Хуҷанд: дар панҷ рӯз 500 кас ба ёрии таъҷилӣ муроҷиат карданд

300
(Таҷдидшуда 13:16 12.01.2021)
Давоми панҷ рӯзи охир бештар аз 500 сокини шаҳри Хуҷанд ба далели хуруҷи беморӣ ба табибони идораи ёрии таъҷилии тиббӣ муроҷиат кардаанд

ДУШАНБЕ, 12 янв – Sputnik. Мирзорауф Ҳошимов, сартабиби Идораи ёрии таъҷилии тиббӣ Хуҷанд дар суҳбат бо Sputnik Тоҷикистон омори муроҷиати сокинонро шарҳ дода гуфт, рӯзҳои ахир хуруҷи бемориҳои фишорбаландӣ, хасташавии асаб ва маризии шадиди роҳи нафас бештар шудааст.

"Мавридҳои баланд шудани таб хушбахтона дар муқоиса ба аввалҳои фасли зимистон хеле кам шудааст. Бинобар сард шудани ҳарорати ҳаво хуруҷи бемориҳои мавсимӣ, аз ҷумла фишорбаландӣ ва бемориҳои роҳи нафас зиёдтар шудааст” - гуфт сартабиб.

Ба гуфтаи Ҳошимов, давоми панҷ шабонарӯзи гузашта, дар умум 550 нафар бинобар харобшавии вазъи саломатӣ, аз идораи ёрии таъҷилии тиббӣ дархост намудаанд, ки ба онҳо кумаки тиббӣ расонида шавад.

Аз омори муроҷиати сокинон бармеояд, ки ҳоло ҳар як шабонарӯз кам ё беш аз 110 нафар барои расонидани кӯмаки тиббӣ ба табибони идораи 03 муроҷиат мекунанд.

Сартабиби стансияи ёрии таъҷилии тиббӣ мегуяд, ин рақам дар муқоиса ба ба фасли тобистону тирамоҳи соли гузашта, ба таври қобили мулоҳиза камтар аст.

Тобистону тирамоҳ мавсими авҷгирии бемории "вируси корона" гуфта мешуд ва бахши аъзами муроҷиати сокинон аз баландшавии таб  бештар ба  ёрии таъҷилии тиббӣ муроҷиат мекарданд.

Вазорат: ягон ҳолати COVID-19 сабт нашуд, касе нафавтид

Мирзорауф Ҳошимов таъкид намуд, ки ҳоло сабти ҳолатҳои табъдорӣ ва ё сирояти бемориҳои ҳамшабеҳи  "илтиҳоби шуш" ками кам, ҳатто ба сифр баробар шудааст.

300
Барчаспҳо:
ёрии таъҷилӣ, ёрии таъҷилӣ, Панҷ, Хуҷанд
Дети в школе

Дастури Эмомалӣ Раҳмон дар бораи таъмини пурраи либоси мактабӣ - "худӣ шавад"

67
(Таҷдидшуда 15:28 28.01.2021)
Раисҷумҳури Тоҷикистон Эмомалӣ Раҳмон дастур дод, ки сару либоси мактабӣ дар Тоҷикистон пурра аз ҳисоби истеҳсоли ватанӣ таъмин шавад

ДУШАНБЕ, 28 янв – Sputnik. Ин дастури раисҷумҳур дар бораи таъмини либоси мактабӣ зимни ҷаласаи васеи Ҳукумат зикр гардидааст.

"Масъулин ва роҳбарияти вилояту шаҳру ноҳияҳо ҷиҳати таъмини пурраи либоси мактабии истеҳсоли худӣ муваззаф гардиданд", - менависад дафтари матбуоти президент.

Гуфта мешавад, президент дастур дод, ки бо мақсади ҳар чӣ бештар фаъолтар намудани корхонаҳои истеҳсолӣ, ҷалби сармояи дохилию хориҷӣ, истифодаи самарабахши имконияту иқтидорҳои мавҷуда, коркарди ашёи хоми ватанӣ то маҳсулоти ниҳоӣ тадбирҳои қатъи андешида шавад.

Бо дастури Қоҳир Расулзода: дар Тоҷикистон ярмаркаи фурӯши либоси мактабӣ баргузор мешавад

Гуфта мешавад, вазири саноат ва технологияҳои нави ҷумҳурӣ Шералӣ Кабир аз дастовардҳои саноатчиёни мамлакат дар соли 2020 ва суръати афзоиши маҳсулоти ватанӣ, таъсиси корхона ва ҷойҳои нави корӣ, ҷалби технологияи муосир ва истеҳсоли маҳсулоти хушсифати ивазкунандаи воридот, ҳамзамон таъмини фаровонии бозори дохилӣ гузориш дод.

Ёдрас мешавем, ҷаласаи васеи Ҳукумати Тоҷикистон бо роҳбарии раиси Ҳукумат, президент Эмомалӣ Раҳмон 27 январ пас аз як рӯзи ироаи паёми кишвардор ба парлумон доир гардид. 

Масъулини кишвар дар ин ҷаласа ҳисобот доданд ва аз раисҷумҳур дастурҳо гирифтанд.

67
Барчаспҳо:
сарулибоси мактабӣ, либоси мактабӣ, дастур, Эмомалӣ Раҳмон, Тоҷикистон
Душанбе плаза

Таҷаммӯъи муштариёни “Тоҷпромбонк” дар назди бинои БМТ ва парлумон буд ё набуд?

