Снятие показаний с приборов учета электроэнергии, архивное фото

Сангвор: сокинон қарзи барқро пурра пардохт карданд

48
(Таҷдидшуда 11:57 21.01.2021)
То 17 декабри соли 2020 қарзи истифодаи қувваи барқ дар ноҳияи Сангвор 184 ҳазор сомониро ташкил медод, ки аз ин 119 ҳазор сомонӣ аз аҳолӣ ва 65 ҳазор сомонӣ аз қитъаи техникии  ҶСК "Тоҷиктелеком" ва боқимондаи он аз нуқтаҳои мавҷфиристандаи шабакаҳои телевизионӣ буд

ДУШАНБЕ, 21 янв— Sputnik. Сокинони ноҳияи Сангвор қарзи қувваи барқро пурра пардохт карданд, хабар медиҳад "Ховар".

Дар ноҳияи Сангвор ҷиҳати сарфаву сарриштакорона истифода бурдани неруи барқ, истифодаи таҷҳизоти каммасрафи барқӣ, ғайриқонунӣ истифода накардани қувваи барқ, баргардонидани маблағҳои истифодаи неруи барқ дар 5 ҷамоати деҳоти ноҳия гурӯҳҳои корӣ корҳои фаҳмондадиҳиро пурзӯр намуданд, ки дар натиҷа  қарзи истифодаи қувваи барқ аз ҳисоби аҳолӣ пурра пардохт гардид.

Гуфта мешавад, ки то 17 декабри соли 2020 қарзи истифодаи қувваи барқ дар ноҳияи Сангвор 184 ҳазор сомониро ташкил медод, ки аз ин 119 ҳазор сомонӣ аз аҳолӣ ва 65 ҳазор сомонӣ аз қитъаи техникии  ҶСК "Тоҷиктелеком" ва боқимондаи он аз нуқтаҳои мавҷфиристандаи шабакаҳои телевизионӣ буд.

То 1 январи соли 2021 қарзи барқ  аз ҳисоби аҳолӣ пурра баргардонида шуд. Қарзҳои боқимонда мавриди баррасӣ қарор гирифта, дар ҳамкорӣ бо якдигар ҳатман баргардонида мешаванд.

Дар ин давра дар ҳудуди ноҳия зиёда аз 41 ҳазор киловатт-соат қувваи барқ сарфа карда  шудааст.

Ҳамчунин дар ҷамоатҳои деҳоти ноҳия барои эҳтиёҷи аҳолӣ дар ҳудуди ноҳия 14 нуқтаи фурӯши ангишт ташкил карда шудааст, ки 5 нуқтаи он барои фурӯши ангишти сайёр мебошад.

Ба гуфти масъулини Мақомоти иҷроияи ҳокимияти давлатии нҳияи Сангвор, то якуми январи соли равон дар ин нуқтаҳои фурӯши ангишт 154 тонна ангишти кони Айнӣ мавҷуд буда, як кг ангишт бо нархи як сомонӣ  фурӯхта мешавад.

Дар Душанбе марде барқро ба фурӯшандаҳо бо нархи баланд фурӯхтааст. Ӯро боздошт карданд

Дар ин давра аз ин нуқтаҳои фурӯши ангишт барои гузаронидани давраи зимистон аҳолии ноҳия ба миқдори 620 тонна ангишт харидорӣ намудаанд. Инчунин сокинони ноҳия аз ҳисоби чорвои хонагӣ ва ҳезуми хушк ба миқдори 8000 метри кубӣ сӯзишвории биологӣ захира намуда, имрӯзҳо дар фасли зимистон аз он истифода менамоянд.

Сокини Ҷамоати деҳоти Тавилдараи ноҳияи Сангвор  Мадина Қурбонова иброз дошт, ки “истифодаи сӯзишвории биологӣ ва ангишт барои гармии хона, пухтани хӯрок ва гарм намудани об барои оила фоидаовар мебошад. Дар оила мо пурра аз ангишту сӯзишворӣ истифода мебарем ва қувваи барқро танҳо барои равшанӣ сарф мекунем, ки аз ин ҳисоб ҳар моҳ зиёда аз 300 сомонӣ ба буҷаи хонавода фоида меорем”.

