Худжандская инфекционная больница

Ҳеҷ кас намонд, ҳама рухсат шуданд: дар Хуҷанд охирин гирифтори COVID-19 ба хона баргашт

465
(Таҷдидшуда 12:35 27.01.2021)
Баъди бештар аз се ҳафтаи табобат дар Бемористони сироятии Суғд, воқеъ дар Хуҷанд охирин гирифтори “вируси корона” пурра шифо ёфта ба хона рухсат шудааст

ДУШАНБЕ, 27 янв – Sputnik. Нафаре, ки ахиран аз ин маризӣ дар шароити дармонгоҳ табобат мегирифт, сокини 60-солаи ноҳияи Бобоҷон Ғафуров гуфта мешуд.

Рустамҷон Бӯрибоев, сартабиби Бемористони сироятии Хуҷанд дар суҳбат ба Sputnik Тоҷикистон гуфт, ин нафар панҷ рӯз қабл баъди пурра шифо ёфтан ба хонааш рухсат дода шуд.

“Тамом шуд. Ҳама рухсат шуданд. Ҳоло ҳеҷ кас намонд, ҳама шифо ёфта ба хонаҳояшон рухсат шуданд”, гуфт сартабиб.

Бӯрибоев таъкид намуд, ки наздик ба як моҳ аст, ки муроҷиати сокинон бо ин беморӣ ба қайд гирифта нашудааст, вале барои баргардонидан Бемористони сироятӣ ба реҷаи муқаррарӣ ҳанӯз вақт аст.

Рустам Эмомали и Эмомали Рахмон
© Официальная страница пресс-службы президента РТ в Facebook

Бемористони сироятии Суғд дар умум аз панҷ шуъба ва бахшҳои ёрирасон иборат буда, дорои 270 рахт (койка) и табобатӣ мебошад.

Сартабиб гуфт, ин бемористон макони захиравӣ барои табобатии сирояти эҳтимолии “вируси корона” дар маркази вилояти Суғд то чанд моҳи дигар нигоҳ дошта хоҳад шуд.

“Хушбахтона як моҳ аст, ки муроҷиат аз ин гуна беморӣ ба қайд гирифта нашудааст. Агар ин раванд то ду моҳи дигар ҳамингуна хуб давом кунад, он гоҳ масъалаи баровардан аз қарантина матраҳ хоҳад шуд”, зикр кард Бӯрибоев.

Бемористони сироятии Суғд ва ҳам Бемористони клиникавии Суғд воқеъ дар Хуҷанд ҳарду аз дармонгоҳҳои асосӣ дар шимоли Тоҷикистон дониста мешаванд, дар замони хуруҷи пандемияи COVID-19 мақомот барои бистарикунонии гирифторони ин маризӣ роҳандозӣ намуда буданд.

Бемористони клиникавии ба номи С. Қутфиддинов баъди 7 моҳи давраи қарантинӣ сар аз рӯзи 20 декабри соли 2020 ба далели ба таври қобили мулоҳиза кам шудани шумори гирифторӣ ба "вируси карона" пурра ба реҷаи муқаррарӣ гузашт.

Бар пояи иттилоъи Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст.

Сомонаи covid.tj и Вазорати тандурустӣ иттилоъ медиҳад, ки расман бори охир дар Тоҷикистон рӯзи 10 январ се ҳолати гирифторӣ ба коронавирус сабт шуда, дигар наздик ба як моҳ инҷониб сироятшавӣ дар кишвар ба қайд гирифта нашудааст.

Бино ба омори Вазорати тандурустии Тоҷикистон дар ҷумҳурӣ то ин сана дар умум 13 ҳазору 308 нафар гирифтори коронавирус шудаанд, ки 13 ҳазору 218 нафар аз ин шумор шифо ёфта, танҳо 0,7 дарсад бар асари ин маризӣ ҷон додаанд.

Теъдоди умумии фавтидагон бар асари коронавирус 90 нафар арзёбӣ мешавад.

465
Барчаспҳо:
табобат, бемор, Хуҷанд, вируси корона
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

893
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

893
Барчаспҳо:
Хоруғ, фурудгоҳ, Тоҷикистон

Дар Исфара яхдони "гармӣ" пайдо шуд - навор

434
"Ниёз дошта бошед, бигиред. Тавоно бошед, гузоред!" , навишта шудааст дар шишаи он, ки Яхдони меҳрубонӣ ном дорад

ДУШАНБЕ, 28 фев – Sputnik. Дар Исфара яхдоне пайдо шуд, ки дилҳоро нарму гарм мекунад, хабар медиҳанд шоирона расонаҳои маҳаллӣ.

Бино бар иттилои манобеъ, гап дар бораи "Яхдони меҳрубонӣ" меравад, ки барои ниёзмандон ташкил шудааст.

"Яхдони меҳрубонӣ" дар маркази шаҳри Исфара ҷиҳати дастгирии оилаҳои камбизоат  гузошта шудааст.

Аз он ҳамарӯза нафарони ниёзманд метавонанд ба таври ройгон маводи озуқа дастрас намоянд.

Ин амали нек аз ҷониби кормандони филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара роҳандозӣ гардидаву яхдони мазкур маҳз дар пешорӯи ҳамин ташкилот гузошта шудааст.

Дар рӯи яхдони меҳрубонӣ, ки дохилаш пур аз анвои гуногуни маводи озуқа мебошад, навишта шудааст, ки "Ниёз дошта бошед, бигиред. Тавоно бошед, гузоред!"

Сарвари филиали ҶСП Ташкилоти амонатии қарзии хурди "ИМОН Интернешнл" дар шаҳри Исфара Абдуваққос Фаёзов мегӯяд, ки яхдон  аз ҳисоби ташкилот ва кормандони он бо маводи хӯрока пур карда мешавад.

Лекин нафарони дигари хайрхоҳу саховатманд низ метавонанд дар доираи қудрат ва тавон бидуни ҳеҷ як мушкилӣ тавассути ин яхдон ба ашхоси ниёзманд кумаки амалӣ расонанд.

Нони бепул ба ниёзмандон: иқдоми рамазонии "Амид" дар Хуҷанд

Дар "ИМОН Интернешнл", умед бар он доранд, ки "Яхдони меҳрубонӣ" дили афроди дороро нисбат ба мушкилоти ниёзмандон нарму қалби нафарони камбизоатро ба зиндагӣ гарм месозад.

434