Морозная погода

Обуҳавошиносон: дар шарқи Тоҷикистон то 42 дараҷа, дар ғарб то 21 дараҷа сард мешавад

1655
(Таҷдидшуда 11:26 11.01.2021)
Маркази обуҳавосанҷии Тоҷикистон эълон кардааст, ки имрӯз дар ҷумҳурӣ ҳавои камабри бебориш шуда, ҳаво дар шаҳри Душанбе рӯзона 7+9 дараҷа гарм мешавад

ДУШАНБЕ, 11 январ - Sputnik. Тибқи иттилои Ожонсии обуҳавошиносии Тоҷикистон имрӯз дар  шаҳри Душанбе ҳаво камабри бебориш шуда, туман мефарояд. Ҳарорати ҳаво шабона  2-4 дараҷа хунук ва рӯзона   7+9 дараҷа гарм  мешавад.

Дар шаҳру ноҳияҳои тобеи марказ ҳаво камабри бебориш шуда, дар баъзе ноҳияҳо туман мефарояд. Ҳаво  дар водиҳо  шабона 1-6  дараҷа хунук ва рӯзона 6+11 дараҷа гарм мешавад.  Дар ноҳияҳои кӯҳӣ ҳаво шабона 9-14 ва рӯзона аз 2 дараҷа хунук то 3 дараҷа гарм  мешавад.

Дар ҳамин ҳол, дар Вилояти Мухтори Кӯҳистони Бадахшон ҳаво  камабри бебориш мешавад. Ҳаво дар ғарби вилоят шабона 16-21 дараҷа хунук ва рӯзона ҳаво 2-7 дараҷа  хунук мешавад. Дар шарқи вилоят ҳаво  шабона аз 30-35 то 37-42 дараҷа хунук ва рӯзона ҳарорати ҳаво 15-20 то 23-28  дараҷа  хунук мешавад.

Ҳаво дар вилояти Суғд   камабри бебориш шуда, дар баъзе ноҳияҳо туман мефарояд.  Ҳаво  дар водиҳо шабона аз 4 дараҷа хунук  то 1 дараҷа гарм ва рӯзона 2-7 дараҷа гарм мешавад. Дар ноҳияҳои кӯҳӣ ҳаво шабона 10-15 ва рӯзона  аз 3 дараҷа хунук то 2 дараҷа гарм  мешавад.

Дар вилояти Хатлон  ҳаво камабри бебориш шуда, дар баъзе ноҳияҳо туман мефарояд.  Ҳаво дар водиҳо шабона 1-6 дараҷа хунук  ва рӯзона 6+11 дараҷа гарм мешавад.  Дар ноҳияҳои доманакӯҳӣ ҳаво шабона 2-7 дараҷа хунук ва рӯзона 3+8 дараҷа гарм мешавад.

1655
Барчаспҳо:
Душанбе, камабр, бебориш, сардӣ, обу ҳаво, Тоҷикистон
 Премьер-министр Таджикистана Кохир Расулзода

Расулзода шарҳ дод, ки чаро пули миллӣ беқурб шуд

93
Сарвазири Тоҷикистон Қоҳир Расулзода тавзеҳ дод, ки чаро дар соли 2020 таваррум - беқуршавии пули миллӣ зиёд шуд

ДУШАНБЕ, 28 янв – Sputnik. Тавре Қоҳир Расулзода дар Маҷлиси васеи Ҳукумат тавзеҳ дод, таваррум дар соли 2020 назар ба соли 2010 ба 1,4 фоиз зиёд гардид.

Сарвазири кишвар афзоиши беқурбшавии пули миллиро ба баландшавии нархи маҳсулот дар бозорҳо рабт додааст.

"Дар ин давра сатҳи таваррум 9,4 фоизро ташкил дод, ки нисбат ба соли 2019 (8 фоиз) 1,4 банди фоизӣ зиёд буда, асосан аз ҳисоби баландшавии нархи маҳсулоти озуқаворӣ 13 фоиз, молҳои ғайриозуқа 5,8 фоиз ва тарофаҳои хизматрасонии пулакӣ 4 фоиз ташаккул ёфтааст", - менависад аз қавли сарвазир дафтари матбуоти президент.

