Самарканд, архивное фото

Коронавирус ҳам монеа нашуд: сафари 330 ҳазор сайёҳи тоҷик ба Ӯзбекистон дар соли 2020

320
(Таҷдидшуда 13:10 27.01.2021)
Дар соли 2020 беш аз 330 ҳазор аз атбои Тоҷикистон ба унвони сайёҳ ба Ӯзбекистон сафар кардаанд

ДУШАНБЕ, 27 янв — Sputnik. Сафари сайёҳони хориҷӣ ба Ӯзбекистон дар соли 2020 ба далели густариши вируси корона дар муқоиса бо соли 2019 наздик ба 78 дарсад коҳиш ёфтааст, иттилоъ додааст радиои тоҷикии Садои Хуросон дар истинод ба сомонаи Комитети давлатии омори Ӯзбекистон.

Гуфта мешавад, ки байни кишварҳои ҳамсоя аз ҳама бештар қирғизҳо ба теъдоди 508 ҳазор нафар ба унвони сайёҳ дар соли 2020 вориди Ӯзбекистон шудаанд.

Дар мақоми дувуми қаззоқҳо қарор доранд, ки 421 ҳазор нафар ба Ӯзбекистон дар соли 2020 сафар кардаанд.

Атбои Тоҷикистон низ бо 330 ҳазор нафар дар радифи сеюм қарор гирифтаанд.

Аммо дар соли 2020 ва умдатан то замони оғози густариши Ковиди 19 ва баста шудани марзҳо 410 ҳазор хориҷӣ ба Тоҷикистон ба унвони гардишгар сафар кардаанд, ки дар муқоиса бо соли 2019 коҳиши 909 ҳазор нафариро нишон медиҳад.

Аксар ин гардишгарон атбоъи Ӯзбекистон, Русия, Қирғизистон, Қазоқистон, Афғонистон, Туркия, Чин, Эрон ва Амрико будаанд.

320

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

97
(Таҷдидшуда 20:56 04.03.2021)
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва суханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

97
Женщина на прогулке с ребенком

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

157
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровард

ДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.

Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.

Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.

Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.

"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.

Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.

Тақвими рӯзҳои Ид дар Тоҷикистон дар соли 2021

Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.

157
Барчаспҳо:
Рӯзи модарон, маблағ, Рустами Эмомалӣ, Душанбе
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

363
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

363
Барчаспҳо:
сафар, Тоҷикистон, раисҷумҳур, Қирғизистон