Кошка сидит на дровах

Лимити барқ нархи ангишт ва ҳезуму таппакро боло бурд

805
(Таҷдидшуда 14:46 14.01.2021)
Сар шудани лимит ё маҳдудияти интиқоли нерӯи барқ дар навоҳии Тоҷикистон, ба нархи маводи сухт бетаъсир намондааст. Дар деҳотҷойҳо нархи ангишту ҳезум ва таппак боло рафтааст

ДУШАНБЕ, 7 янв – Sputnik. Сокинон аз навоҳии кишвар дар суҳбат ба Sputnik Тоҷикистон аз балоравии қимати маводи сӯзишворӣ таъкид меварзанд.

Эргашбой як сокини ноҳияи Шаҳристон мегуяд, баъди бозгашти дубораи лимити барқ, нархи ангишт якбора дакка хурдааст.

"То чанд рӯзи пеш дар нуқтаҳои фурӯш як кило ангиштро бо нархи 1,6 сомонӣ мефурӯхтанд. Вале шурӯъ дирӯз қиммати ангишт ба 1,8 сомонӣ баробар шудааст. Чанд ҷой рафтем нарх ҳамин аст ва фурӯшандаҳо мегуянд, ки дар ҷояш қимат шудааст", - гуфт сокини Шаҳристон.

Дар ҳамин ҳол сокинон аз деҳоти дигар ноҳияҳо низ дар бораи гароншавии қимати маводи сӯзишворӣ ҳадс мезананд.

Мурод Олимов як сокини ноҳияи Деваштич мегуяд, ба дунболи болоравии қимати ангишт нархи ҳезуму таппак низ баланд шудааст.

"Як мошини портер ҳезум 1400 сомонӣ ва таппак ба 1000 сомонӣ баробар шудааст. Пештар бо 1200 сомонӣ ва 800 сомонӣ ин гуна маводи сӯхтро харидан имкон дошт", - иброз намуд, сокини ноҳияи Деваштич.

Кӣ шикоят дорад? “Барқи тоҷик” баъди "лимит" телефонҳои боварашро фаъол кард

Гуфта мешавад, ки бо шурӯъ шудани лимити барқ арзиши ангишту ҳезум ва таппак – сӯзишвории алтернативӣ дар рустоҷойҳои Тоҷикистон аз 10 то 20% баланд шудааст. Як фурӯшандаи ангишт дар ноҳияи ба номи Б. Ғафуров дар суҳбат ба Sputnik Тоҷикистон изҳор намуд, ки якбора сард шудани ҳарорати ҳаво боиси тағйирёбии қимати ангишт шудааст.

"Ҳар сол дар фасли зимистон қимати ангишт боло меравад. Чун, ки дар ин фасл талабот ба ин мавод бештар мешавад. Қоидаи бозор ҳамин, ба моле, ки талабот бештар шуд, нархи он дакка мехӯрад. Гузашта аз ин нархи худи ангишт дар конҳо боло рафтааст", - гуфт ӯ.

Чанде қабл аз Идораи саноати ҳукумати Суғд иттилоъ дода буданд, ки давоми даҳ моҳи соли гузашта, шаш корхонаи истихроҷи ангишт дар шимоли кишвар ба андозаи 1 миллиону 540 ҳазор тон ангишт истеҳсол кардаанд, ки ин рақам назар ба ҳамин давраи соли 2019 (1565, 1) ҳудуди 25 ҳазор тон кам мебошад.

Раҳмон аз таъмини барқ гуфту ба сокинон ҳушдор дод: "лимит" ҷорӣ мешавад, агар...

Рӯзи 5 - уми январи соли ҷорӣ ширкати "Барқи тоҷик" бо нашри як иттилоияи расмӣ аз шурӯъи лимити барқ дар навоҳии кишвар расман эълон кард.

Бино ба эълони "Барқи тоҷик", "маҳдудияти барқрасонӣ аз рӯзи 5 январи соли 2021 асосан шабона ҷорӣ гардида, аз соати 23-00 шаб то соати 06-00 субҳ идома меёбад".

Нозирҷон Ёдгорӣ, сухангӯи ин ширкат дар шарҳи эълони коҳиши барқрасонӣ дар суҳбат бо Sputnik Тоҷикистон гуфт, ҳоло вазъият ҷиддӣ буда, эҳтимоли то баҳор нарасидани захираҳои об вуҷуд дорад, аз ин хотир, лозим аст, ки чанд муддат дар маҳалҳое, ки биноҳои баландошёна надоранд ва имкони истифодаи дигар манбаъҳои гармӣ вуҷуд дорад, интиқоли барқ маҳдуд карда шавад.

