Здание энергохолдинга Барки точик, архивное фото

Оё барқ боз гарон мешавад? Мӯъминзод дар бораи ба се қисм тақсим шудани "Барқи тоҷик"

918
(Таҷдидшуда 14:10 03.02.2021)
Роҳбари Хадамоти зиддиинҳисории Тоҷикистон, Абдулмаҷид Мӯъминзод дар бораи ба се қисмат тақсим шудани ширкати бузурги барқии кишвар гуфт ва тавзеҳ дод, ки барқ боз гарон мешавад ё не

ДУШАНБЕ, 3 феврал - Sputnik. Роҳбари Хадамоти зиддиинҳисории Тоҷикистон, Абдулмаҷид Мӯъминзод дар рафти нишасти матбуотӣ ба суоли хабарнигорон дар бораи тарифи нави барқ дар соли 2021 посух гуфт.

Намояндагони расонаҳо аз мавқуф гузоштани тарифи нави барқ дар Тоҷикистон бинобар пандемия дар соли 2020 ёдрас шуданд.

Ҷаноби Мӯъминзод гуфт, ки феълан "Барқи тоҷик" дар бораи тарифи нав пешниҳоде накардааст ва шарҳ дод, ки дар кишвар чигуна нархи барқ тағйир дода мешавад.

"То ҳол "Барқи тоҷик" тарифи нав пешниҳод накардааст. Аслан тарифи нерӯи барқ бо қарори Ҳукумат тасдиқ мегардад, ҳарчанд ташаббус аз ҷониби мақомоти дахлдор мешавад", - тавзеҳ додааст раиси хадамот. 

Ҳамчунин Мӯъминзод ёдрас шуд, ки дар "Барқи тоҷик" тағйироти сохтор анҷом дода шуд ва он ба се қисмат тақсим гардид. 

"Ин раванд дар ширкат ҳоло идома дорад. Раисонро таъйин карданд ва феълан тақсимоти воситаҳои асосии ширкат идома дорад", - гуфт ӯ.

Мӯъминзод таъкид кард, ки баъди пурра ба анҷом расидани ин раванд маълум хоҳад шуд, ки минбаъд ширкат ба феҳристи Хадамоти зиддиинҳисорӣ дохил мешавад ё не.

Ҳоло нархи як киловатт/соат нерӯи барқ барои аҳолӣ 22,66 дирам (2,3 сент) аст. Ба ҳисоби "Барқи Тоҷик", нархи ҳар як киловатт/соат барқи тавлидкардааш 28 дирам (2,8 сент) арзиш дорад, вале ба ҷойи фоида зарар мебинад.

Дар зимн, пештар Бонки Осиёии Рушд хоҳони боло бурдани нархи нерӯи барқ дар Тоҷикистон шуда буд. Тобистони 2020 Бонки Ҷаҳонӣ низ барои устувории молии “Барқи Тоҷик” 134 миллион доллар грант ё кумаки билоиваз дод ва низ як шарти он тадриҷан гарон кардани нархи нерӯи барқ буд.

Дастури қатъии Раҳмон ба вазорат ва "Барқи тоҷик": нигаронӣ аз ҷамъоварии пули барқ

Вазъи молиявии "Барқи Тоҷик", ширкати монополисти давлатӣ дар бозори нирӯи барқ, солҳост, ки ногувор мемонад. Дар соли 2020 қарзи ширкат ба беш аз 26 миллиард сомонӣ (беш аз 2 миллиарду 500 миллион доллар) расид.

918
Барчаспҳо:
нарх, Барқи тоҷик, барқ, Тоҷикистон
Фирдавс Шарифзода, шаҳрдори навтаъйини шаҳри Хуҷанд

Фирдавс Шарифзода ба аёдати Бибифайзӣ Қодироваи 95-сола рафт

18
(Таҷдидшуда 15:24 06.03.2021)
Дар доираи таҷлили Рӯзи Модар дар шаҳри Хуҷанд чанд бонуи собиқадори арсаи сиёсат, маориф, саноат ва иҷтимоиёт аз ҷониби масъулини ҳукумати шаҳр аёдат карда шудан

ДУШАНБЕ, 6 мар – Sputnik. Иҷрокунандаи вазифаи раиси шаҳри Хуҷанд Фирдавс Шарифзода ва муовини раиси вилоят Анвар Яъқубӣ ба манзили чанд нафар собиқадорони арсаи меҳнат рафтанд, хабар медиҳад мақомоти шаҳри Хуҷанд.

