Кумитаи меъморӣ пардохти хариди манзил тавассути бонкҳоро баррасӣ дорад: шарҳи Зубайдзода
(Таҷдидшуда 10:41 07.02.2021)
Дар пайи қабули ин пешниҳод пардохти пули хариди манзит ба ширкатҳои сохтмонӣ танҳо тавассути бонкҳо сурат хоҳад гирифтДУШАНБЕ, 7 фев — Sputnik. Кумитаи меъморӣ ва сохтмони Тоҷикистон мегӯяд, пешниҳоди пардохт барои хариди манзил тавассути бонҳоро мавриди баррасӣ қарор додааст
Роҳбари Кумитаи меъморӣ ва сохтмони ҷумҳурӣ Маҳмадсаид Зубайдзода зимни нишасти хабарие гуфт, баҳси ислоҳот ба қонунгузории ҷумҳурӣ бо мақсади рафъи хатарҳо ҳангоми хариди манзил дар биноҳои нав идома дорад.
Ба гуфтаи вай, ҳангоми баррасии ин масъала таҷрибаи бархе аз кишварҳо, аз ҷумла Қазоқистон омӯхта мешавад. Аз ҷумла, пешниҳод карда мешавад, ки пардохти пули манзилҳо тавассути бонкҳо ва сабти ном тавассути нотариусҳо сурат мегирад.
Зубайдзода инчунин қайд кард, ки ҳолатҳое бештар рух медиҳанд, ки саҳмдорон пас аз пардохт дар хариди манзил мушкилот доштанд, мушкилот дар сабти ном ва ё нотамом мондани хонаҳо мешаванд.
"Дар солҳои охир 23 бинои истиқоматӣ нотамом монданд. Намунаи он ширкати "Мовароуннаҳр" бо лоиҳаҳои нотамоми он буд. Танҳо пас аз дастгирии Ҳукумати шаҳри Душанбе ва дигар ширкатҳои сохтмонӣ, сохтмони ин хонаҳо ба анҷом расид", - гуфт ӯ.
Дар соли 2020 ба бахши сохтмон беш аз 1,1 миллиард доллар сармоягузорӣ равона шуд
Тибқи маълумоти Кумитаи меъморӣ ва сохтмони ҷумҳурӣ, дар кишвар, дар маҷмӯъ, 2108 ширкат иҷозатномаи сохтмонӣ доранд, ки 53-тои онҳо ширкатҳои хориҷӣ, аз ҷумла ширкатҳои Туркия ва дигар кишварҳо мебошанд. Соли 2020 дар кишвар 1 миллиону 383,9 ҳазор метри мураббаъ манзил ба истифода дода шуд.
Раҳмон: CASA 1000 миёни Осиёи Марказӣ ва Ҷанубӣ иқдоми саривақтист
ДУШАНБЕ, 4 мар — Sputnik. Саммити ЭКО имрӯз 4 март дар шакли онлайнӣ баргузор гардид.
Раисҷумҳури Тоҷикистон ҳангоми суханронӣ аз аҳамияти “CASA-1000” ёдрас шуд.
©
Sputnik / Сергей Мальгавко
Ӯ аз таъсиси Маркази энергияи тозаи ЭКО ҷонибдорӣ карда, татбиқи лоиҳаи сохтмони хатти баландшиддати интиқоли барқи “CASA-1000”, ки нахустин пули энергетикӣ миёни Осиёи Марказӣ ва Ҷанубӣ хоҳад буд, иқдоми саривақтӣ арзёбӣ намуд.
Эмомалӣ Раҳмон ҳамчунин ба бӯҳрони шадиди иҷтимоӣ, иқтисодӣ ва молиявии ҷаҳонии дар натиҷаи бемории нави сироятии КОВИД-19 ба амаломада, андешаронӣ кард.
Президент изҳори умед намуд, ки натиҷаҳои Саммит ба истифодаи беш аз пеши нерӯи Созмон ҷиҳати рафъи оқибатҳои пандемия ва таъмини рушди устувор дар минтақаи он мусоидат хоҳанд кард.
Президенти Тоҷикистон таъкид дошт, ки тиҷорат дар миёни кишварҳои аъзои ЭКО ҳамагӣ ҳашт фоизи ҳаҷми умумии савдои онҳоро ташкил медиҳад ва ин рақам баёнгари истифодаи нокифояи имкониятҳои тиҷоратӣ дар байни давлатҳо мебошад.
Покистон мехоҳад созишномаи тарҳи CASA - 1000 - ро ислоҳ кунад
Зимни суханронии президенти Тоҷикистон ҳамчунин сатҳи ҳамкории кишварҳои аъзои Созмони ҳамкории иқтисодиро дар соҳаҳои нақлиёт, коммуникатсия, энергетика, саноат, истихроҷу коркарди канданиҳои фоиданок, ҳифзи муҳити зист ва дар бахши аграрӣ таҳлил намуд.
Ӯ густариши робитаҳо ва татбиқи барномаву лоиҳаҳои муҳимро барои таъмини рушди устувор дар минтақа зарур шуморид.
Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод
(Таҷдидшуда 19:54 04.03.2021)
Раиси шаҳри Душанбе Рустами Эмомалӣ барои ҷудо кардани маблағ ба поккорон ба муносибти Рӯзи Модарон қарор баровардДУШАНБЕ, 4 мар — Sputnik. Тибқи ин қарор аллакай 1169 занону бонувон кумакпулии яквақтаинаи худро дарёфт карданд.
Ба иттилои дафтари матбуотии шаҳрдорӣ, маблағи умумии ҷудошуда ба занони тамизкор 3 миллиону 633 ҳазору 450 сомонӣ мебошад.
Ҳаиминтавр, тибқи қарори Рустами Эмомалӣ, дар бораи ҳавасманд намудани занони раёсатҳои истифодабарии роҳҳо, муассисаҳои давлатии боғҳои фарҳангӣ-фароғатии шаҳрӣ, бонувон, фаррошони дастгоҳ, дар Муассисаи давлатии истифодабарии роҳҳои ноҳияи Синои пойтахт бахшида ба Рӯзи Модар ҷамъомади тантанавӣ баргузор гардид.
Дар ин ҷамъомад муовини раиси шаҳр Умед Гуреззода ширкат карда, масъулину кормандон ва занону бонувони Муассисаи давлатии истифодабарии роҳҳои ноҳияи Синои пойтахтро ба муносибати Рӯзи Модар табрику таҳният гуфта, барояшон комёбиҳои беназир, саодату пирӯзи таманно намуд.
"Дар асоси дастури раиси шаҳри Душанбе ба 1169 нафар занону бонувон, ки дар тозакориву поккорӣ ва ободонии кӯчаву маҳаллаҳои ноҳияи Сино саҳм гузоштаанд, тӯҳфаҳои хотиравӣ ва мукофотҳои пулӣ дар ҳаҷми 1000 сомонӣ тақдим карданд", - омадааст дар хабарнома.
Соли гузашта Рустами Эмомалӣ амр дод, ки барои тӯҳфаҳо ба занон ба ифтихори Рӯзи модарон ва Наврӯз 3,19 миллион сомонӣ (329 ҳазор доллар) ҷудо карда шавад.
Тақвими рӯзҳои Ид дар Тоҷикистон дар соли 2021
Шаҳрдори пойтахт занони тоҷикро табрик гуфта, модаронро ба "офтоб" муқоиса кард, ки ба ҷаҳон файзу шодмонӣ мебахшад ва меҳру шафқати модаронро манбаи зиндагӣ хонд.
Барчаспҳо: