Кумитаи муҳити зист дар бораи ҳамлаи бабри барфӣ ба чорво дар ВМКБ: мардум гунаҳкоранд?

651
(Таҷдидшуда 13:52 02.02.2021)
Кумитаи ҳифзи муҳити зисти назди Ҳукумати Тоҷикистон ҳодисаҳои ҳамлаи бабри барфӣ ба хоҷагиҳо дар ВМКБ-ро шарҳ дода, далели онро вайрон шудани экосистемаи ҳайвони ваҳшӣ арзёбӣ кард

ДУШАНБЕ, 2 фев— Sputnik. Убайдулло Акрамов, муовини раиси Кумитаи ҳифзи муҳити зист дар рафти нишасти матбуотӣ бо изҳори таассуф аз вайрон шудани экосистемаи барбҳои барфӣ дар Тоҷикистон гуфт.

Ба қавли ӯ, ҳамлаҳои ҳамасолаи ин ҳайвони ваҳш ба хоҷагиҳои сокинони Бадахшон маҳз аз ҳамин сабаб аст. 

"Бабри барфӣ экосистемаи худашро аз даст дода истодааст. Ҳамлаҳои вай ба хоҷагиҳои сокинон - огоҳии ӯ мебошад, ки муҳити маро нарасед", - қайд мекунад Акрамов.

Намояндаи кумита вайрон шудани экосистемаи озодапалангҳои барфиро аз зиёд шудани чорвои мардум медонад. Ӯ мегӯяд, мардуми минтақа ҳайвоноти худро бояд ба саҳро набароранд, дар хона парвариш кунанд.

"Мардум чорворо бояд дар хонаҳошон нигоҳ доранд, онҳо бошанд ба саҳро мебароранд. Дар натиҷа бабри барфӣ аз партови чорво ба маҳалҳо ҳуҷум мекунад. Агар онҳо чорворо ба саҳро набароранд, ҳамин ҳодисаҳои ҳамла рух намедиҳад", - таъкид мекунад вай.

Зимнан, ба гуфтаи Акрамов, дар мамнӯгоҳи Зӯркӯл барои хоҷагии чорво 300 ҳазор гектар ҷудо шудааст, аммо сокинон аз он истифода намекунанд.

Бабри барфӣ дар Ишкошим 45 сар гӯсфандро хӯрду ба дом афтод

Ба гуфтаи намояндаи Кумитаи ҳифзи муҳити зист, ҳамлаи бабри барфӣ аз асри 17 мушоҳида мешавад.

"Чор аср мешавад, ки ба ҳамлаи бабр ба назар мерасад, ӯ беҳуда ҳуҷум намекунад. Маҷбур аст, ки аз хатар ёдрас кунад. Барои ҳамин ҳам на як гӯсфанд, балки 40 чорворо талаф додааст", - таъкид мекунад Акрамов.

Ҷуброн ҳамагӣ 300 сомонӣ

Кумитаи ҳифзи муҳити зист тасмим гирифтааст, ки ба сокинон барои талафоти чорво ҷуброн пешниҳод кунад. Ба гуфтаи Убайдулло Акрамов ҷубронпулӣ 300 сомониро барои ҳар як сари чорво ташкил медиҳад.

Дар ҳамин ҳол, намояндагони кумита дар посух ба суоли он ки дар кадом асос ин миқдор маблағ муайян шудааст, гуфтанд, ки "кумита дар доираи имкониятҳои молияш" ин миқдор маблағро медиҳад.

Ёдрас мешавем, охирҳои моҳи январ хабар дода шуд, ки дар ноҳияи Ишкошими Вилояти Мухтори Кӯҳистони Бадахшон, ба сокини маҳаллӣ бабри барфӣ хисороти калон расонд.

Бабри оварда аз Тоҷикистон ба Русия бо наслаш ба навор афтод-видео

Озодапаланг ба оғилхонаи сокини ин ноҳия ворид шуда, дасти кам 45 сар ҳайвони шохдори майдаро ба ҳалокат расонидааст.

Зимнан, аз ҷониби кормандони бахши муҳити зист, озодапаланг дастгир гардида, бидуни расонидани осеб ва тибқи коидаҳои бехатарӣ ба минтақаи кӯҳӣ интиқол дода шудааст.

651

Раҳмон: CASA 1000 миёни Осиёи Марказӣ ва Ҷанубӣ иқдоми саривақтист

14
Раисҷумҳури Тоҷикистон дар 14-умин Саммити Созмони ҳамкории иқтисодӣ иштирок ва сузханронӣ кард

ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.

Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.

Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.

Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.

Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.

Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.

Покистон мехоҳад созишномаи тарҳи CASA - 1000 - ро ислоҳ кунад

Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.

Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.

14
Женщина на прогулке с ребенком

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

75
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровард

ДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.

Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.

Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.

Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.

"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.

Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.

Тақвими рӯзҳои Ид дар Тоҷикистон дар соли 2021

Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.

75
Барчаспҳо:
Рӯзи модарон, маблағ, Рустами Эмомалӣ, Душанбе