Рустам Эмомали и Эмомали Рахмон

Раҳмон пирӯзии Тоҷикистон бар коронавирусро эълон кард

494
(Таҷдидшуда 14:19 26.01.2021)
Эмомалӣ Раҳмон, раисиҷумҳури кишвар гуфт, сар аз оғози соли равон коронавирус дар кишвар нест шудааст

ДУШАНБЕ, 26 янв — Sputnik. Раисиҷумҳури кишвар ин нуктаро зимни паёми солонааш ба парлумон гуфт: "Мо имрӯз шукрона мекунем, ки аз оғози моҳи январ дар кишварамон бемории сироятии КОВИД – 19 аз байн рафтааст".

Раисиҷумҳур гуфт, лекин ин чунин маънӣ надорад, ки мо ба саломатии худ ва атрофиёнамон бепарвоӣ зоҳир намоем, балки чун пештара бояд ҳушёр бошем, ба қоидаҳои беҳдошти шахсиву ҷамъиятӣ эътибори ҷиддӣ диҳем ва ҳамдигарро эҳтиёт кунем.

Ӯ ҳолати дигар кишварҳоро мисол оварда изҳор дошт, ки ба ин масъала аҳолӣ бояд ҷиддӣ диққат диҳад.

Президент нобудсозии коронавирусро самараи фаъолияти табибони кишвар дониста, ба ҳамаи кормандони соҳаи тандурустӣ, махсусан, ба табибон ва ҳамшираҳои шафқат, ки дар шабу рӯзҳои авҷи бемории сироятии коронавирус ба савганди касбии худ содиқ монда, барои табобати мардуми Тоҷикистон софдилона заҳмат кашиданд ва ҷони ҳазорон нафарро наҷот доданд, аз онҳо изҳори ташаккур карду гуфт, "онҳо буданд, ки ҳазоронро аз марг эмин доштанд".

Таъсиис ниҳоди нав дар Тоҷикистон бо дастури Эмомалӣ Раҳмон

Эмомалӣ Раҳмон  таъкид кард, ки бо қарори ситоди ҷумҳуриявӣ оид ба коронавирус масҷидҳо боз шуданд ва намозгузоронро низ зарур аст, ки қоидаҳои беҳдоштиро риоя кунанд, вагарна дар он ҷое, ки риоя намешавад, баста хоҳад шуд.

Ҳоло дар соҳаи тандурустии кишвар қариб 110 ҳазор нафар кормандон фаъолият мекунанд, ки аз онҳо 75 ҳазор нафарашон табибон ва кормандони миёнаи тиббӣ буда, беш аз 68 фоизро занон ташкил медиҳанд, гуфт, президент.

494
Барчаспҳо:
маризӣ, Тоҷикистон, Эмомалӣ Раҳмон
Пассажиры в зале ожидания аэропорта в городе Худжанде

Аз рухсатии бемузди кормандон то қарзи маош: зарбаи ҷиддии пандемия ба Фурудгоҳи Хуҷанд

1
(Таҷдидшуда 17:36 25.02.2021)
Парвоз нест, даромад ҳам нест: гуфта шуд, ки COVID-19, чи қадар ба хазинаи Фурудгоҳи Хуҷанд зарба задааст

ДУШАНБЕ, 25 фев – Sputnik. Бино ба маълумоте, ки имрӯз зимни нишасти матбуотӣ ироа гардид, дар қиёс ба соли 2019, сатҳи даромади Фурудгоҳи байналмилалии Хуҷанд соли гузашта 122 милиону 848 ҳазор сомонӣ кам шудааст.

Соли 2019 ин корхонаи вилояти Суғд ба андозаи 81 миллиону 660 ҳазор сомонӣ даромади соф ба даст оварда буд.

Юсуф Маюсуфов, котиби матбуотии Фурудгоҳи Хуҷанд иброз намуд, ки ба дунболи коҳиш ёфтани сатҳи даромад ҳаҷми хароҷот ҳам дар ин давра ба маблағи 34 милиону 819 ҳазор сомонӣ кам гардид.

“Фурудгоҳ натиҷаҳои молиявии худро дар соли 2020 ба маблағи 6 милиону 368 ҳазор сомонӣ зарар ҷамбаст намудааст”, гуфт Маюсуфов.

