Библиотека новой школы №55 в Душанбе

Омӯзгоре дар шаҳри Кӯлоб осорхона, китобхона ва истгоҳ бунёд кард

182
(Таҷдидшуда 14:10 13.01.2021)
Омӯзгори собиқадори деҳаи Зарқалъаи шаҳри Кӯлоб Абдураҳмон Қурбонов осорхона, китобхона ва истгоҳ бунёд намуд

ДУШАНБЕ, 13 январ - Sputnik. Бахшида ба Солҳои рушди деҳот, сайёҳӣ ва ҳунарҳои мардумӣ аз ҷониби омӯзгори ҷамоати Зираки деҳаи Зарқалъаи шаҳри Кӯлоб Абдураҳмон Қурбонов бинои дуошёна бунёд гардидааст, ки аз осорхона, китобхона ва истгоҳ иборат мебошад.

Омӯзгори собиқадори шаҳри Кӯлоб Абдураҳмон Қурбонов иқдоми худро саривақтӣ медонад, зеро ҳам осори ҳунарҳои мардумӣ ва ҳам сайёҳӣ бе рушди деҳот наметавонанд комёбии пурра ба даст оваранд.

Ошёнаи аввали бино аз истгоҳ ва китобхона иборат мебошад, ки дар ҳолатҳои сармо ё гармӣ мусофирон метавонанд дар он истироҳат намоянд, хабар медиҳад АМИТ "Ховар".

Дар қисми дигари ошёнаи якум китобхона ҷойгир аст, ки дар он шумораи ками китоб, маҷаллаву рӯзномаҳо бо чанд забон дида мешавад. Абдураҳмон Қурбонов кӯшиш дорад, ки дар оянда рафҳои китобхонаро бо адабиёти зарурӣ пурра намояд.

Ҳазорон аскару сарбозро ройгон ба осорхона мебаранд

Дар ошёнаи дуюм осорхона ҷой гирифтааст, ки аз ёдгориҳои асри 9-10 ва қабл аз он, инчунин замони истиқлоли давлатӣ пур мебошад.

Ба қавли бобои Абдураҳмон, як қисми бозёфтҳои дохили осорхона бо маблағи худӣ харидорӣ шуда, боқимонда туҳфаи шахсони алоҳида аст. Мавсуф талош дорад, ки шумораи бозёфтҳоро дар осорхона бештар кунад.

182
Барчаспҳо:
бунёд, китобхона, осорхона, омӯзгор, Кӯлоб
Зима в городе Душанбе

Ҳавои сарди Русия ба Тоҷикистон меояд: ҳушдори ҳавошиносон аз бӯҳрони барфӣ ва яхбандӣ

200
(Таҷдидшуда 13:22 20.01.2021)
Бо сабаби воридшавии анбӯҳи ҳавои намноки баҳримиёназаминӣ ва ҳавои сард аз самти урупоии Русия дар минтақаҳои алоҳидаи кӯҳии ноҳияҳои тобеи ҷумҳурӣ буҳрони барфӣ, яхбандӣ, дар роҳҳои нақлиётгард пайдоиши қабати барф аз эҳтимол дур нест

ДУШАНБЕ, 20 янв – Sputnik. Рӯзҳои 22-23 январ дар Тоҷикистон обу ҳаво якбора номусоид шуда,  бориши борон бо гузариш ба барф дар назар аст.

Дар ин рӯзҳо ҳарорат шабона то 8-10 ва рӯзона то 10-15 дараҷа (ба истиснои ВМКБ) паст шуда, дар баъзе ноҳияҳо меғ мефарояд.

Тавре АМИТ "Ховар" аз қавли Ожонси ҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, 22 январ  дар баъзе минтақаҳои ноҳияҳои тобеи марказ ва вилояти Хатлон бориши пуршиддат пешбинӣ мешавад.

Ба Тоҷикистон гармӣ меояд - пешгӯии дақиқи ҳавошиносон барои ҳафтаи нав

Вазиши бод аз самти ғарб бо шиддати то 15-20 метр дар як сония дар назар аст.

"Бо сабаби воридшавии анбӯҳи ҳавои намноки баҳримиёназаминӣ ва ҳавои сард аз самти урупоии Русия дар минтақаҳои алоҳидаи кӯҳии ноҳияҳои тобеи ҷумҳурӣ буҳрони барфӣ, яхбандӣ, дар роҳҳои нақлиётгард пайдоиши қабати барф ва яхбандӣ аз эҳтимол дур нест", омадааст дар хабарнома.

Дар ноҳияҳои водигии ҷумҳурӣ часпидани барфи тар ба ноқилҳои барқӣ ва шохи дарахтон дар назар буда, дар роҳҳои нақлиётгард пайдо шудани қабати барф пешгӯӣ мешавад.

200
Барчаспҳо:
номусоид, Тоҷикистон, Русия, сардӣ, обу ҳаво
Драка, архивное фото

Рашки шавҳар: таҳдиди куштори марди 60-сола ва зани 31-сола

126
(Таҷдидшуда 13:21 20.01.2021)
Вазорати умури дохилии Тоҷикистон як марди 39-соларо бо иттиҳоми таҳдиди куштор боздошт кардааст

ДУШАНБЕ, 20 янв – Sputnik. Кормандони милитсия мардеро боздошт намуданд, ки ба сӯиқасд ба куштор муттаҳам дониста мешавад, хабар медиҳад котиботи ВУД Тоҷикистон.