805
Барчаспҳо:
қиматшавӣ, ангишт, лимит
 Премьер-министр Таджикистана Кохир Расулзода

Расулзода шарҳ дод, ки чаро пули миллӣ беқурб шуд

34
Сарвазири Тоҷикистон Қоҳир Расулзода тавзеҳ дод, ки чаро дар соли 2020 таваррум - беқуршавии пули миллӣ зиёд шуд

ДУШАНБЕ, 28 янв – Sputnik. Тавре Қоҳир Расулзода дар Маҷлиси васеи Ҳукумат тавзеҳ дод, таваррум дар соли 2020 назар ба соли 2010 ба 1,4 фоиз зиёд гардид.

Сарвазири кишвар афзоиши беқурбшавии пули миллиро ба баландшавии нархи маҳсулот дар бозорҳо рабт додааст.

"Дар ин давра сатҳи таваррум 9,4 фоизро ташкил дод, ки нисбат ба соли 2019 (8 фоиз) 1,4 банди фоизӣ зиёд буда, асосан аз ҳисоби баландшавии нархи маҳсулоти озуқаворӣ 13 фоиз, молҳои ғайриозуқа 5,8 фоиз ва тарофаҳои хизматрасонии пулакӣ 4 фоиз ташаккул ёфтааст", - менависад аз қавли сарвазир дафтари матбуоти президент.

Расулзода афзуд, бо вуҷуди вазъи мураккаби иқтисодиёти ҷаҳон ва минтақа ва дигар монеаҳои мавҷудаи марбут ба пандемияи КОВИД-19,ҳаҷми маҷмӯи маҳсулоти дохилӣ ба 82,5 млрд. сомонӣ баробар гардида, суръати афзоиши он дар сатҳи 4,5 фоиз таъмин гардид.

Ба таъмини рушди иқтисодиёти миллӣ афзоиши ҳаҷми истеҳсоли маҳсулоти саноатӣ ба андозаи 9,7 фоиз, кишоварзӣ 8,8 фоиз ва гардиши савдои хориҷӣ 0,8 фоиз, аз ҷумла содирот 19,8 фоиз мусоидат намуд.

Дар Тоҷикистон таварруми солона ба сатҳи рекордӣ расид

Бо вуҷуди ин, дар давраи ҳисоботӣ дар натиҷаи таъсири манфии омилҳои берунӣ ҳаҷми хизматрасонии пулакӣ ба аҳолӣ нисбат ба соли 2019 - 9,9 фоиз, гардиши савдои дохилӣ 6,8 фоиз, маблағгузорӣ ба сармояи асосӣ 4,6 фоиз ва мусофиркашонӣ 2,5 фоиз  коҳиш ёфт.

34
Дети в школе

Дастури Эмомалӣ Раҳмон дар бораи таъмини пурраи либоси мактабӣ - "худӣ шавад"

78
(Таҷдидшуда 15:28 28.01.2021)
Раисҷумҳури Тоҷикистон Эмомалӣ Раҳмон дастур дод, ки сару либоси мактабӣ дар Тоҷикистон пурра аз ҳисоби истеҳсоли ватанӣ таъмин шавад

ДУШАНБЕ, 28 янв – Sputnik. Ин дастури раисҷумҳур дар бораи таъмини либоси мактабӣ зимни ҷаласаи васеи Ҳукумат зикр гардидааст.

"Масъулин ва роҳбарияти вилояту шаҳру ноҳияҳо ҷиҳати таъмини пурраи либоси мактабии истеҳсоли худӣ муваззаф гардиданд", - менависад дафтари матбуоти президент.

Гуфта мешавад, президент дастур дод, ки бо мақсади ҳар чӣ бештар фаъолтар намудани корхонаҳои истеҳсолӣ, ҷалби сармояи дохилию хориҷӣ, истифодаи самарабахши имконияту иқтидорҳои мавҷуда, коркарди ашёи хоми ватанӣ то маҳсулоти ниҳоӣ тадбирҳои қатъи андешида шавад.

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

Гуфта мешавад, вазири саноат ва технологияҳои нави ҷумҳурӣ Шералӣ Кабир аз дастовардҳои саноатчиёни мамлакат дар соли 2020 ва суръати афзоиши маҳсулоти ватанӣ, таъсиси корхона ва ҷойҳои нави корӣ, ҷалби технологияи муосир ва истеҳсоли маҳсулоти хушсифати ивазкунандаи воридот, ҳамзамон таъмини фаровонии бозори дохилӣ гузориш дод.

Ёдрас мешавем, ҷаласаи васеи Ҳукумати Тоҷикистон бо роҳбарии раиси Ҳукумат, президент Эмомалӣ Раҳмон 27 январ пас аз як рӯзи ироаи паёми кишвардор ба парлумон доир гардид. 

Масъулини кишвар дар ин ҷаласа ҳисобот доданд ва аз раисҷумҳур дастурҳо гирифтанд.

78
Барчаспҳо:
сарулибоси мактабӣ, либоси мактабӣ, дастур, Эмомалӣ Раҳмон, Тоҷикистон