Мобильный телефон

Симкортҳои тоҷикӣ дар Афғонистон: чӣ Хадамоти алоқаро ба ташвиш овардааст?

915
(Таҷдидшуда 14:55 03.02.2021)
Дар марзи Тоҷикистону Афғонистон бисёр муштариён симкортҳои ғайриқонунӣ доранд, гуфт Илҳомҷон Атоев, муовини раиси Хадамоти алоқа

ДУШАНБЕ, 3 фев — Sputnik. Адолат Абдураҳмонзода, муовини раиси Хадамоти алоқаи Тоҷикистон, зимни нишасти матбуотӣ гуфт, ки Хадамот тайи соли гузашта 51 маводи парвандаи ҳуқуқвайронии маъмуриро баррасӣ кардааст, ки зимни он, 51 шахси воқеӣ ва 6 шахси ҳуқуқӣ муҷозот шуданд.

Ваъдаи Бег Сабур барои таъмини алоқаи мобилӣ ба як деҳаи дурдасти Бадахшон

“Парвандаҳо барои риоя накардани қарори ҳукумати Тоҷикистон дар бораи тартиб ва талаботи пайвастшавӣ ба шабакаи алоқаи барқӣ ва хизматрасонӣ аз сӯи мақомоти дахлдор ворид шуда, дар Хадамоти алоқа баррасӣ шуданд. Шахсони воқеиву ҳуқуқӣ аз моддаи 350, замимаи 1 ва моддаи 351–и Кодекси ҳуқуқвайронкунии маъмурии Тоҷикистон муҷозот шуданд”, - гуфт Адолат Абдураҳмонзода.

Қонунҳои шадид

Ҳанӯз 20 июни соли 2019 бо пешниҳоди президенти Тоҷикистон, Эмомалӣ Раҳмон ба моддаи 341, замимаи 1 дар Кодекси ҷиноии Тоҷикистон илова ворид шуда буд.

Тибқи моддаи 341, замимаи 1 - и Кодекси ҷиноӣ, агар шаҳрванд нақзи талаботи қонун дар робита ба пайвасткунии симкорт ба шабакаи алоқаи барқиро дар давоми як соли пас аз татбиқи ҷазои маъмурӣ такрор кунад, аз 600 то 800 нишондиҳанда барои ҳисобҳо (як нишондиҳанда 60 сомонӣ) ё маҳдудият аз озодӣ ба мӯҳлати то ду сол ҷазо дода мешавад.

Ҳамзамон, бино ба ин модда, агар шаҳрванд ё муштарӣ симкорти худро дар ихтиёри касе гузоштааст, ки он шахс симкортро дар ҷиноёти террористӣ ё экстремистӣ истифода кардааст, аз 800 то 1,5 ҳазор нишондиҳанда ё маҳрумият аз озодӣ ба муҳлати аз 2 то 3 сол муҷозот мешавад.

Тибқи моддаи 350, замимаи 1, агар талаботи қонун дар робита бо пайвасткунии симкорт ба шабакаи алоқаи барқӣ риоя нашаваду дар ин кор аломати ҷиноят набошад, шахси воқеӣ аз 100 то 200, шахсони мансабдор аз 400 то 600 ва шахси ҳуқуқӣ аз 800 то як ҳазор нишондиҳанда барои ҳисобҳо ҷарима мешаванд.

То 15 феврали 2022: Ҳукумат муҳлати сабти симкортҳоро дароз кард

Барои фаъолияти бидуни сертификати мутобиқат шахси воқеӣ ҷаримабандӣ мешаваду ба шахси ҳуқуқӣ дар баробари ҷарима инчунин боздоштани фаъолият ба мӯҳлати то се моҳ таҳдид мекунад.

Симкортҳои тоҷикӣ дар Афғонистон

Хадамоти алоқаи Тоҷикистон оид ба 51 парвандаи баррасишуда нисбати шахсони воқеӣ ва ҳуқуқӣ маълумоти муфассал надод.

