни маҳсулоти ғизоии мушоҳидашуда муҳиммтарин афзоиш дар қимати лиму - 24.3% , помидор - 8.2%, равғанӣ - 6.5% , бодиринг - 6.2% , шир - 5.5% , равғани растанӣ - 4.5% , себ - 2.2% , лубиё - 0.9% ва гӯшти гӯсфанд - 0.3% падид омадааст”, - иттилоъ медиҳад агентӣ.

Ҳамзамон, қиматҳои моҳи гузашта барои карам - 4.3, орди гандуми дараҷаи 1 - 3.5, пиёз - 3.4, , сабзӣ - 2.0 шакар - 0.6, гӯшти гов - 0.5 ва тухми мурғ - 0.4 дарсад коҳиш ёфтааст.

Дар ҳамин ҳол, бино ба иттилои агентӣ, тайи соли 2020 беш аз ҳама равғани пахта - 50,7, равғани растанӣ - 42,6, шакар - 40,7, гандуми сиёҳ (гречка) - 38.7, макарон - 30.0, картошка - 19.8, тухми мурғ - 18.9, орди гандуми дараҷа 1 - 16.4, нахӯд - 16.0, равғани маска - 14.3 , сабзӣ - 12.7 , гӯшти гӯсфанд - 8.5% , себ - 7.3%, гӯшти гов - 6.2% ва шир - 5 , 6% боло рафта, дар баробари ин қимати бодиринг - 49.9%, пиёз - 21.2% ва карам - 5.9% коҳиш ёфтааст.

Бензин арзон шуд Шохисҳои қимати маҳсулоти ғайриғизоӣ дар декабри соли 2020 0.6% афзоиш ёфтааст, аз он ҷумла пӯшоку кафш - ҳар кадом 0.9% , қисмҳои эҳтиётии нақлиётӣ - 0.6% ва бензин - 0.7%. Дар канори ин, қимати гази моеъ 1.2 дарсад коҳиш ёфт.

Дар соли 2020 шохисҳои қимати маҳсулоти ғайриғизоӣ 5.8%, умдатан ба далели болоравии қимати маводи шуст (10.1%), масолеҳи сохтмонӣ (8.0%), доруворӣ (7, 8%), қисмҳои эҳтиётии нақлиётӣ - 6.6%, матоҳо - 5.1%, кафшҳо - 4.8% , пӯшок - 4.3% ва гази моеъ - 4,2% афзудааст.

Шаҳрдорӣ гуфт, нархи кадом маҳсулот дар Душанбе чӣ қадар боло рафтааст

Ҳамзамон, коҳиши қимати сӯхти дизелӣ - 17.2 ва бензин - 13.8 дарсад мушоҳида шуд. Шохисҳои қимат ва таруфаҳои хизматрасониҳои пулӣ, ки дар декабри соли 2020 ба мардум ироа мешавад, 0.2% афзоиш ёфтааст. Дар соли 2020 қиматҳо ва таруфаҳои хизматрасониҳои пулӣ, ки ба таври куллӣ ба мардум ироа мешавад, 4.0% афзоиш ёфтааст, аз ҷумла ҳазинаи сафари ҳавоӣ - 30.0% ва хадамоти маошӣ - 6.7%.

34