Праздник Сада в Душанбе

Фардо дар Душанбе ҷашни Сада таҷлил мешавад

209
(Таҷдидшуда 18:03 30.01.2021)
Бори аввал дар доираи таҷлили ҷашни Сада дар шаҳри Душанбе, имконоти сайёҳии Тоҷикистон ба намоиш гузошат мешавад

ДУШАНБЕ, 30 янв — Sputnik. Фардо дар Боғи фарҳангӣ-фароғатии ба номи Абулқосим Фирдавсии шаҳри Душанбе ҷашни Сада таҷлил мешавад.

Ин бор дар радифи намоиши ниҳолу, зироати кишоварзӣ, ҳунарҳои мардумӣ, бо иқдоми Кумитаи рушди сайёҳии назди Ҳукумати ҷумҳурӣ гушаи имкониятҳои сайёҳии кишвар пешниҳоди иштирокорони тантанаҳои идона мегардад, хабар медиҳад АМИТ "Ховар".

Гуфта мешавад, дар гӯшаи сайёҳӣ бори аввал намоиши мастер класҳои ҳунармандӣ, рӯнамои сайёҳии кишоварзӣ, кулолгарӣ, заргарӣ,  малакаи сайёҳӣ, викторина барои тамошобинон намоиши автомобилҳои сайёҳӣ, милитсияи сайёҳӣ, велосипедҳо, имкониятҳои сайёҳии куҳнавардию лижатозӣ ва кемпинги сайёҳӣ аз хаймаҳо пешкаши дӯстдорони сайру саёҳат гардонида мешавад.

Иди борон? Дар Тоҷикистон боз як ҷашни қадимиро роҳандозӣ мекунанд

Ҳамчунин бо ташаббуси Кумитаи рушди сайёҳии назди Ҳукумати  ҷумҳурӣ маводҳои иттилоотии сайёҳӣ, бо забонҳои тоҷикию русӣ ва англисӣ ба меҳмонон ва дӯстдорони сайру саёҳат тақдим мегардад.

"Дар намоишгоҳ маводи иттилоотию тарғиботии сайёҳӣ, имкониятҳои хизматрасонии ширкатҳои сайёҳӣ вобаста ба намудҳои афзалиятноки соҳа ва эҷодиёти донишҷӯёни Донишкадаи сайёҳӣ, соҳибкорӣ ва хизмат, инчунин бахши сайёҳии Коллеҷи муҳандисию омӯзгории шаҳри Душанбе  ба  тамошо гузошта мешаванд",- омадааст дар хабарнома.

Ҷашни Сада яке аз ҷашнҳои мавсимию маросимии мардуми ориёитабор, аз ҷумла тоҷикон буда, он ҳамчун ҷашни  омодагӣ ба кишту кори баҳорӣ ва муждаи Наврӯз истиқбол мегардид.

209
Барчаспҳо:
Душанбе, таҷлил, ҷашн

Боздошти силоҳфурӯш дар Душанбе: муштариёни ӯ ноболиғон ҳастанд

0
Эмомов иқрор шудаст, ки ашёи мазкурро ба хотири ба даст овардани маблағ ба фурӯш мегузорад ва муштариёни ӯ асосан ноболиғон ҳастанд

ДУШАНБЕ, 25 фев — Sputnik. Кормандони РВУД дар шаҳри Душанбе ҷавонеро боздошт намуданд, ки ғайриқонунӣ ба фурӯши силоҳи сард машғул будааст.

Ба иттилои котиботи раёсати мазкур, боздоштшуда Эмомов Алиакбари 26 - сола, сокини ноҳияи Рӯдакӣ мебошад ва зимни баргузор кардан амалиёти "Корд" аз ҷониби кормандони милитсия дастгир шудааст.

Номбурда, дар кӯчаи Убайди Зоконии пойтахт бар хилофи талаботи қонунгузорӣ фурӯши ашёи таркибан силоҳмонандро ба роҳ мондааст.

Манбаъ меафзояд, зимни азназаргузаронии фурӯшгоҳи Эмомов, зиёда аз 30 адад чунин ашёи ба сифати силоҳи сард истифодашаванда дарёфт ва мусодира карда шуд.

Зимнан, Алиакбар иқрор шудаст, ки  силоҳро танҳо ба хотири ба даст овардани даромад ба фурӯш гузоштааст. Ӯ таъйид намуд, ки харидорони асосии ӯ ноболиғон ҳастанд.

"Ҷовонону ноболиғон ин қабил ашёро на ба хотири истифодаи хоҷагӣ, балки бо мақсади бо худ нигоҳ доштану тарс додани рақибони худ мехаранд, ки оқибати фалокатбори он ба ҳамагон маълум аст", - таъкид мешавад дар хабар.

Мусодираи силоҳи оташфишон аз сокини Турсунзода: "барои ҳимояи оилаам харидам"- навор

РВУД дар шаҳри Душанбе мегӯяд,нисбати Эмомов санади маъмурӣ тартиб дода шуда, ба ӯ ҷазо дар намуди ҳабси маъмурӣ ба муҳлати 5 шабонарӯз таъйин карда шуд.

0
Барчаспҳо:
силоҳ, фурӯшанда, боздошт, Душанбе
Президент Республики Таджикистан Эмомали Рахмон

Раҳмон имзо кард: стипендия донишҷӯ, магистр ва аспиранту докторантҳо 30% зиёд мешавад

6
(Таҷдидшуда 10:39 25.02.2021)
Эмомалӣ Раҳмон, раисиҷумҳури кишвар фармони боло бурдани андозаи стипендияи донишҷӯёни муассисаҳои таҳсилоти олии касбӣ ва миёнаи касбии кишварро имзо гузошт

ДУШАНБЕ, 25 фев — Sputnik. Тибқи иттилои дафтари матбуотии президент, бо мақсади дастгирии давлатӣ ва тақвияти вазъи иҷтимоии донишҷӯён чунин фармон судур шуда, ҳамзамон бар асоси он стипендияи магистр, аспиранту докторантҳо низ боло хоҳад рафт.

Открытие нового здания факультета политики и государственного управления Государственного университета Бохтара
© Официальная страница пресс-службы президента РТ в Facebook

Бар асоси фармони раисиҷумҳур, аз 1 сентябри соли 2021 андозаи стипендияҳои амалкунандаи донишҷӯёни муассисаҳои таҳсилоти олии касбӣ ва миёнаи касбӣ, инчунин магистр, аспирант ва докторантҳо ба андозаи 30 фоиз зиёд карда мешавад.

Аммо гуфта мешавад, ки ин ба стипендияи президентӣ, курсантҳои донишгоҳҳои олии ҳарбӣ ва Академияи ВКД дахл надорад.

Ҳамзамон Ҳукумати Ҷумҳурии Тоҷикистон масъул гаштааст, ки ҷиҳати амалигардонии фармони мазкур тадбирҳои зарурӣ андешад.

6
Барчаспҳо:
донишҷӯ, стипендия, фармон, Раҳмон