159
(Таҷдидшуда 14:38 28.01.2021)
Расонаҳо хабар доданд, ки теъдоде аз муштариёни бонки варшикаст ва лағви муҷаввизшудаи “Тоҷпромбонк” бо таҷаммӯъ назди бинои Бонки миллӣ ва порлумони кишвар хостори бозгардондани пулҳои хеш шудаанд

ДУШАНБЕ, 28 янв – Sputnik.  Расонаҳо хабар доданд, ки муштариёни "Тоҷпромбонк" зимни таҷаммӯъ қайд карданд, ки якчанд ҳафта аст натавонистаанд бо раиси Бонки миллии Тоҷикистон дидор кунанд.

Гуфта шудааст, ки муштариён аз соли 2016 наметавонанд маблағҳои ба амонат гузоштаи худро аз "Тоҷпромбонк" пас бигиранду акнун даст ба домани Бонки миллӣ ва порлумони Тоҷикистон шудаанд.

Таҷаммуӯъгарон эълон карданд, ки панҷ ҳафта аст мехоҳанд бо Ҳоким Холиқзода раиси ҷадиди Бонки миллии Тоҷикистон дидор ва мушкили худро матраҳ кунанд, аммо муваффақ ба ин дидор нашуда ва ба сӯи порлумон рафтаанд.

Аммо манбаъ аз Бонки миллӣ хабар дод, ки касе дар назди бинои Бонки миллӣ таҷаммӯъе баргузор накардааст ва аз қазияи мазкур изҳори бехабарӣ карданд.

Дар ҳамин ҳол, сухангӯи парлумони Тоҷикистон Муҳамадато Султонов ба Sputnik Тоҷикистон гуфт, ки касе дар назди бинои парлумони кишвар таҷаммӯъ накардааст.

“Шояд таҷамӯъ ҷои дигаре баргузор шуда бошад, аммо ба назди парлумон барои таҷаммӯъ касе наомадааст”, - гуфт сухангӯи расмии парлумони кишвар.

Ёдрас мешавем, ки раиси "Тоҷпромбонк"  Ҷамшед Зиёев  моҳи декабри соли 2020 дар додгоҳи ноҳияи Синои шаҳри Душанбе ба иттиҳоми ихтилос, азхудкардани ғайриқонунии манобеи молӣ ва ихтисоси вомҳои калон ба наздиконаш ба 8 солу шаш моҳи зиндон маҳкуми шуд.

Мизони қарзи Тоҷпромбонк ба муштариён 59 миллион сомонӣ (муодили 5 миллиону 900 ҳазор доллар) аст, ки ҳар моҳ ба онон 400 сомонӣ пардохт мешавад.

Ҳукумати Тоҷикистон дар соли 2017 барои хуруҷи ин бонк аз бӯҳрони 450 миллион сомонӣ ба унвони вом дар ихтиёри ин ниҳод қарор дод, аммо авзоъ тағйир накард ва муҷаввизи фаъолияти он бекор шуд.

Парвандаи раиси "Тоҷпромбонк" ба додгоҳ меравад

Бо вуҷуди ваъдаи масъулони Банки миллии Тоҷикистон дар мавриди фурӯши амволи "Тоҷпромбонк" ва пардохти қарзи муштарёни ин барнома то ба ҳол иҷроӣ нашудааст.

159
Барчаспҳо:
парлумон, хостор, таҷаммуъ, Бонки миллӣ, Тоҷикистон

Мелания дар фикри ҷудошавӣ аз Доналд Трамп аст

0
(Таҷдидшуда 15:32 28.01.2021)
Нашрияи англисӣ навиштааст, ки Мелания Трамп дар фикри ҷудошавӣ аз раисҷумҳури собиқи Амрико Доналд Трамп мебошад

ДУШАНБЕ, 28 янв – Sputnik. Нашрияи англисии Mirror, менависад, ки ҳамсари Доналд Трамп дар садади ҷудошавӣ аз собиқ кишвардори Амрико қарор дорад.

Ин нашрия аз қавли вакилони маъруфи Ню-Йорк хабар медиҳад, ки  Мелания метавонад байни 20 то 50 миллион доллар пул ва ҳамчунин сарпарастии писари 14 солааш Баронро аз Доналд Трамп бигирад.

Мелания Трамп пеш аз тарки Қасри Сафед анъанаи 70-соларо вайрон кард

Манобеи огоҳ ба ин рӯзнома гуфтаанд, ки Мелания дар рӯзҳои поёнии раёсати ҷумҳурии ҳамсараш барои тарки Кохи Сафед лаҳзашуморӣ мекард.

Манбаъ меафзояд, издивоҷи Трамп ва Мелания ҳамчун робитае тиҷорӣ буда ва иртиботи сарди ин ду дар тӯли чаҳор соли раёсати ҷумҳурии Трамп борҳо мавриди тавваҷӯҳи расонаҳо қарор гирифта буд.

Сиёсати зебо: чаро пӯшоку рафтори Мелания Трамп расонаҳоро шефта кард?

Трамп ҳоло ба курорти Флоридаи Ҷанубии худ баргаштааст ва ба назар чунин мерасад, ки Мелания музокиротро барои ҷудо шудан аз шавҳараш, ки вай қабл аз раёсати ҷумҳурии Трамп оғоз карда буд, аз сар мегирад.

0
Барчаспҳо:
ҷудошавӣ, ҳамсар, Доналд Трамп