Ба иттилои манбаъ, боздоштшуда сокини ҷамоати деҳоти Росровути ноҳияи Деваштич буда, бо гумони таҳдиди куштан ё расонидани зарари вазнин ба саломатӣ дастгир карда шуд.

Гуфта мешавад, номбурда 4 январи соли 2021, тахминан соати 06:40-дақиқа, ҳамдеҳааш марди 60-солаи сокини ҷамоати деҳоти мазкурро ба хонаи истиқоматиаш даъват намуда, бо гумоне, ки гӯё номбурда бо ҳамсараш, зани 31-сола муносибати ошиқона дорад, ба гардани ӯ ва ҳамсараш корд гузошта, таҳдиди куштан намудааст.

Вазорат мегӯяд, аз рӯи ин ҳодиса тафтишот идома дорад.

Рашк сабаби қатли ҳамсар шуд: мард ҳамсарашро 13 корд зада кушт

Ёдовар мешавем, дар гузашта низ вазорат аз рухдоди чунин ҳодисаҳо хабар дода буд, ки баъзан бо поёни ногувори қатлу куштор хотима ёфтаанд.

126
Барчаспҳо:
боздошт, Деваштич, Тоҷикистон
Намозгузорон дар масҷиди Душанбе, акс з бойгонӣ

Шарҳи расмии Кумитаи дин дар бораи хабари кушода шудани масҷидҳо

0
(Таҷдидшуда 14:04 20.01.2021)
Кумитаи дини Тоҷикистон хабарҳо вобаста ба иҷозаи фаъолияти иттиҳодияҳои динӣ, аз ҷумла масҷидҳоро шарҳ додааст

ДУШАНБЕ, 20 янв — Sputnik. Қарори Ситоди ҷумҳуриявӣ дар мавриди иҷозати фаъолияти масҷидҳо ҳанӯз ба тасвиб нарасидааст, хабар дод Афшин Муқим, сухангӯи Кумитаи дини Тоҷикистон.

Ӯ афзуд, ки бо дарназардошти ба эътидол омадани вазъ ва ба эътибор гирифтани таҷрибаи кишварҳои ҳамсоя, инчунин дархости зиёди ҳамватанон, Кумитаи дин барои фаъоолияти масоҷид ба Ситоди ҷумҳуриявӣ пешниҳод ироа намудааст. Афшин Муқим таъкид кардааст, ки феълан интизори тасмими Ситоданд.

Ин дар ҳолест, ки тибқи омори расмии пешниҳоднамудаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, тайи қариб 10 рӯзи охир дар ҷумҳурӣ ягон ҳолати гирифторӣ ба коронавирус сабт нашудааст.

Ахиран хабар дода шуд, ки Ситоди ҷумҳуриявӣ аз вазорати тандурустӣ ва ҳифзи иҷтимоии аҳолӣ, Кумитаи дин, танзими анъана ва ҷашну маросим ва Шӯрои уламои Тоҷикистон дастур додааст, ки тамоми омодагиҳоро барои боз кардани масоҷиди панҷвақта ва ҷомеъро рӯи даст гиранд.

“Агар як вазъи дигари хос пеш наояд, омодагиҳо барои боз кардани масҷидҳо аз 1 феврали соли равон бояд гирифта шаванд”, - гуфт манбаъ.

Ситоди ҷумҳуриявии ҷилавгирӣ аз "вируси корона" ё COVID-19 – и Тоҷикистон бори аввал 4 марти соли равон дастури қатъи намозгузориҳо дар масҷидҳои панҷвақта, ҷомеъ ва ҷамоатхонаҳои Тоҷикистонро содир намуда, 20 март дубора дастури боз кардани онҳоро дода буд.

Аммо як моҳ расо нашуда, 18 апрел Шӯрои уламои Тоҷикистон ба хотири ҷилавгирӣ аз густариши "вируси корона" эълон кард, ки дигарбора дари масҷидҳо баста хоҳанд шуд.

Азбаски ин тасмим қабл аз моҳи шарифи Рамазон гирифта шуд, баргузории намози таровеҳ ва ҳатто намозу идгардаки моҳи Рамазон низ манъ шуд.

Дар замони пандемияи “вируси корона” тамоми масоҷид дар олами ислом, ҳатто Масҷиди Ҳарому Масҷиди Набавӣ ва Масҷиди ақсо ҳам баста шуданд.

Вазорати тандурустӣ ва ҳифзи иҷтимоии Тоҷикистон ҳудуди 10 рӯзи охир эълон медорад, ки ягон мавриди гирифторӣ ба “вируси корона” дар кишвар расман сабт нашуда, ягон нафар ҳам дар шифохонаҳои ин кишвар бо ин ташхис бистарӣ нест ва ин вазъ роҳро барои боз кардани дари масҷидҳо боз кардааст.

0
Барчаспҳо:
масҷид, кумитаи дин, Тоҷикистон