Дар ҳамин ҳол Илҳомҷон Атоев, муовини дигари раиси Хадамоти мазкур, дар шарҳи ин парвандаҳо гуфт, шахсони воқеӣ ё шаҳрвандони қаторӣ ва шахсони ҳуқуқӣ, дар ин маврид ширкатҳо ё нуқтаҳои хизматрасонии мобилӣ фақат барои дар ихтиёри нафари дигар гузоштани симкорт аз сӯи як нафар ва ҳам ғайрирасмӣ ба расмият даровардани он аз сӯи ширкатҳо ба ҷавобгарӣ кашида шудаанд.

“Чаро муҷозот дар кодексҳо шадид шуданд? Мо иттилои зиёде дар ин маврид дорем, ки хориҷ аз кишвар, марзҳои Тоҷикистону Афғонистон муштариёни зиёде симкортҳои ғайриқонунӣ дар ихтиёр доранд. Мо бояд пеши ин ҳамаро гирем”, - гуфт Илҳомҷон Атоев.

Илҳомҷон Атоев аз шарҳи бештари ин мавзуъ худдорӣ кард, аммо бино ба иттилои дарёфтии Sputnik Тоҷикистон аз чанд навоҳии бо Тоҷикистон ҳаммарзи Афғонистон, афроди зиёде ошкору пинҳон аз симкортҳои тоҷикӣ истифода мекунанд.

Таҳқиқ мешавад: Хадамоти алоқа паёмакҳои бадномкунандаи зидди мухолифинро “спам” номид

Ба гуфтаи ин манобеъ, симкортҳои тоҷикӣ гоҳо то 10 километр умқи марзҳои Афғонистон метавонанд фаъол бошанд ва имкон дорад, ки аз онҳо қочоқбарон ё террористон низ истифода кунанд.

Ҳарчанд Хадамоти алоқа аз ин гуна маворид суҳбат намекунад, аммо чунин вазъ ташвишҳояшро ҷиддӣ ва асоснок мекунад.

915
Барчаспҳо:
симкортҳо, Афғонистон, Тоҷикистон, Хадамоти алоқа
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

95
(Таҷдидшуда 09:36 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.7800 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1520 то 0.1560 ва дар "Алифбонк", 1 рубл аз 0,1500 то 0,1560 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

95
День 2 марта

Тоҷикистон ба узвияти СММ пайваст: имрӯзи таърих

68
(Таҷдидшуда 19:06 01.03.2021)
Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд

Рӯзи 2 март дар ҷаҳон чӣ рух дод

Соли 1993 Шӯрои байниҳукуматии ИДМ оид ба нафту газ ташкил карда шуд.

Соли 1923 дар ИМА аввалин шумораи маҷаллаи "Time" нашр шуд.

Соли 2010 дар Париж дар қароргоҳи ЮНЕСКО маросими ботантанаи ифтитоҳи Соли байналмилалии наздикшавии фарҳангҳо доир гардид.

Рӯзи 2 март дар Тоҷикистон чӣ рух дод

Соли 1992 ҷумҳуриҳои Тоҷикистон, Қазоқистон, Озарбойҷон, Арманистон, Қирғизистон, Молдава, Туркманистон ва Ӯзбекистон  ҳамчун давлати соҳибистиқлол узви Созмони Милали Муттаҳид шуданд.

Соли 1992 дар ҷаласаи 46-уми Ассамблеяи Генералии Созмони Милали Муттаҳид Ҷумҳурии Тоҷикистон ба ин созмони бонуфузи ҷаҳонӣ аъзо шуд.

День 27 февраля нац
© Sputnik/ Стас Этвеш/ Мария Вишнякова

Соли 2011 дар Тоҷикистон Шӯрои рушди тарбияи ҷисмонӣ таъсис дода шуд.

Соли 2012 дар шаҳри Душанбе вазъи вақт ва дурнамои ҳамкории Тоҷикистону Британияи Кабир баррасӣ гардид.

Соли 2016 аз ҷониби кишвардори Тоҷикистон Эмомалӣ Раҳмон ангораи ҷашни Наврӯз тасдиқ карда шуд.

Соли 2017 Эмомалӣ Раҳмон ба муносибати 25-солагии барпо намудани робитаҳои дипломатӣ байни Ҷумҳурии Тоҷикистон ва Ҷумҳурии Финляндия ба Президенти Ҷумҳурии Финляндия Саули Вяйнямё Нийнистё барқияи табрикӣ ирсол намуданд.