Мақомдорон аз ҷумла заҳматкаши ақибгоҳи солҳои ҶБВ, дорандаи Медали ҷашнӣ ба муносибати Иди Ғалаба Бибифайзӣ Қодироваи 95-соларо аёдат карданд.

Ахмадзода посетил бедных семей в Исфаре
Исполнительный орган государственной власти Согдийской области

Ҳамчунин сиёсатмадорон собиқадори меҳнат, ки тӯли 20 сол раиси Шӯрои занони маҳаллаи Сайҳун буд, Қутфинисо Раҳмоноваи 90-сола,  собиқадори меҳнат, заҳматкаши ақибгоҳи ҶБВ, дорандаи медалҳои ҷашнӣ Манзура Бобоҷоноваи 80-сола,  собиқадори меҳнат, дорандаи медалҳои ҷашнӣ Муҳаррам Азимоваи 77-сола  ва чанд нафари дигар рафта, онҳоро аёдат намуду, бо иди  модарон табрик намуданд.

Дар навбати худ аёдатшудагон аз таваҷҷуҳу ғамхории роҳбарияти давлату ҳукумат ёдовар гашта, миннатдории худро баён намуданд.

Модарон шукронаи нозу неъмат ва амну осиштагии мамлакат намуда, баҳри оромиву осоиштагии ҷумҳурӣ ва шукуфоиву пешравии он даст ба дуо бардоштанд.

Ёдрас мешавем, ки раиси вилояти Хатлон аз номи кишвардори Тоҷикистон сокини Бохтарро ба муносибати Рӯзи модарон табрик намуду ба ӯ калиди хона тақдим кард.

18
Барчаспҳо:
Рӯзи модарон, аёдати собиқадор, Хуҷанд
Мужчина совершает молитву на кладбище

Ду рӯз пеш аз зодрӯз: ҳунарманди шинохта Раҳмондӯсти Қурбониён ҳам даргузашт

336
(Таҷдидшуда 14:39 06.03.2021)
Раҳмондӯсти Қурбониён, Ҳунарпешаи халқии Тоҷикистон бештар дар филмҳои мазҳакавӣ нақш офарида буд

ДУШАНБЕ, 6 март - Sputnik. Ҳунарманди театр ва синамои тоҷик, Раҳмондӯсти Қурбониён бар асари маризе имрӯз ҷаҳони фониро абадан падруд гуфт. Марги ин ҳунарманди номиро талафоти бузург дар соҳаи синамо ва театр арзёбӣ мекунанд.

Қурбониён 77 сол дошт ва то ҷашни солрӯзаш ҳамагӣ ду рӯзи дигар боқӣ монда буд. Марҳум Ҳунарманди мардумии Тоҷикистон ва Ходиси шоистаи ҳунари ҷумҳурӣ буд ва бисёртар дар филмҳои мазҳакавӣ нақш меофарид. Ӯ бисёртар дар филмҳои мазҳавӣ нақш меофарид.

Дар робита ба даргузашти ин ҳунарманди босалиқа, аҳли Раёсати фарҳанги шаҳри Душанбе ба наздикону пайвандони ва ҳамчунин ба мухлисони марҳум изҳори ҳамдардӣ намудаанд.

Дар таъзияномае, ки раёсати мазкур дар сафҳаи Фейбсук нашр намудааст, аз ҳунарманди марҳум ҳамчун, ҳаҷвнигори хушзавқ, инсони хубу дидадаро ёдоварӣ шудааст.

Зимнан, дар сафҳаи иҷтимоии Фейсбук даҳҳо нафар аз даргузашти Қурбониён изҳори таассуф намуда, дар ҳаққи марҳум дуо намудаанд.

Аз ҷумла Аҳрорзода Адабшоҳ Ҷума дар сафҳаи худ чанд аксе аз лаҳзаи филмбардорӣ бо иштироки ҳунарманди марҳум нашр намудааст.

Ҳамчунин, аҳли эҷоди Театри Хоҷа Камоли Хуҷандӣ аз марги Раҳмондӯсти Қурбониён изҳори таасуф намуда ба пайвандони ӯ ҳамдардӣ баён намудаанд.

Ёдовар мешавем, ки рӯзи 1 март, Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

336