Масъулин дар нишасти матбуотӣ иброз намуданд, ки соли 2020, аз 2592 адад ҷамъи хатсайрҳои банақшагирифташуда, танҳо 619 парвоз сурат гирифта, бо сабаби хуруҷи пандемияи COVID-19, 1979 парвози ҳавопаймоӣ иҷро нашудааст.

Фурудгоҳи Хуҷанд дар давраи ҳисоботӣ ба 152 621 мусофир хизмат расонидааст, ки ин рақам нисбат ба ҳамин давраи соли 2019, 77 % коҳиш ёфтааст.

“Соли гузашта 94 ҳазору 528 мусофир гусел карда шуда ва ҳамагӣ 58 ҳазору 93 мусофир қабул карда шудааст. Ин нишондиҳандаҳо дар муқоиса ба соли 2019, 510 ҳазору 814 мусофир кам гуфта мешавад”, гуфта шуд дар нишасти матбуотӣ.

Парвозҳо дар Фурудгоҳи байналмилалии Хуҷанд аз ҷониби ширкати ватании “Somon Air” ва ширкатҳои байналмиллалии “Сибир”, “Ют Эйр”, “Уралские авиалинии”, “Рус Аэро”, “Tianjin Airnines” ва “Bon Air Havacilik” анҷом дода шудааст.

Роҳбарони Фурудгоҳи Хуҷанд ҳамчунин гуфтанд, ки бинобар қатъ гардидани парвозҳои мунтазами ҳавопаймоӣ ва коҳиш ёфтани ҳаҷми кору хизматрасонӣ, шурӯъ аз моҳи марти соли 2020, 70 % ё ҳудуди 600 нафар аз 824 кормандро ба рухсатии бемузд фиристодаанд.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Айни ҳол маблағи қарзи музди меҳнати кормандони ин корхона ба 1 миллиону 90 ҳазор сомонӣ баробар шудааст.

Қаблан Кумитаи андози Тоҷикистон низ гуфта буд, солҳои қаблӣ бо фурудгоҳҳо мушкил дар андозсупорӣ надошт, аммо имсол Фурудгоҳи байналмилалии Хуҷанд 31 миллион сомонӣ қарздор шудааст.

Масъулин таъкид меварзанд, ки Фурудгоҳи Хуҷанд барои қабул ва гусели парвозҳои байналмилалӣ омода аст.

1
Барчаспҳо:
парвоз, фурудгоҳ, Суғд, Тоҷикистон
Памятник Ленину в городе Пенджикент

Коммунисти содиқи ҲХДТ: Шарифзода гуфт, то Муъминобод ҳаст, Ленин мемонад

174
(Таҷдидшуда 16:42 25.02.2021)
Раиси тозатаъйини ноҳияи Муъминобод ба саволи чаро ҳайкали Владимир Ленин, поягузори револютсияи сохти сотсиалистии асри пор, то ҳанӯз дар маркази ин ноҳия барқарор мондааст, посух гуфт

ДУШАНБЕ, 25 фев — Sputnik. Лутфия Шарифзода, зимни нишасти хабарияш гуфт, ки то вақте Муъминобод ҳаст, ҳайкали ӯ низ хоҳад монд, менависад, сомонаи “Пайк”.

“Мо Ленинро чун гавҳараки чашм нигаҳ медорем ва то вақте Муъминобод ҳаст, ҳайкали ӯ низ хоҳад монд”,- гуфт Шарифзода.

Ӯ ҳамзамон ба суоли оё раиса узви ҳизби коммунистанд, низ посух гуфта, изҳор доштааст, ки узви Ҳизби халқии демократии Тоҷикистон аст.

“...ман узви ҲХДТ ҳастам, аммо ба партияи коммунистӣ ва Ленин содиқам”,- таъкид кардааст Шарифзода.

Муҷассамаҳои Владимир Ленин ҳамчун мероси замони Шӯравӣ қариб дар ҳама марказҳои шаҳру навоҳии Тоҷикистонро буданд.

Тадриҷан тайи солҳои ахир онҳо барчида шуда ба ҷояшон рамзҳои муосири давлатдории Тоҷикистон ҳамзамон пайкараҳои Исмоили Сомонӣ, Садриддин Айнӣ, парчам ва ё Абуабдуллоҳи Рӯдакӣ иваз шуданд.

Нахустин ҳайкали Ленин аз майдони марказии Душанбе бо дастури шаҳрдори он замон Мақсуд Икромов дар тирамоҳи соли 1991 канда шуд, ки эътирозҳои густурдаи ҷонибдорони коммунистҳоро дар пайи дошт.

174