 

 

 

48
День 3 марта

Зодрӯзи Акашариф Ҷӯраев ва нахустин пирӯзии Майк Тайсон: имрӯзи таърих

28
(Таҷдидшуда 14:30 02.03.2021)
Рӯзи 3 март Рӯзи байналмилалии табиати ёбоӣ, Рӯзи байналмилалии нависанда буда дар Қирғизистон – Рӯзи парчами давлатӣ ва дар Судон – Рӯзи ваҳдати миллӣ мебошад

Рӯзи 3 март дар ҷаҳон чӣ рух дод

Соли 1842 дар ИМА аввалин маротиба дар таърихи ҷаҳон қонун дар бораи танзими меҳнати кӯдакон қабул карда шуд.

День 2 марта
© Sputnik/ Стас Этвеш/ Мария Вишнякова

Соли 1973 Конвенсия оид ба савдои байналмилалии намудҳои ҳайвоноти ваҳшӣ ва набототи ёбоии зери хатари нобудшавӣ қарордошта қабул гардид.

Соли 1987 боксёри машҳури америкоӣ Майк Тайсон аввалин маротиба унвони чемпиони ҷаҳонро ба даст овард.

Соли 1991 дар Латвия ва Эстония раъйпурсии умумихалқӣ баргузор гардид, ки дар он аксарияти аҳолӣ барои баромадан аз ҳайати Иттиҳоди Шӯравӣ овоз доданд.

Рӯзи 3 март дар Тоҷикистон чӣ рух дод

Соли 1992 миёни Ҷумҳурии Тоҷикистон ва Ҷумҳурии Фаронса муносиботи дипломатӣ барқарор карда шуданд.

Соли 2009  Президенти Тоҷикистон Эмомалӣ Раҳмон фармон ба имзо расониданд, ки тибқи он Муассисаи давлатии таълимии «Донишкадаи исломии Тоҷикистон» ба Муассисаи давлатии таълимии «Донишкадаи исломии Тоҷикистон ба номи Имоми Аъзам» тағйири ном кард.

Соли 2010 ФИФА рӯйхати нави раддабандии худро нашр намуд. Дар раддабандии мазкур дастаи мунтахаби Тоҷикистон  20 зина боло рафта, беҳтарин ҳисобида шуд ва мақоми 128-умро ишғол кард.

Соли 2010 дар ноҳияи Ёвон  бо иштироки Эмомалӣ Раҳмон корхонаи саноатии истеҳсоли борхалтаҳо ба кор дароварда шуд, ки дар як сол метавонад то 10 миллион борхалта барои гирифтани орд, ғалла, намак ва дигар ашёи рўзгор истеҳсол намояд.

Соли 2014 дар шаҳри Душанбе ҷаласаи муштараки  навбатии ҳайатҳои ҳукуматии  Ҷумҳурии Тоҷикистон ва Ҷумҳурии Қирғизистон баргузор гардид.

Соли 2017 Эмомалӣ Раҳмон ба муносибати 25-умин солгарди барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Фаронса ба Президенти ин кишвар Франсуа Жерар Жорж Олланд барқияи табрикӣ ирсол намуд, ки дар он, аз ҷумла, омадааст: "Мо аз он қаноатмандем, ки тӯли ин солҳо муносибатҳои байнидавлатӣ ва ҳамкории гуногунарсаи судманди кишварҳоямон ба таври муассир густариш ёфта, тобишҳои ҷадиду созанда пайдо кардаанд. Тоҷикистон густариши ҳамкориро бо Франсия яке аз самтҳои афзалиятноки сиёсати хориҷии худ медонад".

Ҷашнҳои рӯзи 3 март

  • Рӯзи байналмилалии табиати ёбоӣ.
  • Рӯзи байналмилалии нависанда.
  • Дар Қирғизистон – Рӯзи парчами давлатӣ.
  • Дар Судон – Рӯзи ваҳдати миллӣ.