Расулзода афзуд, бо вуҷуди вазъи мураккаби иқтисодиёти ҷаҳон ва минтақа ва дигар монеаҳои мавҷудаи марбут ба пандемияи КОВИД-19,ҳаҷми маҷмӯи маҳсулоти дохилӣ ба 82,5 млрд. сомонӣ баробар гардида, суръати афзоиши он дар сатҳи 4,5 фоиз таъмин гардид.

Ба таъмини рушди иқтисодиёти миллӣ афзоиши ҳаҷми истеҳсоли маҳсулоти саноатӣ ба андозаи 9,7 фоиз, кишоварзӣ 8,8 фоиз ва гардиши савдои хориҷӣ 0,8 фоиз, аз ҷумла содирот 19,8 фоиз мусоидат намуд.

Дар Тоҷикистон таварруми солона ба сатҳи рекордӣ расид

Бо вуҷуди ин, дар давраи ҳисоботӣ дар натиҷаи таъсири манфии омилҳои берунӣ ҳаҷми хизматрасонии пулакӣ ба аҳолӣ нисбат ба соли 2019 - 9,9 фоиз, гардиши савдои дохилӣ 6,8 фоиз, маблағгузорӣ ба сармояи асосӣ 4,6 фоиз ва мусофиркашонӣ 2,5 фоиз  коҳиш ёфт.

93
Дети в школе

Дастури Эмомалӣ Раҳмон дар бораи таъмини пурраи либоси мактабӣ - "худӣ шавад"

90
(Таҷдидшуда 15:28 28.01.2021)
Раисҷумҳури Тоҷикистон Эмомалӣ Раҳмон дастур дод, ки сару либоси мактабӣ дар Тоҷикистон пурра аз ҳисоби истеҳсоли ватанӣ таъмин шавад

ДУШАНБЕ, 28 янв – Sputnik. Ин дастури раисҷумҳур дар бораи таъмини либоси мактабӣ зимни ҷаласаи васеи Ҳукумат зикр гардидааст.

"Масъулин ва роҳбарияти вилояту шаҳру ноҳияҳо ҷиҳати таъмини пурраи либоси мактабии истеҳсоли худӣ муваззаф гардиданд", - менависад дафтари матбуоти президент.

Гуфта мешавад, президент дастур дод, ки бо мақсади ҳар чӣ бештар фаъолтар намудани корхонаҳои истеҳсолӣ, ҷалби сармояи дохилию хориҷӣ, истифодаи самарабахши имконияту иқтидорҳои мавҷуда, коркарди ашёи хоми ватанӣ то маҳсулоти ниҳоӣ тадбирҳои қатъи андешида шавад.

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

Гуфта мешавад, вазири саноат ва технологияҳои нави ҷумҳурӣ Шералӣ Кабир аз дастовардҳои саноатчиёни мамлакат дар соли 2020 ва суръати афзоиши маҳсулоти ватанӣ, таъсиси корхона ва ҷойҳои нави корӣ, ҷалби технологияи муосир ва истеҳсоли маҳсулоти хушсифати ивазкунандаи воридот, ҳамзамон таъмини фаровонии бозори дохилӣ гузориш дод.

Ёдрас мешавем, ҷаласаи васеи Ҳукумати Тоҷикистон бо роҳбарии раиси Ҳукумат, президент Эмомалӣ Раҳмон 27 январ пас аз як рӯзи ироаи паёми кишвардор ба парлумон доир гардид. 

Масъулини кишвар дар ин ҷаласа ҳисобот доданд ва аз раисҷумҳур дастурҳо гирифтанд.

90
Барчаспҳо:
сарулибоси мактабӣ, либоси мактабӣ, дастур, Эмомалӣ Раҳмон, Тоҷикистон