В Таджикистан из Ирака вернули 64 ребенка

Ба наздиконашон надоданд: бо кӯдакони тоҷик, ки аз Сурия баргардонида шуданд, чӣ шуд?

1233
(Таҷдидшуда 18:50 04.02.2021)
Ваколатдор оид ба ҳуқуқи кӯдак дар Тоҷикистон мегӯяд, кӯдаконе, ки аз кишварҳои ҷангзода - Сурияву Ироқ ҳанӯз соли 2019 ба ватан баргаштанд, ба наздиконашон то ҳол дода нашуданд

ДУШАНБЕ, 4 фев — Sputnik. Раҷабмоҳ Ҳабибуллозода, ваколатдори ҳуқуқи кӯдак дар Тоҷикистон дар ин бора зимни нишасти матбуотӣ ба рӯзноманигорон хабар дод.

Ёдрас мешавем, ҳанӯз моҳи апрели соли 2019 84 кӯдаки тоҷик аз кишварҳои ҷангзодаи арабӣ - Ироқ ва Сурия баргардонида шуданд.

"Бо онҳо чӣ шуд?", - пурсон шуданд рӯзноманигорон. 

Ҳабибуллозода дар посух ба ин суол гуфт, ки ҳама таҳти ҳимояи давлат қарор доранд ва масъулин аз ҳолашон хабар мегиранд.

"Бо он далел, ки соли 2020 пандемия буд, мо низ ба хотири ҳифзи онҳо аз беморӣ, камтар хабарашон мегирифтем. Лекин чанд маротиба дар он муассисаҳое, ки нигоҳ дошта мешаванд, будем", - қайд кард ваколатдор.

Вай афзуд, то ҳол масъалаи баргардонӣ баррасӣ мешавад, аммо давлат ба қароре наомадаст, ки кӯдаконро ба хешовандонашон диҳанд.

"То ҳол нафаре аз кӯдакон ба наздиконашон бар гардонида нашудаанд. Ин масъала омӯзишро тақозо мекунад. Инҳо кӯдаконе ҳастанд, ки модаронашон дар муассисаҳои ислоҳи ҷазо дар кишварҳои арабӣ қарор доранд", - таъкид кард хонум Ҳабибуллозода.

Вай афзуд, давлат кафолат гирифтааст, ки орнҳоро тарбия мекунад.

Дар ҳамин ҳол, пештар низ масъалаи баргардонидани кӯдакон ба наздиконашон расонаӣ мешуд, аммо мақомот мегуфтанд, ки ҳоло ба як хулоса наомадаанд.

Миёни шаш мурда: Марям дар бораи зиндагии фоҷиабораш дар Ироқ нақл кард

Пештар гузориш дода шуда буд, ки аз 84 кӯдак - 44 нафарашон аз 1 то 4-сола мебошанд ва дар муассисаҳои томактабӣ қарор доранд. зз нафарашон хонадагони синфи аз 1 то 9 будаанд, тарбияти онҳо ба зиммаи Вазорати маориф гузошта шудааст. Боқимондаҳо, ки аз 18-сола боло будаанд, ба Вазорати меҳнат вобаста шудаанд.

Мақомот мегӯянд, ҳарчанд кӯдакон ба наздиконашон дода нашудаанд, дидорбинӣ бо онҳо манъ нест ва метавонанд аз аҳволашон хабар гиранд.

1233
Камнепад в Таджикистане

Ҳушдори КҲФ аз селу сангрезӣ ва дамои ҳаво барои имрӯз

34
Кумитаи ҳолатҳои фавқулодаи Тоҷикистон дар такя ба Агентии обуҳавошиносии кишвар иттилоъ додааст, ки дар кишвар ҳавои ноустувор ва боришот то охири ҳафта боқӣ хоҳад монд.

ДУШАНБЕ, 2 мар — Sputnik. Ба иттилои манбаъ, бо сабаби боришоти дарпешистода ва болоравии заминаи ҳарорат, обшавии босуръати барф дар кӯҳҳо ба амал меояд, ки метавонад ба эрозияи хок ва ҳаракати онҳо, ба баланд шудани сатҳи об дар дарёҳо, обанборҳо ва инчунин ба харобӣ ва эрозияи хатти соҳили дарёҳо ва кӯлҳо.

"Дар натиҷаи боришот, хатари фаромадани тарма, сел ва сангрезаҳо боқӣ мондааст",-афзудааст манбаъ.

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бори дигар аҳолиро даъват мекунад, ки аз сафар, сайругашт ба минтақаҳои тарма, ҷамъоварии гиёҳҳо дар ноҳияҳои кӯҳӣ худдорӣ кунанд, ҳушёр ва эҳтиёткор бошанд.

Тибқи иттилои Ожонси обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, рӯзона дар баъзе ноҳияҳои ғарбии вилоят бориши сусти борон дар назар аст.

Ҳаво дар ғарби вилоят шабона 3-8 дараҷа хунук ва  рӯзона 1+6 дараҷа гарм мешавад. Дар шарқи вилоят ҳаво  шабона 18-23 ва рӯзона  2-7 дараҷа хунук мешавад.

Ҳаво дар вилояти Суғд  абрноки бебориш мешавад. Ҳаво  дар водиҳо шабона 2+7 дараҷа гарм ва рӯзона 10+15 дараҷа гарм мешавад. Дар ноҳияҳои кӯҳӣ ҳаво шабона 3-8 дараҷа хунук  ва рӯзона 1+6 дараҷа гарм мешавад.

Дар вилояти Хатлон  ҳавои абрноки бебориш дар назар аст. Ҳаво дар водиҳо шабона 2+7 ва рӯзона 14+19 дараҷа гарм мешавад.  Дар ноҳияҳои доманакӯҳӣ ҳаво шабона  аз 1 дараҷа хунук то 4 дараҷа гарм ва рӯзона 8+13 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда,  танҳо рӯзона дар ноҳияҳои алоҳидаи кӯҳӣ бориши сусти борон пешбинӣ мешавад. Ҳаво  дар водиҳо  шабона 0+5 дараҷа гарм ва рӯзона 13+18 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук  то 3 дараҷа гарм ва рӯзона  3+8  дараҷа гарм мешавад.

Дар  шаҳри Душанбе ҳавои абрноки бебориш дар назар аст. Ҳаво шабона  1+3  ва рӯзона 15+17 дараҷа гарм мешавад.

34
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

179
(Таҷдидшуда 09:36 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.7800 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1520 то 0.1560 ва дар "Алифбонк", 1 рубл аз 0,1500 то 0,1560 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

179