ОАО Таджик Эйр, архивное фото

Пирӯзии “Тоҷик Эйр” бар “Скайроуд Лизинг” дар додгоҳи ИМА барои 20 миллион доллар

2438
(Таҷдидшуда 12:58 29.01.2021)
Додгоҳи Амрико дархости ширкати литвонии “Скайроуд Лизинг”, ки тули чанд сол аст бо ширкати милли ҳавопаймоии Тоҷикистон “Тоҷик Эйр” баҳси додгоҳӣ дорад, ахиран рад кардааст

ДУШАНБЕ, 29 январ - Sputnik. Тибқи иттилои пойгоҳи “РАПСИ” додгоҳи федералии Ҳавзаи Колумбия дархости ширкати ҳавопаймоии миллии "Тоҷик Эйр" -ро қонеъ карда, баррасии аризаро дар бораи эътироф ва иҷрои ҳукми ҳакамӣ нисбати он ба маблағи беш аз 20 миллион доллар рад кард.

Ёдовар мешавем, қаблан ширкати литвонии ширкати “Скайроуд Лизинг” аз болои “Тоҷик Эйр” барои пардохт накардани 20 миллион доллар қарзаш шикоят карда, хостори баррасии парванда шуда буд. 

Ин чорумин суд буд ки дар он парвандаи ду ширкат баррасӣ мешавад. Қаблан баҳси ширкати "Тоҷик Эйр" бо "Скайроуд Лизинг" дар Додгоҳи арбитражӣ ё ҳакамии Вилнюс баъдан дар Душанбею Маскав баррасӣ шуда буд ва ахиран ин баҳс ба Амрико низ  расид.

“Скайроуд Лизинг” дар додгоҳи ИМА шарҳ додааст, ки қарори Суди ҳакамии тиҷоратии Вилнюс то ҳол иҷро нашудааст.

Ширкати "Тоҷик Эйр" дар навбати худ исрор меварзид, ки аризаи “Скайроуд Лизинг” бояд бо далелҳои мурофиавӣ бидуни баррасӣ гузошта шавад.
Тибқи иттилои ширкати ҳавопаймоӣ, “Скайроуд Лизинг” тартиби огоҳии судӣ тибқи талаботи Қонуни дахлнопазирии соҳибихтиёрии хориҷиро риоя накардааст.
Ғайр аз он, ширкати ҳавопаймоии "Тоҷик Эйр" оид ба радди ариза дар бораи эътирофи ҳукми ҳакамӣ бо ишора ба банди панҷуми Конститутсияи ИМА исрор варзид.

Тибқи маводи парванда, сабаби баҳс, қарзи пардохти ҳармоҳаи 149 ҳазор доллар барои иҷораи ду ҳавопаймои Боинг аз ҷониби ширкати ҳавопаймоии “Тоҷик Эйр” ва баҳраву ҷаримаҳо мебошад, ки дар умум 20 миллион доллар шудаанд.

Ширкати ҳавопаймоии “Тоҷик Эйр” бо ширкати “Скайроуд Лизинг” аз соли 2009 ҳамкориро ба роҳ монда, ду ҳавопаймои "Боинг"-ро тариқи лизинг ба иҷора гирифта буд.

Аммо соли 2017 “Скайроуд Лизинг” ширкати “Тоҷик Эйр” - ро ба напардохтани  20 миллион доллар қарз ва баҳраву ҷаримаҳо муттаҳам карда, ба додгоҳ кашид, вале ширкати тоҷикӣ ин даъворо беасос хонд.
Додгоҳи арбитражӣ шаҳри Вилнюс 25-уми апрели соли 2018 қарор кард, ки “Тоҷик Эйр” ин маблағро пардохт кунад.

Дар пайи ин шикояти ширкати тоҷикӣ бошад ба додгоҳи Литва рад карда шуд ва додгоҳҳои Тоҷикистон низ қарори Додгоҳи Вилнюсро эътироф накарданд.

Масъулини ширкати “Тоҷик Эйр” он замон сабаби бохташонро дар ин марҳалаи додгоҳӣ ба ҳуқуқшиноси ширкат Зафар Ҳафизов рабт дода буданд, ки бо 180 ҳазор сомонӣ пули ширкат фирор кардаву дар додгоҳ ширкат накардааст.

Парвандаи мазкур бо дархости ширкати литвонӣ ахиран дар додгоҳи Маскав баррасӣ мешуд ва ҳатто дар Русия як ҳавопаймои ширкатро ба ҳабс гирифта буданд.

Мушкилоти ширкати "Тоҷик Эйр" замоне ташдид шуд, ки Эмомалӣ Раҳмон раисҷумҳури Тоҷикистон дар моҳи декабри соли 2018 дастури бозрасии амалкарди молии ширкатро содир кард.

Пул нест: "Тоҷик Эйр" 200 кормандашро мураххас кард

Раисҷумҳури Тоҷикистон ба Ожонси давлатии мубориза бо фасоди молии ин кишвар дастур дода буд мавзӯи харидории як ҳавопаймои Боинг-767 гаронтар аз нархи воқеии онро аз сӯи ин ширкат ва санадсозӣ дар ин мавридро бозрасӣ кунад.

Ҳамчунин Эмомалӣ Раҳмон, рушан шудани моҷарои 3 моҳ пардохт нашудани ҳуқуқи кормандони ин ширкат, таъхир дар пардохти ҳақи истифода аз фурудгоҳи Душанбе ва қарзи молии он ба ширкати воҳиди сӯзишворӣ дар фурудгоҳҳоро хостор шуда буд. Ширкати "Тоҷик Эйр" ба ҳамин далел таи соли 2019 тамоми парвозҳои худро қатъ кард.