Ҷашнҳои рӯзи 2 март

  • Рӯзи байналмилалии гӯгирд.
  • Дар Ливия – Рӯзи тахлия.

Рӯзи 2 март дар Тоҷикистон кӣ таваллуд шуд

Соли 1946 - журналист Мухиддин Олимпур. 

Соли 1950 – ҳунарманди халқии Тоҷикистон Даврон Алиматов.

Соли 1959 – ҳунарманди хизматнишондодаи Тоҷикистон Акбар Мирраҷабов.

68
Барчаспҳо:
ҷашн, ҷаҳон, Тоҷикистон
Вид на международный аэропорт Кольцово в Екатеринбурге

Кӣ парвозҳои масири Екатеринбург-Душанберо "бизнес" мекунад? шикояти муҳоҷирон

0
Шаҳрвандони Тоҷикистон, ки мехоҳанд аз Екатеринбург ба ватан баргарданд, иддао доранд, ки ба фиреби ҳамватанони худ дучор омадаанд

ДУШАНБЕ, 2 март- Sputnik. Шаҳрвандони Тоҷикистон, ки ба вилояти Свердловск барои кор омадаанд, баргашта наметавонанд ва ҳамзамон аз амалҳои қаллобонаи ҳамватанон азият мекашанд, менависад рӯзномаи "Вечерние ведомости".

Худи мухочирон ба нашрия шикоят кардаанд.

Маълум шуд, ки баъзе кормандони шӯъбаи масъули парвози мусофирон дар Ҳавзаи федералии Урал аз ҳамватанони худ маблағи ҳаққи парвозҳои махсуси содиротӣ аз Екатеринбург ба Тоҷикистонро зиёд талаб мекардаанд.

Ҳамзамон, муҳоҷиронро барои гузаштан аз ташхиси COVID-19 ба назди табиби мушаххас мефиристодаанд ва бидуни ташхиси лабораторӣ дар бораи набудани сирояти коронавирус шахсон ба рӯйхатҳои бозгашт ба Тоҷикистон дохил карда намешаванд.

Нархи озмоиш 1440 рубл аст, аммо аз онҳое, ки мехоҳанд ба хона парвоз кунанд, 2000 рубл ситонида мешавад.

Дар бораи он, ки расидҳои дар дигар ташкилотҳои тиббӣ гирифташуда, ки санҷишашон арзонтар аст, беэътиборанд, муҳоҷирон ҳангоми хариди чиптаҳо аз дафтари кассаи ҳавопаймоии "Азия-Транс 24" мефаҳманд.

Тоҷикистон қоидаҳои вуруди хориҷиёнро тағйир дод

Муҳоҷирон инчунин шикоят мекунанд, ки нархи воқеии чиптаҳои ҳавопаймо 39 ҳазор рубл аст, аммо дар дафтари ягона ширкате, ки онҳоро харидан мумкин аст, онҳо 44 ҳазор рубл арзиш доранд.

"Бо дарназардошти он, ки ягон роҳи дигари баргаштан ба ватан вуҷуд надорад, муҳоҷирон маҷбур мешаванд, ки ба нархномаи баландкардашуда розӣ шаванд, аз хешовандон ва дӯстонашон қарз гиранд",-менависад рӯзнома.

Раиси Раёсати Ассотсиатсияҳои Миллӣ-Фарҳангии вилояти Свердловск Фарух Мирзоев қайд кард, ки мушкил вуҷуд дорад.

Ба гуфтаи ӯ, қаблан шикоятҳои зиёд, аз ҷумла дар бораи гаронии арзиши чиптаҳои ҳавопаймову навбатпоиҳо буданд, аммо ҳоло фурӯши чиптаҳо шаффофтар шудааст.

Тоҷикистон ба барқарор кардани парвозҳо бо Русия омода аст

Тибқи ҳисобҳои Мирзоев, "марзҳо охири моҳи март - аввали апрел кушода мешаванд". Зимнан, имрӯзҳо шумораи бештари одамон ба Екатеринбург парвоз кардан мехоҳанд, ки ин тақрибан 80-90 ҳазор муҳоҷир аз Тоҷикистон мебошад.

0
Барчаспҳо:
парвозҳо, муҳоҷирон, Русия, Тоҷикистон