Гулзода гуфт, дар Донишгоҳи тиббӣ чанд донишҷӯи хориҷӣ таҳсил мекунад
(Таҷдидшуда 19:25 03.02.2021)
Ректори Донишгоҳи давлатии тиббии Тоҷикистон гуфт, дар донишгоҳ намояндагони 14 кишвари ҷаҳон таҳсили илм мекунандДУШАНБЕ, 3 фев - Sputnik. Шумораи донишҷӯёни хориҷӣ, ки дар Донишгоҳи давлатии тиббии Тоҷикистон таҳсил мекунанд, доимо меафзояд, гуфт ректори ДДТТ, Маҳмадшо Гулзода зимни нишасти хабарӣ.
"Имрӯз дар донишгоҳи тиббӣ 1601 нафар донишҷӯён аз 14 кишвар, аз қабили Канада, ИМА, Ҳиндустон, Латвия, Покистон, Афғонистон, Эрон, Арманистон, Туркманистон, Узбакистон, Русия, Қазоқистон, Қирғизистон ва Озарбойҷон таҳсил мекунанд", - гуфт ӯ.
Ба гуфти ректор, дар донишгоҳ 1565 хориҷӣ дар бахши бакалавр таҳсил мекунанд, 16 донишҷӯи дигари хориҷӣ дар магистратура, ординатура, аспирантура ва докторантура, 14 нафар дар сатҳи ординатураи клиникӣ таҳсил мекунанд, шаш нафари дигар дар курсҳои омодагӣ таҳсил мекунанд.
Ба иттилои Маҳмадшо Гулзода, дар Донишгоҳи давлатии тиббии Тоҷикистон дар маҷмӯъ 12 598 донишҷӯ таҳсил мекунанд.
Зимнан, ҳангоми пандемияи коронавирусӣ, 161 корманди ДДТТ ба пешгирӣ ва табобати COVID-19 ҷалб карда шуданд. Вай афзуд, ки ҳамаи онҳо аз ҷониби маъмурияти донишгоҳ бо маблағи пулӣ ҳавасманд гардонида шуданд.
Ҳамчунин, донишгоҳ истеҳсоли ду маводи зидди антисептик - "Лавандол" ва "Глисап" -ро оғоз кардааст.
Дар Хоруғ филиали Донишгоҳи тиббии Тоҷикистон барои довталабон боз мешавад
Дар соли таҳсили ҷорӣ бори аввал дар донишгоҳ таҷрибаомӯзӣ аз рӯи ихтисосҳои вирусология, микробиология, эпидемиология ташкил карда шуд, гуфт ректор.
Барчаспҳо:
Бонки миллӣ иҷозатномаи "Вестерн Юнион ДП Восток" ва "Амонатбонк"-ро тамдид кард
(Таҷдидшуда 20:26 02.03.2021)
Бонки миллии Тоҷикистон иҷозатномаи БДА "Амонатбонк" ва "Ташкилоти қарзии ғайрибонкии "Вестерн Юнион ДП Восток"-ро барои фаъолияти оператори низоми пардохтӣ ба муҳлати панҷ сол тамдид кардДУШАНБЕ, 2 мар — Sputnik. Тибқи қарори Раёсати Бонки миллии Тоҷикистон, тамдиди иҷозатномаи БДА ҶТ "Амонатбонк" санаи аз 26 феврали соли равон тасдиқ ёфтааст.
"Бинобар сабаби ба итмом расидани муҳлати амали иҷозатномаи БДА ҶТ "Амонатбонк" барои фаъолияти оператори низоми пардохтӣ, ба "Амонатбонк" барои фаъолияти оператори низоми пардохтии миллии "Корти миллӣ" бо роҳи тамдид ба муҳлати 5 (панҷ) сол иҷозатнома дода шуд", - таъкид доштааст Бонки милӣ.
©
Фото : Пресс-служба президента Таджикистана
Гуфта шудааст, ки мутобиқи қарори мазкур, иҷозатномаи БДА ҶТ "Амонатбонк", ки аз 9 феврали соли 2018 барои фаъолияти оператори низоми пардохтӣ дода шуда буд, беэътибор дониста шудааст.
Ҳамзамон роҳбарияти Бонки миллӣ Идораи низоми пардохтро вазифадор кардааст, ки дар Феҳристи операторони низоми пардохтӣ оид ба тағйироти зерин сабти дахлдорро ворид намояд.
Инчунин бо қарори Раёсати Бонки миллии Тоҷикистон аз 26 феврали соли 2021, бинобар сабаби ба итмом расидани муҳлати амали иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток" барои фаъолияти оператори низоми пардохтӣ, ба "Вестерн Юнион ДП Восток" барои фаъолияти оператори низоми пардохтии "Вестерн Юнион" бо роҳи тамдид ба муҳлати 5 (панҷ) сол иҷозатнома дода шуд.
Тибқи иттилои Бонки миллӣ дар асоси қарори зикршуда, иҷозатномаи ҶДММ "Ташкилоти қарзии ғайрибонкии "Вестерн Юнион ДП Восток", ки аз 9 феврали соли 2018 барои фаъолияти оператори низоми пардохтӣ дода шудааст, аз эътибор соқит дониста шуд.
Ҳамчунин роҳбарияти Бонк, Идораи низоми пардохтро барои ворид намудани сабти дахлдор дар Феҳристи операторони низоми пардохтӣ вазифадор намудааст.
Барчаспҳо:
Жириновский пешниҳод кард, Тоҷикистонро ба ҳайси як вилоят ба ҳайати Русия шомил кунанд
(Таҷдидшуда 23:49 02.03.2021)
Роҳбари Ҳизби либерал-демократи Русия Владимир Жириновский ахиран гуфт, ки чӣ гуна кишварҳои ИДМ метавонанд ба ҳайати Русия ҳамроҳ шаванд ва ин иқдом барои онҳо чӣ паёмадҳо дорадДУШАНБЕ, 2 мар- Sputnik. Владимир Жириновский гуфт, ки сиёсатмадорони кишварҳои ҳамсуд метавонанд тадриҷан як чизе қудратмандтар аз ИДМ бисозанд.
Ӯ дар суҳбат бо радиои "говорит Москва" таъкид дошт, ки муносибатҳои Русия ва Беларус ҳоло дар шакли кишвари шарик нигоҳ дошта мешаванд.
Сиёсатмадор илова кард, ки ҳамин гуна шакл метавон ба Қирғизистон ва Тоҷикистон низ пешниҳод кард.
Жириновский: Тоҷикистон ва Арманистон бояд ба ҳайати Русияи Бузург ҳамроҳ шаванд
"Беҳтарин роҳи ҳалли ҳама масъалаҳо, таъмини амнияти комил ва рушди иқтисод - ин дохил шудани 14 ҷумҳурии собиқи иттиҳоди Шӯравӣ ба ҳайси вилоят ба ҳайати Русия мебошад: вилояти Душанбе, вилояти Бишкек, вилояти Ереван, вилояти Рига, вилояти Житомир, вилояти Киев ва ғайра", - гуфт Жириновский.
Сиёсатмадор инчунин дар суҳбаташ афзуд, ки 20 сол пеш Александр Лукашенко, раисҷумҳури Беларус ба гуфтаҳои ӯ розӣ будааст ва Лукошенко он замон гуфта будааст, ки Беларус омода аст ба ҳайати Русия шомил шавад.
Барчаспҳо:
Нигарониҳо дар бораи гуруснагӣ дар саросари ҷаҳон афзоиш ёфт
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидаастДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".
© Sputnik / Амир Исаев
Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.
Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.
“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021
Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.
Барчаспҳо: