Министр образования и науки Мухаммадюсуф Имомзода

Имомзода гуфт, мехоҳад иддаои донишҷӯи кордкашро шунавад

4011
(Таҷдидшуда 13:20 05.02.2021)
Вазири маориф ва илми Тоҷикистон Муҳаммадюсуф Имомзода қазияи кордкашии донишҷӯ дар Донишгоҳи технологии Тоҷикистонро шарҳ дод

ДУШАНБЕ, 5 фев — Sputnik. Ба гуфтаи вазир, дар ҳодисаи рухдода ҷурми декан ҳам истисно намешавад.

Рӯзноманигорон аз вазири маорифи Тоҷикистон Муҳаммадюсуф Имомзода пурсон шуданд, ки ба ҳодисаи пурсарусадое, ки дар Донишгоҳи технологии кишвар рух дод, чӣ назар дорад.

Имомзода дар посух гуфт, ки ин ҳодиса боиси нигаронии вазорат гашт ва дар ин гуна ҳолатҳо наметавонад танҳо як нафарро муҷрим шиносад.

"Муассиса аз ду қисмат иборат аст: омӯзгор ва донишҷӯ. Инҳо ҳарду бо ҳам тавъаманд. Вақте донишҷӯ нисбати устод чунин муносибат мекунад - бад аст, вақте устод ягон муносибати ноҷо нисбати донишҷӯ дошта бошад, ин ҳам бад аст", - таъкид мекунад вай.

Дар ҳамин ҳол рӯзноманигорон вазирро пурсиданд, ки оё маълум аст, ки донишҷӯ бо кадом сабаб даст ба ин амал задааст. Вазир посух гуфтааст, ки ҳоло он иттилое, ки дорад, яктарафа аст ва то тафтиши пурраи ҳодиса аз ҷониби мақомот ба хулосае омада наметавонад.

"Ҳоло мақомотҳои марбута ин ҳолатро тафтиш доранд, лекин барои мо ҳарду ҳам баданд. Он чизҳое ки мо шунидем якҷониба аст, лекин ман мехостам ҷониби донишҷӯро низ шунавам", - таъкид кард вай.

Ба гуфтаи Имомзода, вақте санҷиш ба итмом мерасад, ин масъаларо дар сатҳи тамоми донишгоҳҳо баррасӣ мекунад.

Ёдрас мешавем, дар бораи ҳодисаи коркашии донишҷӯ дар саҳни донишгоҳи технологии Тоҷикистон нахустин шуда Sputnik Тоҷикистон гузориш дода буд.

Бино ба иттилои дарёфтии Sputnik Тоҷикистон, бегоҳии 28 январ як донишҷӯ, Музаффар Имомназаров, декани факултаи менеҷменти байнулмилалӣ ва маркетингро барои нагузоштани баҳои триместр ва иҷоза надодан ба имтиҳонҳо бо кор зада маҷрӯҳ кардааст.

Вақте донишҷӯ имтиҳонҳои трисместрро намесупорад, декан падарашро ба сӯҳбат даъват мекунад. Донишҷӯ деканро таҳдид мекунад, ки мекушам ва бо корд таҳдид мекунад. Ӯ дар саҳни Донишгоҳи технологии Тоҷикистон деканро корд зада, фирор мекунад. Деканро ба вазнинхонаи шифохонаи Қарияи Боло интиқол медиҳанд.

Дертар милисаи Душанбе аз боздошти донишҷӯи кордкаш хабар дод.

4011
Барчаспҳо:
донишҷӯ, декан, кордкашӣ, донишгоҳ, Тоҷикистон
Денежные купюры: евро, доллары и российские рубли.

Ҷаҳиши қурби Евро ва рубли русӣ дар Тоҷикистон

94
(Таҷдидшуда 09:44 04.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Дар Тоҷикистон қурби Евро ва рубли русӣ боло рафт

ДУШАНБЕ, 4 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1530 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро аз 13.6377 то 13.8500 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1530 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рубл имрӯз 0,1530 - 0,1550 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1460 то 0.1560 ва дар "Алифбонк", 1 рубл аз 0,1520 то 0,1560 сомонӣ нишон дода шудааст.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

94
Барчаспҳо:
рубл, евро, асъор, Бонки миллии Тоҷикистон, Тоҷикистон
Люди в медицинских масках на автобусной астановке в Душанбе

Вазорати тандурустӣ: вазъи санитарию эпидемиологӣ дар Тоҷикистон муътадил аст

17
(Таҷдидшуда 10:02 04.03.2021)
Тибқи таҳлилҳои ситоди вазорат тандурустӣ, айни замон вазъи санитарию эпидемиологӣ дар Тоҷикистон муътадил мебошад

ДУШАНБЕ, 4 мар — Sputnik. Ахиран вазорати тандурустии кишвар эълон доштааст, новобаста аз он, ки аз 10 январи соли 2021 дар Тоҷикистон ягон ҳодисаи  нави гирифторшавии шаҳрвандон ба бемории COVID-19 ба қайд гирифта нашудааст, ҷаласаи Ситоди Вазорати тандурустӣ ва ҳифзи иҷтимоии аҳолии Тоҷикистон доир ба пешгирӣ ва табобати бемории COVID-19 ҳамарӯза дар ду марҳила, субҳ ва шом барои таҳлили вазъи санитарию эпидемиологии кишвар ва баррасии дигар масъалаҳои соҳа ба тариқи онлайн доир мегардад.

Тибқи иттилои дафтари матбуоти вазорати тандурустӣ дар ин ҷаласа вазир, муовинони вазир,  сардорони як қатор раёсатҳои зерсохтори вазорат, сардорони раёсатҳои тандурустии шаҳри Душанбе, ВМКБ, вилоятҳои Хатлону Суғд, роҳбарони муассисаҳои тандурустии шаҳру ноҳияҳои кишвар иштирок менамоянд.

Гуфта шудааст, ки дар ҷаласаҳои ситоди вазорат пеш аз ҳама масъалаҳои гардоишҳои хонагӣ, назорати шаҳрвандоне, ки аз хориҷ ба Тоҷикистон ворид мешаванд, вазъи нигоҳубини занони ҳомила, иммунизатсиякунонӣ, вусъати корҳои ободониву созандагӣ ба истиқболи ҷашни бузурги миллӣ-30-солагии Истиқлолияти давлатии Тоҷикистон ва дигар масъалаҳо таҳлилу баррасӣ қарор дода мешаванд.

Махсусан, зимни ҷаласаҳои ситоди вазорат роҳбарони КАТС-и шаҳру ноҳияҳои мамлакат доир ба натиҷаи гаштҳои хонагӣ, вазъи саломатии шаҳрвандони аз хориҷи кишвар воридшуда ба роҳбарияти вазорат ҳисобот пешниҳод менамоянд.

Тавре аз таҳлилҳои ҷаласаҳои ситоди вазорат бармеояд, хушбахтона, айни замон вазъи санитарию эпидемиологӣ дар кишвар муътадил мебошад.

17
Барчаспҳо:
муътадил, вазъ, тандурустӣ, вазорат, вируси корона, Тоҷикистон