Ахиран муовини аввали мудири ширкати "Тоҷик Эйр" Азизмамад Қурбонов гуфт, ки соли 2019 шумораи кормандони ширкат 525 нафарро ташкил медод ва дар соли 2020 он ба 272 нафар поин омад.

Қурбонов қайд кард, ки ширкат то имрӯз 11,1 миллион сомонӣ маоши кормандони худро пардохт накардааст.

"Тоҷик Эйр" рухсат кардани кормандонашро шарҳ дод

Ҳоло дар Тоҷикистон ду ширкати ватанӣ "Сомон Эйр" ва "Тоҷик Эйр" фаъол буда, дар баробари инҳо 15 ширкати хориҷӣ низ ба мусофиркашонӣ машғул аст.

2438
Барчаспҳо:
Литва, Амрико, Тоҷикистон, ширкати "ТоҷикЭйр", ширкати ҳавоӣ, парванда, додгоҳ
Женщина на прогулке с ребенком

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

18
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровард

ДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.

Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.

Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.

Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.

"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.

Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.

Тақвими рӯзҳои Ид дар Тоҷикистон дар соли 2021

Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.

18
Барчаспҳо:
Рӯзи модарон, маблағ, Рустами Эмомалӣ, Душанбе
Джахонгир Эргашев, архивное фото

Ҷаҳонгир Эргашев аз "Хуҷанд" рафт: корномаи варзишияшро дар Ӯзбекистон идома медиҳад

121
(Таҷдидшуда 18:50 04.03.2021)
Ҷаҳонгир Эргашев, футболбози шинохтаи тоҷик корномаи варзишиашро дар Ӯзбекистон идома медиҳад

ДУШАНБЕ, 4 март - Sputnik. Бино ба иттилои Федератсияи футболи Тоҷикистон, футболбози тоҷик бо тими "Қизилқум" –и Ӯзбекистон шартнома баст.

Ба иттилои манбаъ, муҳлати шартномаи Ҷаҳонгир Эргашев то охири мавсими ҷорӣ буда, ҳамакнун ӯ дар Суперлигаи Ӯзбекистон бозӣ мекунад.

Ҷаҳонгир Эргашеви 26-сол дошта нимҳимоятгари тими миллии Тоҷикистон мебошад ва яке аз футболбозони умедбахши кишвар гуфта мешавад

Тими охирини Эргашев “Хуҷанд” буд, ки ӯ бо он даста медали нуқраи Чемпионати Тоҷикистонро дар мавсими гузашта ба даст овард.

Қабл аз “Хуҷанд” ӯ дар тими "Саиф Спортинг Клуб"-и Бангладеш бозӣ мекарда ва тобистони гузашта дубора ба ин дастаи аввалааш баргашт.

Восиев, футболбози тими миллии Тоҷикистон ба "Тамбов" гузашт

Ҷаҳонгир Эргашев дастпарвари футболи Суғд аст. Фаъолияти касбии худро дар “Хуҷанд” оғоз кардааст. Дар ҳайати асосӣ "Хуҷанд"  ӯ чаҳор маротиба ноиби чемпиони кишвар (2015, 2017, 2018, 2019) ва барандаи Ҷоми Тоҷикистон (2017) шуд.

Президенти ФФТ ба деҳот рӯй овардааст: ташкили лига ва чемпионати нав

Ёдовар мешавем, авохири моҳи гузашта ҳимоятгари дастаи мунтахаби Тоҷикистон, Фарҳод Восиев бо бошгоҳи футболи "Тамбов" шартнома баст.

121
Самолет компании Сомон Эйр, архивное фото

Рӯзи барқароршавии парвозҳо байни Тоҷикистону Қазоқистон маълум шуд

0
(Таҷдидшуда 20:02 04.03.2021)
Қазоқистон санаи барқарор шудани парвозҳои мунтазам байни Душанбе ва Алмааторо эълон кард, парвозҳоро ширкати "Эйр Астана" ва "Сомон Эйр" анҷом медиҳанд

ДУШАНБЕ, 4 мар — Sputnik. Қазоқистон санаи азсаргирии парвозҳои мунтазам аз Алмаато ба Душанберо номбар кард.

Тибқи иттилои хадамоти матбуоти Вазорати саноат ва рушди инфрасохтори ҷумҳурӣ, аз 14 марти соли 2021 ширкати "Эйр Астана" ба нақша гирифтааст, ки парвозҳои мунтазамро байни пойтахтҳои Қазоқистон ва Тоҷикистон оғоз кунад.

Ин тасмим бар асоси вазъи эпидемиологии коронавирус дар Тоҷикистон ва Қазоқистон гирифта шудааст. Парвозҳо дар масири Алмаато - Душанбе - Алмаато ҳафтае як маротиба анҷом меёбанд. Тибқи ҷадвал, парвоз рӯзҳои якшанбе сурат мегирад", - омадааст дар хабари вазорати Қазоқистон.

Қарор аст, аз ҷониби Тоҷикистон парвози аввал рӯзи 18 март сурат гирад. Парвозҳо ҳафтае як маротиба рӯзҳои панҷшанбе анҷом дода мешаванд. Ин масирро ширкати миллии "Сомон Эйр" иҷро мекунад.

Раиси фурудгоҳи Внуково гуфт, кай парвозҳо миёни Тоҷикистону Русия барқарор мешавад

Ёдовар мешавем, ки Тоҷикистон аз 20 марти соли гузашта бинобар пандемияи коронавирус парвози мунтазамро бо тамоми кишварҳо қатъ карда буд.

Истисноҳо парвозҳои махсус барои шаҳрвандони ҷумҳурӣ буданд.

0
Барчаспҳо:
парвоз, Қазоқистон, Тоҷикистон