Рӯзи 3 март дар Тоҷикистон кӣ таваллуд шуд

Соли 1894 — Акашариф Ҷӯраев, ҳофизи мардумии Тоҷикистон. 

Соли 1919 — Александр Усенко, шоири русзабони Тоҷикистон. 

Соли 1940 — Баҳром Сироҷев, собиқадори соҳаи энерджии Русия.

28
Барчаспҳо:
таърих, барои имрӯз, ҷашн, Тоҷикистон
Мавзуъ
Истеҳсоли "Фолксваген" ва шомил шуданиТоҷикистон ба САҲА: имрӯзи таърих
110 сол пеш Тоҷикистонро заминҷунбии шадид ларзонду кӯли Сарез пайдо шуд: имрӯзи таърих
Мавлуди Гул Шералӣ ва ихтирои нахустин лифти электрикӣ: имрӯзи таърих
Дар Украина ҳукм қатл бекор ва дар Тоҷикистон афсарон соҳиби хона шуданд: имрӯзи таърих
Тоҷикистон ба узвияти СММ пайваст: имрӯзи таърих
Национальный банк республики Таджикистан. Архивное фото

Бонки миллӣ иҷозатномаи "Вестерн Юнион ДП Восток" ва "Амонатбонк"-ро тамдид кард

83
(Таҷдидшуда 20:26 02.03.2021)
Бонки миллии Тоҷикистон иҷозатномаи БДА "Амонатбонк" ва "Ташкилоти қарзии ғайрибонкии "Вестерн Юнион ДП Восток"-ро барои фаъолияти оператори низоми пардохтӣ ба муҳлати панҷ сол тамдид кард

ДУШАНБЕ, 2 мар — Sputnik. Тибқи қарори Раёсати Бонки миллии Тоҷикистон, тамдиди иҷозатномаи БДА ҶТ "Амонатбонк" санаи аз 26 феврали соли равон тасдиқ ёфтааст.

"Бинобар сабаби ба итмом расидани муҳлати амали иҷозатномаи БДА ҶТ "Амонатбонк" барои фаъолияти оператори низоми пардохтӣ, ба "Амонатбонк" барои фаъолияти оператори низоми пардохтии миллии "Корти миллӣ" бо роҳи тамдид ба муҳлати 5 (панҷ) сол иҷозатнома дода шуд", - таъкид доштааст Бонки милӣ.

Гуфта шудааст, ки мутобиқи қарори мазкур, иҷозатномаи БДА ҶТ "Амонатбонк", ки аз 9 феврали соли 2018 барои фаъолияти оператори низоми пардохтӣ дода шуда буд, беэътибор дониста шудааст.

Ҳамзамон роҳбарияти Бонки миллӣ Идораи низоми пардохтро вазифадор кардааст, ки дар Феҳристи операторони низоми пардохтӣ оид ба тағйироти зерин сабти дахлдорро ворид намояд.

Инчунин бо қарори Раёсати Бонки миллии Тоҷикистон аз 26 феврали соли 2021, бинобар сабаби ба итмом расидани муҳлати амали иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток" барои фаъолияти оператори низоми пардохтӣ, ба "Вестерн Юнион ДП Восток" барои фаъолияти оператори низоми пардохтии "Вестерн Юнион" бо роҳи тамдид ба муҳлати 5 (панҷ) сол иҷозатнома дода шуд.

Тибқи иттилои Бонки миллӣ дар асоси қарори зикршуда, иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток", ки аз 9 феврали соли 2018 барои фаъолияти оператори низоми пардохтӣ дода шудааст, аз эътибор соқит дониста шуд.

Ҳамчунин роҳбарияти Бонк, Идораи низоми пардохтро барои ворид намудани сабти дахлдор дар Феҳристи операторони низоми пардохтӣ вазифадор намудааст.

83
Барчаспҳо:
Амонатбонк, тамдид, иҷозатнома, Бонки миллӣ, Тоҷикистон